بكيتُ فعزّ فِي نفسِي بُكائي
علَيك ونحنُ فِي عزّ الهناءِ
وسألتُ دمعتِي ياليتَ أنّي
فنَيتُ ولَم أرى خيبَة رجَائي
.
صلو على سيدنا محمد (الله صلي وسلم عليه)
-
مرت اسبوعين وصارت اشياء بسيطه منها عم ريم دخل السجن وحكموا عليه بسجن ثلاث شهور مع 20 جلده ومن ناحية عرساننا فكانوا مشغولين طول الاسبوع بتجهيزات العرس
اليوم الموعود زواج فواز وعذاري كانت عذاري تحاول تنسى حبه للبنت اللي يقول عنها وتعيش اللحظه اليوم رغم انها مجروحه من كلامه بس تحاول تنسى الحين دخلوا عليها ايان ورفيف وهم يزغرطون ضحكت عذاري بتوتر وهي تقول:متوتره
ايان:بدري حبيبي على التوتر حتى م بعد جات لارين وتتوترين من الحين توتري لا رحنا القاعه وقالوا عريسك جاي
لارين:-ميكب ارتست العايله يثقون بالميك اب حقها ويحبوها البنات ودايم ياخذوها للمناسبات
شوي ودخلت عليهم لارين وهي تقول بصراخ:هايي
رفيف بخرعه وهي اللي كانت عند الباب:وجع قطعتي حيلي حسيبك الله
لارين وهي تسلم عليها:آسفه يقلبي انتي وبعدها سلمت على ايان ودفتها وهي تقول:وين العروس
ايان اللي طاحت وقالت بالم:ياهذي البنت نبيها تجي تسوي لنا ميكب وتجي تكسرنا
لارين طنشتها وهي تسلم على عذاري وتحضنها:يوه بنتي صارت عروس
عذاري:بموت من الخوف لارين
لارين وهي تغمز لها:مين اللي امه داعيه عليه
ضربتها عذاري وضحكوا كلهم
-
بعد م خلصوا توجه الكل للقاعه وكانوا مبسوطين لهم ويبينون لهم ان عادي خلاص تزوجتوا مهما كانت طريقة زواجكم بالنهايه انكتبت اسمائكم جنب بعض ارضوا بهالواقع وقت الزفه كانت عذاري ترجف بخوف من حياتها القادمه وهي اللي توها تستوعب انها الحين خلاص متزوجه بواحد م يحبها ولا يبيها وفوق كذا يحب وحده غيرها تقدمت ام عبدالمجيد من بنتها وهي تضمها بفرح:مبروك يايمه
عذاري برجفه:الله يبارك فيك يمه
ام عبدالمجيد وهي تسمي وتقرا وتذكر الله على بنتها وتقول:يابنتي انتي تزوجتي فواز خلاص الله كاتب ان يكون نصيبكم وقدركم مع بعض ابيك يايمه تكونين صبوره وتصونين زوجك ابي الكل يقولون تربية امها وابوها زين يا امي انتي
عذاري برجفه:ان شاءالله
بعد ساعتين جات ام عبدالمجيد وقالت:يلا حبيبتي الزفه
عذاري قامت وهي ترجف برعب دخلت ساره وضمت عذاري:شفيك يقلبي اهدي
عذاري:ساره بموتت شلون بنزف برتبك وجيب العيد
ساره ابتسمت وهي تقول:عادي حبيبتي انتي بس فكري بالحب وهي تغمز لها
ضربتها عذاري وهي تقول:ابيك تريحيني وتزيديني خوف
ساره بضحكه:شفيك انتي كذا عنيفه
عذاري:انلام بالله عليك انتي شايفتني في موقف لا يحسد عليه وتتكلمين كذا
ام عبدالمجيد قاطعتهم:اقول وشرايكم نسحب على الزفه واجيب لكم قهوه وشاهي وتسولفن انتي ويها
عذاري:ايه تكفين يمه
ام عبدالمجيد ضربتها بخفه وهي تقول:اقول قدامي يلا لا يجلس ينتظر فواز
ساره وهي تصفر:اخس يالعمه البطله صفت مع زوج بنتها وخلت بنتها
ام عبدالمجيد ضحكت بحزن وهي تقول:اكيد بصف مع ولد الغاليه(ام فواز وام عبدالمجيد كانوا صديقات واقرب ثنتين لبعض ومعروفه صداقتهم عند العايله وهم من صغرهم صديقات)
قالت ساره بمحاولة تغيير جو الحزن:يلا يلا الزفه وقامت ترقص بستهبال مما خل ام عبدالمجيد وعذاري اللي كانت بتموت من الخوف يضحكون
وقفوا عند الباب وبدت اغنية الزفه حقت عذاري اللي كانت اهداء من البنات لها انزفت عروسة الليله بكامل اناقتها وجمالها والكل حولها يسمي عليها ويذكر الله على جمالها وصلت للكوشه وبعدها دخل فواز على اغنية خاصه لفواز اهداء من ام عبدالمجيد اللي كانت تبكي وهي تشوفه متجه لجهت بنتها وللحظه تذكرت كلام ام فواز
YOU ARE READING
- حَـياتـي من بعَدك ماهِي حيـاه
General Fictionكتبتُـها بقلمـي ✍🏻 - يافاتنًا بالحب قلبي قد مَلك هل أنت من حوَا وآدَم أم مَلَك؟ عيني إذا نظَرت لحُسنِك سبَحت سبحَان من خلق الجمال وجمّلك
