- حَـياتـي من بعَدك ماهِي حيـاه

البارت الثـانَـي:

عند ليالي وفيصل في السياره
كانت جالسه تناظر في السيارات وتقول بنفسها هذا اللي في السياره وين بيروح وش صار له وهذا وين بيروح وش المصيبه اللي طاح فيها وهذا وين بيروح و وش فقد من غاليين وانا وانا مين فقدت فقدت جدي جدي اللي طالما حاولت استوعب موته ارجع واناديه وكانه بيجيب علي اهخ ياجدي حياتي من بعدك ماهي حياه والله ماهي حياه نزلت دمعه حزينه على خدها مسحت دمعتها لما سمعت فيصل يقول لها:لولو وين تبين نروح
ليالي:اي مكان عادي
فيصل ناظر فيها وهو حاس انها مو بخير شغل السماعه على اغنيه تضحك يبي يغير جوها شوي ضحكت ليالي من سمعت كلمات الاغنيه ابتسم فيصل من سمع ضحكتها
—
عند ريما
كانت جالسه وتكتب على الطاوله بطفش وملل نادتها المعلمه وهي تقول:ريما قومي جاوبي على السؤال المكتوب على السبوره
ريما ناظرت في السؤال وقالت بصوت خفيف:الله ياخذها هالنشبه
سمعتها لمار اللي كانت جنبها ولا قدرت تمسك ضحكتها وفطست ضحك بصوت عالي ولين من شافتها تضحك ولان ضحكتها غريبه وتضحك ضحكت هي كمان شوي وانقلب الفصل كله ضحك الاستاذه بعصبيه قالت:اسكتوا ولا بنقصكم كلكم وانتي يا ريما و يا لمار ولين الحقوني عند المديره وطلعت
ريما ولمار كان بنسبه لهم شي عادي لكن لين جلست تصيح
ريما:يابزر اسكتي شبلاك كله تعهد
لين اللي زادت صياح وضمتها لمار وهي تقول:كنك م تعرفينها يعني خلاص اهدي لين بنقول انك مالك دخل
ريما:م راح تكتبين تعهد خلاص
راحوا البنات ودخلوا عند المديره استاذه شمس وهي معصبه:تو تشرفون
لمار بنرفزه:يختي شبلاك انتي ترا مو بس احنا اللي ضحكنا كلهم ضحكوا وقفت علينا
استاذه شمس:اولاً ماني اختك انا استاذه وثانياً لا ترفعين صوتك
المديره:خلاص استاذه شمس روحي كملي درسك وانا اتفاهم معهم بعدها طلعت استاذه شمس وبقوا البنات
—
‎المديره:ليه يا بنات الضحك في الحصص
‎ريما:م كنا نقصد يا استاذه بلغلط ضحكنا يعني هي جت كذا سبحان الله
‎لمار بتأييد:ايه يا استاذه تعرفين الضحك المفاجئ هذاك فجأه جانا مدري ليه والله يا عليه اوقات غلط تخيلي يا استا.....
‎قاطعتها ريما وهي عارفه انها بتجيب العيد لا كملت وقالت:استاذه ترا لين مالها دخل والله يا استاذه شوفي وجهها بريئ مو حق تعهدات يا استاذه
‎المديره ضحكت على كلامهم وقالت:من قال اني بكتب لكم تعهد
‎البنات ناظروا بعض بصدمه وفرحه بنفس الوقت
‎كملت المديره وهي تقول:تروحون الفصل وما عاد تكرروها زين
‎البنات:سمي،ابشري،من عنيا
‎<<اللي قالت من عنيا واضحه مين ههههههههههههههههههههههههه
—
‎في مكان قريب من المدرسه
‎........:الو وينك
‎........:موجود متى نبدا
‎........:خلوها تطلع اول بعدها بعطيكم اشاره
‎........:تمام
—
‎عند ليالي وفيصل
‎كانوا يتمشون في مول ودخلوا كوفي وطلبوا لهم قهوه وجلسوا على الكراسي تكلم فيصل بحزن شديد:ليالي انتي تعرفين اني مبتعث وصار لي شهرين هنا لازم ارجع واكمل ابيك تكوني قويه ياعيني ووعد وعد اني اجي اخذك في الاجازه بعد المدرسه تجلسين معي لفتره ونرجع مع بعض زين
‎ليالي بحزن:لا تروح تكفى لا تروح مقدر مقدر اكمل لحالي تكفى فيصل خلك معي
‎فيصل تنهد بحزن:يقلبي والله مجبور والله مضطر يعيني وعد بكون على تواصل معك دايم تمام
‎ليالي بعدم رضى لكن مجبوره:تمام
‎قرب وباس راسها وهو يقول:بأذن الله شهرين وارجع بسرعه (ملاحظه فيصل في الشهرين هذي كان يدرس بس عن بعد عشان كذا باقي شهرين)
—
المدرسه
طلعوا البنات من المدرسه كانت لين تنتظر السواق يجي ناظرت جهة البقاله قالت بنفسها "ليش م اروح للبقاله اخذ لي كم شغله وارجع" ردت على نفسها "بسرعه وماراح اتأخر"وراحت للبقاله
—
عند لمار
دخلت البيت بتعب شديد لقت راكان في الصاله راحت له وقالت:سلام عليكم يا اخي العزيز
راكان ناظرها بنص عين:شتبين
لمار:ابد ولا شي
راكان لف وابتسم لما سمعها تقوله:ابي قهوه تكفى هالمره على حسابك
راكان كان عارف انها تبي شي وقال بأستفزاز:قايل انا الأدب في جهه وانتي في جهه
لمار ناظرته بقهر وقالت:طس م عاد ابي شي وجات بتقوم ومسك يدها وهو يضحك ويقول:امزح امزح م توقعت انك نارر كذا م تصبرين
لمار تناظر فيه بحقد
راكان:شيلي هالنظرات لا ابطل
لمار على طول عدلت نظراتها وهي تبتسم بأستهبال
—
خرجت من البقاله وهي مبسوطه وفجأة حست بأحد يمسكها بقوه ويسحبها ويدخلها في السياره وبلمح البصر اختفت السياره من المكان.....
—
عند ريما
دخلت البيت وحطت راسها بين رجولها وهي تحس بضيق شديد اخذت الجوال ودقت على ليالي وردت
ليالي:هلا قلبي
ريما:ليالي كيفك انتي بخير
ليالي وهي مبتسمه:الحمد لله يروحي بخير انتي كيفك
ريما:ماشي الحال
ليالي حست بضيقتها وقالت:فيك شي
ريما:لا
ليالي:لا تكذبين تكلمي شفيك
ريما:متضايقه
ليالي بخوف:شفيك من ضايقك
ريما بحزن:مدري كل اللي اعرف اني فجأه حسيت بضيق
ليالي:انا جايه
ريما:لولو م يحت....
قاطعتها ليالي وقالت:يلا باي جايه
تنهدت ريما وقفلت
—
عند خالد
كان يقلب في الوراق حقت شغله ووصله اشعار
من الواتس سرعان م انقلبت تعابير وجهه الى خوف وهلع كانت صوره لاخته وهم مربطينها وقاعدين يهددونه فيها كان خايف عليها مره مو قادر يصبر يحس بينهار دق على سيف ولد عمه(معه في الشرطه) وبلغه بكل شي واعطاه الرقم عشان يحدد الموقع
—
- عند ريما وليالي
كانوا يسولفون وقالت ليالي:شفيك متضايقه
ريما:والله مدري حسيت بضيق فجأه حاسه في شي صاير خليني ادق على البنات
ليالي حست بخوف بس م بينت
ريما وهي تدق على لين وما ردت قالت:بدق على لمار دقت وردت لمار وهي تشرب قهوه:هلا بابو حميد
ريما:ابو حميد فعينك
لمار:اوه النفسيه في الحضيض شبلاك
ريما:ولا شي كيفك انتي بخير
لمار وهي تضحك بصدمه:من قدي ريما تسأل عني واو يسجل هذا اليوم في التاريخ
ريما وهي تضحك:الله ياخذ عدوك
لمار:آمين الله ياخذه
ريما:اقول شرايك تجين معي لولو تعالي انتي كمان
لمار:يالخاينات جمعات وجلسات من وراي ياحوينة العشره
ريما:اقول يالدراما تجين ولا اقفل
لمار:لا لا بجي خلاص بس دقوا على لين تجي معنا
ريما بتوتر:مدري دقيت وم ترد
لمار:ممكن نايمه يلا باي بروح اكشخ
ريما:باي
—
عند لين
كانت تبكي تبي احد يسمعها
جاء واحد عندها وقال:اذا م سكتي بضربك
لين بخوف سكتت
طلع وقفل الباب
لين جلست تبكي بصمت
—
عند سيف
كان متوتر وخايف دخل عسكري وقال:يانقيب سيف حددنا موقع الجوال
قام سيف بسرعه وهو يقول:جمع الوحدات والحقوني
العسكري:سم طال عمرك وطلع
سيف وهو يكلم خالد:لقينا الموقع بنتحرك الحين خالد تكفى انتظر انا اللي بروح شوف طلبتك انك تجلس لين اروح وانا بنفسي وعد وعد اجيبها واسلمها في يدك لا تشيل هم ياولد العم
خالد:تكفى تكفى ياسيف اختي تكفى
سيف:-ياولد هد قلت البنت بترجع يعني بترجع
—
عند لين
كانت تبكي بأنهيار شوي وتسمع سيارات الشرطه تداهم المكان بكت بفرحه وامان شوي وانفتح الباب وانصدمت من اللي شافته كان واقف ويناظر لها ويبتسم بخبث قرب منها وهي تصرخ تطلب النجده
قرب بسرعه لما حس بخطوات احد سحبها بقوه لدرج وطلع السطح
—
عند سيف
سمعت صوت صراخها تقدمت بشويش وحسيت بصراخها زاد م قدرت اتحمل ودخلت شفته يطلعها من الدرج للسطح ركضت وراه بسرعه وانا اضغط على زر الدعم اخذت الراديو وقلت للي في السطح:تجهزوا هو متجه لكم ردوا:سم طال عمرك
—
عند البنات
ريما بخوف:بنات م ترد
ليالي بخوف شديد:شلون م ترد من ثلاث ساعات ندق ولا ترد
لمار بتردد:دقيقه اصبروا توترت دقيقه دقيقه بدق على راكان يدق على اخوها خالد ويقول لنا وش فيها
ليالي وريما مع بعض:بسرعه
دقت ورد:هلا وش تبين داقه مسرع اشتقتي لي
لمار بنرفزه وتوتر:اقول ورا م تسكت مو فاضيه لك
راكان:طيب ليش داقه
لمار:اسمع صحبتي لين تعرفها
قاطعها راكان وقال:لا
لمار بتوتر:ياحمار اصبر خليني اكمل هي اخت خالد خويك عرفته
راكان:يا حماره قايلتها خويي وشلون م عرفه
لمار بتوتر اكثر:المهم دق عليه وسأله عن لين قول لمار والبنات دقوا عليها وم ترد وينها
راكان:ممكن نايمه
لمار ببكى:ياخي ندق من اليوم ولا ترد تكفى راكان كلمه
راكان وهو يهديها:لمار شفيك حبيبي اهدي بكلمه الحين والله يلا قفلي وبتصل عليك زين
لمار وهي تمسح دموعها:زين
—
عند راكان
راكان:سلام خلود كيفك
خالد بتوتر:ايه هلا هلا راكان بغيت شي
راكان حس فيه وقال:شفيك
خالد:مافيني شي
راكان:ترا اعرفك زين قول وشفيك اي صح بغيت اقول لك اختك لين ايه اسمها لين ايه ايه هي المهم اختي تقول تدق عليها وم ترد وشفيها
خالد:هي ذي المشكله
راكان بخوف:شفيه
خالد:اختي انخطفت
راكان بفجعه:ايششش
خالد بحزن:ياولد متوتر وخايف ومدري لقوها ولا فيها شي ولا
راكان:جاي جاي
—
عند البنات
ريما:يختي دقي على اخوك بسرعه
لمار:زين زين دقت ورد
راكان:هلا لمار
لمار:وش صار وش قال لك
راكان خايف تنفجع وقال:مافي شي
لمار:وش مافي شي قول لين فيها شي
راكان بهدوء:اسمعي اهدي واسمعيني لين اءء اسمعي تنهد وقال:انخطفت
لمار قاطعته بصرخه فجعت البنات مما خلاهم يبكون
راكان:اهدي شفيك حددو الموقع راحوا لها حتى يمكن اخذوها الحين اهدي مافي شي وسكتي البنات لحد يسمع
لمار ببكى:ططيب طيب باي طمني زين
راكان:ان شاءالله يلا باي
—
قفلت منه وهي تبكي
ريما وهي تبكي:ايش وش فيه
لمار وهي تبكي:لين انخطفت
صرخوا البنات بخوف على لين
لمار بخوف ان احد سمع:بنات اسكتوا لحد يسمع
ليالي وهي تبكي:وشو وش انخطفت من خطفها وليه وكيف ومتى
لمار:اصبروا اصبروا بدق على السواق بخليه يجي لنا بنروح المركز ننتظر
البنات بتأييد:ايه ايه
دقت على السواق وجاء وطلعوا بدون محد يدري
—
عند سيف
وصل السطح وهو يقول:احمد اتركها
احمد بخبث:هلا بالنقيب سيف
سيف:اتركها لا تدخل بناتنا في الموضوع موضوعنا بيننا لا تدخل احد فيه
احمد بضحكه مرعبه خلت لين ترتعش برعب:اسمعني يا تجيب ملف القضيه وتحرقه قدامي يا احرقك انت ويها هنا
سيف:تحرق مين؟
احمد بخوف بس م بين:احرقك واحرقها
سيف:هذا اذا قدرت تطلع من هنا حي
لين وهي تبكي بقوه:سيف تكفى سيف بعده عني
احمد بصراخ خل لين تبكي اقوى:انطمي ولا والله لا ادفنك هنا
سيف بغضب:كلامك معي مو معها ياقذر لو ترفع صوتك والله اخنقك بيدي وبحركه سريعه قرب منه وسدد له لكمه مما خلاه يفك لين اللي طاحت في مكانها تبكي وسيف من كثر ماهو منغبن هجم عليه وطاح فيه ضرب والعسكر تجمعوا وحاولوا يبعدونه وبالقوه بعدوه لف وناظر لها وهي تبكي راح لها بسرعه وقال:لين لين انتي بخير لين ناظريني خلاص بعدته والله بعدته
لين جالسه ترجف مو قادره تنطق ولا قادره تتحرك قرب وساعدها ونزل تحت عند الدوريات فتح سيارته جلسها على الكرسي قدام ولفها له واعطها مويه يبيها تهدأ اخذت المويه وهي ترجف ومو قادره تشرب مسك المويه وشربها وهو يقول:اهدي اهدي خلاص انتهى كل شي صاحت بقوه وهي توها تستوعب انها بأمان قالت بتاتاه:اب...ابـ....يي خا...لد
سيف بهدوء:ابشري ابشري بس انتي الحين اهدي وقولي لي سوو لك شي طالعت في عيونه وهي تبكي وقالت:شوف شوف وهي تفتح كم يدينها وتوريه الضرب حزن عليها وقال بنفسه "والله والله لا اطلع هالضرب من عيونه" رجع قال لها:معليه معليه الحين بروح المستشفى نكشف عليك وبعدها بوديك عند خالد في المركز زين
لين وهي تبكي:زين
—
عند البنات
دخلوا المركز وشافوا خالد وراكان واقفين يناظرون فيهم
راكان تقدم وقال:لمار وش تسوين هنا
لمار وهي تبكي:راكان راكان تكفى وش صار وين لين وينها
راكان قرب لها وهو يضمها:اهدي لمار شفيك بأذن الله مو صاير شي اهدي
لمار ضمته بخوف وهي تقول:طيب لو صار لها شـ...
قاطعها وهو يمسح على راسها:مو صاير شي
بعدها وهو يكمل:والحين بنتأكد
راح لخالد وهو يقول:وش صار
خالد:م جاني شي للحين
راكان:اهدا مو صاير الا كل خير
خالد:مين اللي هناك
راكان ببتسامه:صديقات اختك
خالد بصدمه:وتروح تضم وحده منهم تستهبل
راكان ضربه على راسه بخفيف وهو يضحك:ياحمار اختي
خالد:اها
راكان:ولا تقول اسف ولا شي
خالد:تخسى
راكان وهو يبغى يغير جوه:الشرهه موب عليك علي انا الحمار اللي جاي اواسيك
خالد:الحمد لله عارف انك حمار
راكان جاء بيرد بس قاطعه جوال خالد اللي دق
وكان سيف وقال له ان كل شي بخير خالد قفل بفرحه ولف لراكان وهو يضمه:الحمد لله هي بخير
راكان شد عليها بفرحه:الحمد لله
قربوا البنات بتردد وقالت لمار:راكان ايش لين بخير
لف لها راكان ببتسامه:الحمد لله مافيها شي والحين جايه البنات لا ارادياً صرخوا مع بعض وهم يضمون بعض بفرحه راكان وهو يقول:صوتكم فضحتونا
—
عند سيف
اسوق وانا اسمع شهقاتها ناظرت فيها ورجعت ناظرت قدام وكان المستشفى قدامي وقفت السياره ونزلنا دخلنا وفحصوها والحمد لله م كان فيها شي خرجنا واتجهنا للمركز
—
في المركز
خالد كان ينتظر على احر من الجمر رفع راسه على صرخة البنات بـ:لين
قام بسرعه وهو يركض لها ويضمها بقوه لين من حست بحضن اخوها بكت بقوه الكل كان يناظر لهم البنات كانوا يبكون وسيف وراكان كانوا منزلين روسهم بعد خالد وهو يقول:انتي بخير م صار لك شي صح
لين ناظرت فيه وهي تقول:خفت مره اني م ارجع اشوفكم مره ثان.... ماقدرت تكمل من شهقاتها رجع ضمها وهو يقول:اسف اسف يقلبي اسف اني م قدرت احميك اسف شدت عليه بقوه وهي تقول:ليش خطفوني وش يبون مني
خالد بعدها وهو يقول:بعدين اقول لك روحي للبنات تقطعوا من الصياح
لفت لجهتهم بسرعه وركضت لهم وهي تحضنهم ويبكون كلهم بعد مده من الصياح لمار رفعت راسها وهي تقول:كله منك انا اللي م ابكي بسهوله جلست اصيح تقول ميت لي احد الحين وش يفكني من راكان بيقعد سنه قدام يطقطق علي ضحكوا كلهم وقال راكان وهو ميت ضحك:كويس انك عارفه
وجلسوا يضحكون قاطعهم سيف وهو مبتسم:يلا لين تعالي
لين:وين
خالد:بيسألونك كم سؤال
لين بخوف:طيب تعال معي
سيف:تعالي انا بكون معك خالد م يقدر
لين بشوية راحه:تمام
وراحوا
راكان:يلا لمار انتي والبنات بوديكم البيت
لمار:اصبر ننتظر لين
خالد:بيطول الموضوع شوي روحوا انتوا وانا بجيبها عندكم
البنات:تمام
وطلعوا
—
اليوم الثاني صحت لمار وهي تناظر الفوضى وكل وحده نايمه بجهه قامت وغسلت وجهها وتوضت وصلت وناظرت البنات بخبث:لازم اسوي مقلب فيهم امممم فكر يا عقلي الجميل فكر سرعان م ابتسمت وركضت للسماعه وشبكتها على الجوال وكتبت في البحث صوت تفجيرات وشغلت المقطع وهي تصايح وتتشهد قاموا البنات بخرشه وكل وحده تصقع في الثانيه واللي طاحت على الثانيه ولمار انصرعت من الضحك شوي واستعبوا انه مقلب قاموا على لمار ومسكوها وضربوها ولمار تضحك وقفوا ضرب وبعدوا عنها واللي ماسكه جبهتها واللي ماسكه يدها وتدعي على اللي طاحت عليها واللي ماسكه راسها وتدعي على لمار
ولمار ميته ضحك
—
عند سجى
سجى:اسمعي بكره بنداوم ابغى اخذ حقي منهم
هيفاء:والخطه
سجى:تحسبيني نسيتها لا بس بأجلها الحين باخذ حقي منهم وبعدين استفرد في ليالي ذي
هيفاء:بكيفك
—
عند البنات
جابت لهم لمار الفطور واكلوا وقاموا غسلوا وجلسوا يسولفون قالت ليالي:لين شلون انخطفتي لين ناظرت لليالي بخوف من تذكرت كيف: قلت بروح البقاله ورجع بسرعه على مايجي السواق ورحت البقاله ويوم طلعت منها فجأة وقفت سياره ونزلوا منها اثنين وسحبوني بقوه لين دخلوني ومشوا
ريما:يمه الله لا يوفقهم
دمعت عيون لين من هالذكره
البنات بحزن وخوف عليها ضموها وهم يدعون ان الله يحفظهم لبعض
—
اليوم الثاني في المدرسه جات الفسحه ونزلوا البنات وجلسوا يمشون ويتكلمون قالت ليالي:واليوم الصباح طيارته اخخخ بنات ببكي
ريما:عادي بس شهرين ويرجع
لمار:بأذن الله تمر بسرعه
لين:انتي لا تفكرين فيها وتمر بلمح البصر
شوي تجي سجى ومعها هيفاء(هيفاء معها بالمدرسه صح عمرها كبير على المدرسه بس هي رسبت اكثر من مره) وقالت بصوت عالي:هلا بـ ليالي نورت المدرسه وبنفسها الا ظلمت
ليالي بطيبه:هلا بك
ريما ناظرت ليالي وهي تقول:ليالي تعالي خليك منها
ليالي انصدمت م تدري انهم متهاوشين قالت سجى:وصرنا نتجاهل يا ريما
ريما طنشتها وهي تمشي تقدمت سجى بسرعه وهي تسحب شعر ليالي بقوه لفوا البنات بصدمه!!
—
طيب نوقف حبايبي هنا ونلقاكم في البارت الجاي❤️
ولا تنسون النجمة ⭐️