- حَـياتـي من بعَدك ماهِي حيـاه

الـبارت الخَامـس عَشـر:

-
بسـم الله نبـدأ..

جالسه بصدمه من اللي قاله ومليون سؤال
في راسها معقوله يحبني طيب من متى
وكيف وليه طيب هو يعرف بالوضع اللي
انا فيه ويعرف وش صار اخر شي كيف
كذا صح م لمسني الحيوان ذاك بس كان بيصير
وغير كذا م سألني عن وجودي هناك كيف واثق فيني لهدرجه صح انو انا مو من هالنوع الوسخ ذا بس هو وش دراه قامت وهي تشيل هالافكار ودخلت للغرفه ونامت
-
في بيت تركي
قال باستغراب:خلود
خلود تقدمت منه وقالت:جيت اتطمن عليك تعرف جيت من سفر وكذا
ليالي رفعت حاجبها وقالت:وش تصيرين له يوم تجين تتطمنين عليه
ريما بتأييد:ايه جاوبي
خلود بقهر:ولا شي كذا بس ولد عمي واخوي يعتبر
ريما:اخوك اجل
خلود سكتت بقهر
تقدمت ليالي ومسكت يد تركي
وقالت بدلع تبي تقهر خلود:يلا حبيبي تعبنا من السفر خلنا ننام
تركي ناظر لها وابتسم وقال:حاسه فيني والله
ريما ابتسمت وقالت وهي عارفه مقصد ليالي:روحوا  الله يبعد عيون الحساد عنكم
وناظرت لخلود بنص عين
راحوا للغرفه حقتهم ولفت ريما لخلود
وقالت:يلا مع السلامه
طلعت خلود بقهر وقفلت الباب ريما
وقالت:مالت ترفع الضغط
-
عند سيف
دخل البيت وهو تعبان طلع من دوامه من التعب شوي واختل توازنه من اللي صقع فيه بقوه ناظر للي صقع فيه وقال:من انتي
لين بخرشه:هاه اءء انا وسكتت
سيف:لين
لين بتوتر:ايه
سيف: وش جابك
لين نست نفسها وقالت:ليش ان شاءالله غير مرحب بي
سيف ابتسم وهي نزلت راسها بسرعه من الاحراج
وطلعت برا البيت
-
ام عبدالمجيد:كللللللللللللووووووووشش فرحتني يمه
ابتسم عبدالمجيد وقال:دوم يمه
ايان نقزت له وقالت:مين هي نعرفها
عبدالمجيد:م تعرفوها بس انا اعرفها يمه بس صدقيني اني م تعرفت عليها بالحرام ولا كلمتها لغرض التسليه فيها ولا اساسا كلمتها ابد حتى جوال م عندها بس انا يمه حبيتها من كل قلبي من يوم شفتها وانا ابيها بالحلال
رفيف بغمزه:ياحبيبي ياخوي طاح في شبر مويه
ايان:يحليله طلع يحب
عبدالمجيد بنص عين:ليه مالي قلب يوم م احب
ايان:اشك الصراحه
عبدالمجيد قام بيهبدها:وش مسوي لك انا
حطت رجلها ايان وقالت:مع السلامه يالعاشق الولهان
ام عبدالمجيد:يا امي نبي نعرف البنت ونعرف اهلها ومن وين هم
عبدالمجيد قال لامه عن حالها بس م قال عن اي شي يخص المداهمه وبنسبه لعمها قال لها انه مسجون بسبب انه مد يده على رجل امن قال الصدق بس ماقال وش السبب
-
بعد يومين
عند فواز وعذاري اللي في سابع نومه
فواز:يلا قومي لي ساعه اصحيك بنتأخر يلا
عذاري بنوم:طيب بس شوي يلا روح
فواز بتنهيده:خمس دقايق وارجع
-
في بيت تركي
ريما:ليول وين اسوارتك هذيك اللي عجبتني
تركي:لا تقولين ليول انا بس
ريما بعناد:ليول يلاا
تركي قام بيصفقها بس هربت وهي تنادي ليالي بـ"ليول" وليالي ميته من الضحك
-
في بيت ابو خالد
لين بصوت عالي:ماما تعالي وينك ابيك تسوين لي الفستان
هادي:شفيك تصارخين
لين من ورا الباب:ابي ماما تخيط الفستان
هادي:روحي لها ليش تنادينها
لين اللي م كانت لابسه شي من فوق واستحت تقول له:طيب طيب خلاص روح
راح هادي ولين اخذت البدله ولبستها وراحت لغرفة امها دخلت وهي تدور امها وشافتها على الارض انفجعت وركضت لها وهي تصرخ بـ"ماما"
سمعوا العيال برا ودخلوا بسرعه وشافوا امهم على الارض ولين اللي جنبها تبكي تقدموا كلهم من امهم اللي على الارض وهم ينادونها دخل ابو خالد على اصوات الصراخ وانفجع لما شاف زوجته على الارض تقدم بسرعه وهو يرفع راسها يضرب خده بشويش وينادي بأسمها لكن لا رد زاد بكى لين وقام خالد وقومها وهو يهديها وهادي ماسك يد امه
قال ابو خالد وهو يقيس نبضها اللي كان تمام
:اعطوني عطر ولا بصل ولا اي شي ريحته قويه بسرعه
قام عبدالله وجاب العطر اللي كان اقرب شي واعطاه ابوه اللي اخذه بسرعه وبخه في منديل وقربه من خشمها والكل يناظر بخوف فتحت عيونها بأنزعاج من ريحة العطر القويه بكت لين براحه انها قامت وضمت خالد بقوه
هادي بخوف:يمه شفيك
ام خالد بتعب:م فيني شي ياولدي
ابو خالد:وش صار فيك ليه اغمى عليك
ام خالد بكذب:جعت وما اكلت شي وجاني هبوط
ابو خالد فهم وش فيها وقال بتوتر:يلا قومي
لين ببكى:بجيب اكل لك
وراحت وهي تمسح دموعها
-
في بيت ابو سيف
جواد وهو ينادي:ريفان
ريفان جات:هاه يانشبه هاه
جواد:اولاً لا تقولين هاه ثانياً وين ثوبي
ريفان:قلتها ثوبك انا شدخلني
جواد:ريفان لا تعيدين السيناريو انا قايل لك اكويه
ريفان:في الملحق
جواد:رحت حتى اول واحد رحت له
ريفان:الا هناك
جواد:يختي رحت والله
ريفان:طالعت ورا الباب؟
جواد وهو يحك راسه:لا
ريفان:ها انقلع لا اسمعك تناديني مره ثانيه
-
في بيت ابو عبدالمجيد
رفيف:ايان تعالي قفلي السحاب
ايان:دقيقه اسوي الاسواره
رفيف:تعالي واسوي لك الاسواره
راحت لها وقفلت السحاب ورفيف سوت لها الاسواره ونزلوا وهم ماخذين عباياتهم
-
في الشاليه بعد م الكل وصل
البنات وهم يضمون ليالي
رفيف:اخخخ يالكلبه اشتقت لك
عذاري:قلنا شهر عسل بس مو تصدقون نفسكم وتجلسون شهر
ليالي وهي تضحك:لو داريه انكم بتشتاقون لي لهدرجه كان من اول سافرت
ام عبدالمجيد من بعيد:كيف حالك يقلبي والله اشتقنا لك
ليالي وهي تسلم عليها:بخير ياخالتي كيفك انتي
ام عبدالمجيد بابتسامة:الحمد لله وحشتينا يابنتي
ليالي ابتسمت:م يوحشك غالي
سولفوا شوي ودخلت ليالي تسلم على الباقين
-
بعد م اكلوا وخلصوا طلعوا البنات لبرا وكالعاده خذوا لهم فرشه وجلسوا عليها وقعدوا يسولفون
رفيف:بنات وين القهوه
ريما وهي تضرب جبهتها:يوه نسيتها في المطبخ
ليالي:خلاص انا بقوم اجيبها
وقامت وراحت للمطبخ وقبل تدخل سمعت كلام ام راشد لام عبدالمجيد
ام راشد:الا ي سهام"ام عبدالمجيد"هذي الذبايح لمين ليالي وزوجها ولا عشان اصابت عذاري
ام عبدالمجيد:لهم كلهم بس اهم شي لا يدرون ليالي وتركي عن اصابت عذاري
ليالي بصدمه همست:اصابت عذاري اي اصابه وليه لا ندري
ام راشد:اها زين
رجعت ليالي للبنات وقعدت ناظروها البنات
وقالت رفيف:وين القهوه
ليالي م ردت لان اصلاً م حست فيها وتفكر بموضوع اصابت عذاري
ريما:ليالي شفيك ردي
ليالي م ردت عليها
ايان صرخت وهي تقول:لياليييي
لفت ليالي بخرشه:شفييك
ايان:ساعه ننادي وين القهوه
ليالي ناظرت لعذاري وتقدمت منها وضمتها وبكت بقوه
عذاري بخرشه:ليالي شفيك
ريما تقدمت لليالي بسرعه:ليالي لا تخوفيني شفيك
ريفان بخوف:ليالي شفيك تكفين
ليالي وهي تبكي:ليه م تقولين لي ليه
عذاري فهمت وقالت:آسفه والله م كنت ابي اخرب عليكم بعدين عادي جات الرصاصه على كتفي بسيطه
ليالي بعدت عنها وقالت بصرخه:رصاصه!
عذاري بأسف:اي والله آسفه
ليالي بكت بقوه وقالت بصوت عالي:ليه ليه م تقولين لي ليه لو صار لك شي الحين م كنتوا بتقولون لي بس عشان سافرت
جو الحريم بخوف من الصراخ
وقالت ام عبدالمجيد:ليالي وشفيك يا بنتي
ليالي راحت لام عبدالمجيد وهي تبكي:ليه م قلتوا لي ليه
ام عبدالمجيد:بأيش
ليالي ببكى:بأصابت عذاري ليه ياخالتي ليه ليه
ام عبدالمجيد غمضت عيونها بقوه
ام خالد:وشدراك يابنتي من قالك
ليالي وهي تبكي:سمعت خالتي سهام وام راشد
ام عبدالمجيد بقهر ناظرت ام راشد
جوا الرجال بعد م قال لهم راشد عن اللي صار
ابو خالد:وش صاير وشفيه يا ام خالد
ام خالد:ليالي عرفت عن اصابت عذاري
تركي بصدمه:اي اصابه وليش تونا ندري ومن متى
قال له عبدالمجيد وقال:وليش م قلتوا لنا
عبدالمجيد:م كنا نبي نخرب سفرتكم
ليالي ببكى:المفروض تقولون لنا من شهر انصابت وتو ندري ليش ليش وسكتت بقهر وهي تبكي
عذاري بكت وقالت:سامحيني والله م كنت ابي سفرتكم تخرب والله
ليالي ناظرت لها وهي زعلانه منها بس م حبت تطول السالفه بذات من بكت عذاري حزنت عليها وضمتها وقالت:لا تبكين انا م زعلت منك بس ماكان لازم تخبون عنا
عذاري:آسفه آسفه
شوي وبعدت ليالي عن عذاري وهي تمسح دموعها
قال تركي:ليالي تعالي
راحت له ليالي ورحوا عنهم
ابو خالد:الحمد لله انهم دروا وخلاص كنت شايل هم يلا كل واحد يرجع من المكان اللي جاء منه وكمل وهو يقول:ام خالد جيبوا الشاهي
ام خالد:ابشر
-
عند تركي وليالي
تركي وهو يمسح دموعها:ليول خلاص صار اللي صار
ليالي بقهر:كان قالوا لي وربي يزعل الموضوع يعني لها شهر من انصابت ولا ندري
تركي ابتسم وقال:شفيك صايره بكايه
ليالي صفقته بقهر:لا تقهرني زياده
تركي توسعت ابتسامته وقال:م عاش من يزعل حبيبتي
ليالي ناظرت له وقالت:ابي ارد حركتهم بس مدري كيف
تركي قال بابتسامة:سهله سوي نفسك انه اغمى عليك وانا بشيلك وبوديك عندهم واقول ليالي اغمى عليها ونخرشهم وكذا نكون ردينا الحركه
ليالي:فكره والله
تركي:والله يا اننا صايرين حقين مقالب والمشكلة خايسه
ليالي ضحكت وقالت:انت ملاحظ معي
ضحك تركي وقال:نبدأ..يلا طيحي
ليالي:وش طيحي محد فيه شيلني يلا
تركي شالها وقال بمزح:ياثقلك
ليالي بخرشه:يمه لا يكون زاد وزني
تركي بخبث:يمكن تعرفين.......
سكتته ليالي اللي عارفه وش بيقول
وقالت بخجل:انطم
ضحك تركي وقال:يلا غمضي عيونك وانتبهي تضحكين
غمضت وكمل تركي مشي بس في شي تعلق في رجله وطاح فوق ليالي
ليالي:اخخخ ظهري
تركي قام وهو يقول:يدي حسبي الله
ليالي بوجع:كان الله به من مقلب حسيبك ربي ياتركي
تركي بالم:وانا شسويت
ليالي:كله منك قلت خلينا نسوي مقلب من زينك انت ومقلبك الخايس
تركي بوجع:ليش توافقين هاه كان رفضتي لزوم نرد الحركه يعني
ليالي وهي تحاول تحرك ظهرها:اسأل نفسك يالفاهي
تركي بوجع:اخخخ ليه سمعتي كلامي يعني انا حمار ودايم اجيب العيد ليه تسمعين لي ليه
ليالي:اخ شكلي انشليت
تركي بفجعه ناظر لها ونسى وجع يده
وقال:بسم الله عليك وش يعورك
ليالي:ظهري اهخ
تركي ساعدها وهو يحول يقومها وهي كل شوي تصارخ لين قومها
ليالي:شكله بيغمى علي صدق مو مقلب
تركي رفع راسه لها وضحك بقوه على شكلها
وناظرت له ليالي وضحكت على شكله المبهذل
شوي ورجعوا وكل واحد منهم راح للمكان اللي بيروح له
-
عند العيال في المجلس
جواد صرخ:طفش
خالد:دق براسك في الجدار ثلاث مرات
جواد:طس انت
عبدالمجيد:يعيال وربي طفش منجد خلونا نسوي شي
عبدالله نقز:شرايكم نسوي مقلب
ضحك تركي بقوه من تذكر المقلب اللي كانوا بيسووه هو وليالي
ناظروه العيال بفضول
وقال راكان:وش فيك
عبيد:ضحكنا معك
تركي وهو يضحك بقوه:ياربي بطني بموت
سيف قال بضحكه:شفيك
تركي وهو يضحك:شي خاص م بقول لحد
فيصل:قول ياخي
تركي ابتسم:ايه انت عادي بس بعدين اقول لك
عبدالله بقهر:ايه ليه طيب واحنا
تركي ابتسم:لانه شي يخصه
عبيد:عادي اليوم بفلوس وبكره ببلاش مصيري اكشفك
-
عند البنات
لمار:بنات شرايكم نلبس عباياتنا ونطلع برا نلف حول الشاليه
ايان:قداممم
ليالي:مقدر اروح معكم ولا ودي اروح
ايان ضحكت:المسكينه ظهرها يوجعها
ليالي:انطمي الشرهه علي اقول لكم
ريما ضحكت وقالت:بتروحين معنا غصب
وقاموا البنات ولبسوا العبايه وساعدوا ليالي
ريما:يلا
ليالي:اخ صرت عجوز وانا توي في سن الزهور
رفيف:اي زهور ياشيخه امشي امشي
طلعوا ومشوا وهم يلفون وراحوا ورا الشاليه كان ظلام م في غير اضاءه خفيف مشوا وايان تخوف في ريفان ورفيف وتضحك
ليالي:بنات اسمع صوت
رفيف:يمه زيي
ريفان:انقلعوا لا تخوفوني
ريما:مافي شي امشوا
عذاري:بنات في احد هناك
ريفان بخرشه:وين
عذاري ضحكت بقوه وقالت:امزح ياخوافه
لين:بنات تعالوا من هنا
راحوا معها ودخلوا مكان غريب
ريما:وش هالمكان
عذاري:يخوف
ايان:بنات تسمعون
ليالي:والله في احد يلحقنا
رفيف:يمععععع
ايان:اسكتي ياحماره
لين:يمه خلونا نرجع
ريما:اصبروا
لمار:بنات تعالوا من هنا
لين:طسي خلينا نرجع
لمار:بس من هنا والله ونرجع
مشوا ودخلوا وم لقوا شي وخرجوا
وهم حاسين بأحد وراهم لكن كانوا يطنشون بس في الاخير لفوا وصرخوا بقوه من شافوا الشباب اللي وراهم
لمار بخرشه:من انتوا
الشخص الاول:ياعيال تعرفون ذولا بنات مين
الشخص الثاني بخبث:حفيدات محمد وإبراهيم
الشخص الثالث بتفكير:شرايكم نخطفهم
الشخص الاول:فكره حلوه
ريما:وش اللي نخطفهم تستهبل انت وياه ترا خطف ذا تدري وش عقوبته
الشخص الرابع:وشهي
ريما:اقل شي عشر سنوات يروح عمرك وانت تكلم الجدار
الشخص الثاني:ماشاءالله انتي شرطيه
ريما:فعينك شرطيه لا بس هذي معلومه عامه انتوا م تبحثون تمشون على عماها
الشخص الاول:طيب وش الحل الحين
ريما:الحل تذلف انت وياه ولا والله شوف ترا انا عندي عيال عم في الشرطه يجون ويتلونكم مع اذانيكم لان هذا يعتبر تهديد يلا انقلع انت وياه لا اصرخ والم العالم
الشخص الاول:كفو والله هذي اختي
ريما بصدمه:تركي
تركي بضحكه:لا الخاطف تركي
ريما بقهر:انت شفيك ماسكه معك مقالب هالايام
تركي ضحك:والله حتى انا مدري
تقدمت تبي تضربه بس الاخ انحاش ولحقته ريما وهي تنزل الشبشب
ضحك فيصل بقوه على شكلها وهي تركض وراه وشايله الشبشب
ليالي بقهر:وانت معه هاه
فيصل رفع يده باستسلام:انا مالي دخل جيت مجبور
ليالي صفقته
اما لين وريفان ورفيف يبكون
ولمار وايان وعذاري صفقوا الباقين
لين بقهر وهي تبكي:عبيد قفل التصوير
عبيد:ياقلبي اختي تصيح
رفيف اخذت الشبشب ولحقت عبيد اللي هرب
اما ريفان جلست وهي تمسح دموعها وتدعي عليهم
خالد اللي ميت من الضحك ويحاول يوقف لين اللي تصفقه:يابنت الحلال كسرتيني الله يهديك
لين:احسن
عبدالمجيد ابتسم وقال:هاه جواد انبسطت الحين
جواد:اخخ تونست والله
البنات لفوا كلهم على جواد اللي قال بخوف من نظراتهم:والله انا قلت طفش بس عبدالله هو اللي قال نسوي مقلب
عبدالله بقهر:يالخاين
ولف على البنات بسرعه وقال:اصبروا انا قلت نسوي مقلب بس م وافقوا الا بعدين بعد م خلاص نسينا
هجموا البنات عليه وهو جاء بيهرب بس للاسف طاح وما امداه يهرب فطسوا ضحك العيال من شكله وهو يدعي على جواد
-
اليوم الثاني
صحوا البنات بدري
وراحوا الصاله وجلسوا
ام خالد:ياسهام م قاموا العيال
ام عبدالمجيد:لا ماقاموا
البنات فزو بسرعه
ام عبدالمجيد بخرشه:وش بلاكم
ريما:ولا شي خالتي بس بنروح نصحي العيال
ام فراس:وش تصحون العيال عيب
ريما بهمس:يالليل ذي
ام فراس:وش تقولين
ريما سحبت عليها وقالت لام عبدالمجيد وام خالد:تكفون طلبناكم
ام عبدالمجيد:وش فيه
ريما وهي تتمسكن:تخيلي ياخالتي العيال امس سوو فينا مقلب بغينا نموت من الخوف
ام خالد بشهقه:بسم الله عليكم وليه م قلتوا لنا
لين:اخخ يمه جفت دموعي امس من الصياح
ام خالد:يامال اللي ماني بقايله انا اوريهم
ريما بسرعه:لالالا خالتي احنا بنوريهم نبي ناخذ حقنا الحين وعقب بناديك تصفقينهم
ام عبدالمجيد بضحكه:يلا يلا سوو اللي تبونه وصوروا نبي نشوف وش تسوون
ايان بغمزه:معليك يام ايان عندييي
عذاري دفتها:ام عذاري لو سمحتي
ايان:وخري بس
وراحوا البنات وهم يخططون على مقلب
-
عند العيال
صحوا على صوت شرطه وتفجيرات قاموا برعب
عبيد بخرشه:ياويلي بموت يارب سامحني واغفر لي ذنوبي
خالد:اعوذ بالله وش ذا
عبدالله بخوف:اكيد فجروا في المسجد الحوثيين الله لا يبارك فيهم لا اله الا الله اشهد ان لا اله الا الله تشهدوا تشهدوا
صفقه عبدالمجيد:وش اللي فجروا وش هالفال
جواد بخوف:ايه اسكت
تركي اللي صدق كلامه:اشهد ان لا اله الا الله وأشهد ان محمد رسول الله
فيصل:لا اله الا الله يارب احسن خاتمتنا
قاموا بخرشه من زاد اطلاق النار وصوت البنات يصايحون وخرجوا بسرعه وسرعان م طاحوا فوق بعض وانكب عليهم الطحين والمويه
ضحكوا البنات بقوه على اشكالهم فوق بعض
وايان تصورهم بوناسه وهي تطقطق:انتوا تسمعون اللي نسمعه..لاااا شكله صوت مشغلته رفيف
ضحكوا بقوه وهم يطقطقون عليهم
عبيد قام بقهر وقبل م يتكلم تزحلق
وزاد ضحك البنات
لين:ياقلبي ياخوي طحت
عبيد:اسكتي
راكان:طيب اذا م وريتكم
ايان:لا تورينه ولا نوريك العين بالعين والسن بالسن
عبدالمجيد:رديتوا المقلب هاه طيب انا اوريكم
وقام وهو يحاول انا م يزحلق وهربوا البنات بسرعه قبل يمسكهم وهو يوم شافهم هربوا اسرع بس زحلق وقال بالم:يدي
ضحكوا العيال عليه وقام وهو معصب
-
:خلاص اتركني تكفى
الشخص بخبث:وين اتركك انا م صدقت القاك
:الله يوفقك ابعد عني
الشخص:انا مجبور اخذك
بخوف:تكفى لا لا
الشخص بدون رحمه سحبها بقوه:امشي قدامي
دفته بقوه وخرجت برا الشقه ركض وطلعت من العماره بالكامل وصارت تجري زي المجنونه في الشارع وتبكي بانهيار والشخص يلحقها صادفت محل ودخلته بسرعه وراحت للكاشير وقالت:لو سمحت ممكن جوالك
الكاشير اعطها الجوال واخذته وكلمت اكثر انسان تحس بالامان معاه
:الو مين معي
ببكى:عبدالمجيد
عبدالمجيد وقف بسرعه وقال:ريم!! شفيك؟
ريم بخوف:دخل علي رجال يبيني اجي معه غصب
عبدالمجيد اللي ركب السياره وحرك:جاي جاي انتي وينك الحين
ريم برعب:ففـ..فـ.ـيي محل قهوه
سكتت شوي واخذت نفس وقالت:دقيقة بعطيك صاحب الجوال يكلمك
اعطته ووصف له المكان وراح له وهو مسرع
ريم طلعت تناظر موجود ولا لا
وحست بأحد وراها وحاط السكيـ.ـن على ظهرها وقال:حركه وحده هذي وهو يشد السكيـ.ـنه على خصرها وكمل:تدخل كلها
ريم بدون تفكير حطت رجلها وهربت على وصول عبدالمجيد اللي نزل بسرعه ودخل المحل وسأل عنها وقال الكاشير انها طلعت وكان جنبها واحد
عبدالمجيد بفجعه:ايشش..من وين راحوا
الكاشير علمه وهو ركض بسرعه وهو يدور لها
ريم وهي تبكي:بعد عني
الشخص:الرئيس يبيك
ريم برعب:من رئيسك الله ياخذك انت وهو
دق جوال الشخص ورد:الو....هلا يارئيس مهاب
ارتجفت من الرعب من سمعت اسمه دفت الشخص بسرعه وجات بتركض لكن مسكها من رقبتها وحط السكيـ.ـن عليها في اللحظه اللي وصل فيها عبدالمجيد
ريم بخوف:عبدالمجيد
عبدالمجيد:اتركها
الشخص وهو يهدده:ابعد ابعد والله اقطع رقبتها ولا افكر
عبدالمجيد:نقدر نتفاهم ومحد يتأذى
الشخص:ابعد ابعدد
عبدالمجيد:شوف ترا حركتك ذي بتزيد عقوبتك تساهل معنا عشان نتساهل معاك
الشخص:انا عبد مأمور
عبدالمجيد:مهما كانت مكانة الشخص اللي امرك م راح يقدر يأذيك مجرد م تكون معنا
الشخص بتوتر:مقدر
عبدالمجيد:شوف قرر بسرعه لان الشرطه جايه حتى وصلت الحين ف سلم نفسك احسن
ناظر حوله الا والشرطه محاوطه المكان
خاف بس ماقدر يفكها من الخوف يبي يهددهم فيها عشان يقدر يروح قال بخوف وهو يقرب السكـ.ـين من رقبتها:ابعدو وخلوني اطلع ولا والله لا اذبحها
ريم بكت برعب من حدت السكـ.ـين
عبدالمجيد بقهر:اترك البنت قلت لك
وناظر ريم وقال بحنيه:لا تخافين انا معك والله م يوجعك قبل يوجعني
وبحركه سريعه من العسكري اللي كان ورا الشخص ضربه على يده لين طاحت السكـ.ـين
تقدم عبدالمجيد ولكمه بقوه لين رجع على ورا وتجمعوا العساكر ومسكوه اما عبدالمجيد اللي نسى ان ريم م تحل له ولا بينهم اي صله تقدم وضمها بقوه وقال:انا جنبك لا تخافين
اما ريم كانت ترجف من الخوف وتبكي بقوه
بعد فتره بعد عنها وقال:هديتي
ريم هزت راسها بـ"ايه"
عبدالمجيد:انا م عاد بسكت ذولا وش يبون منك انا ماني تارك اصحاب عمك المرضى ذولا
ريم بخوف:مو من اصحاب عمي
عبدالمجيد:اجل
ريم نزلت راسها بضعف:هذا السبب بكل شي هو اللي خلاني اروح لهذاك المكان القذر
"بكت بقهر وكملت":والله اني غصب عني جيت هددني الله لا يسامحه
عبدالمجيد:دقيقه دقيقه الحين ذا من
ريم:مو هو بس يشتغل لصالحه
عبدالمجيد:ايه مين طيب
ريم بخوف:اءءء
-
عند البنات في الشاليه
لمار:بنات شرايكم نسبح
لين:يلا يلا تكفونن
ريفان:م عندي مشكله يلا
قاموا كلهم الا ريما
البنات لفو عليها
رفيف:م بتقومين
ريما بضيق:لا
ليالي بسرعه م تبي يصرون على ريما:يلا بنات خلونا نروح
لمار:والله والله لا تروح معنا ولا بنقعد
قامت ريما اللي م تبي تخرب جوهم وقالت:يلا
وراحوا لبسوا وراحوا للمسبح ودخلوا البنات وريما كانت خايفه بس تحاول تمسك نفسها
رفيف:يلا انزلي شفيك
ريما:لا مابي بس بحط رجولي مابي يخرب الميك اب عاجبني
رفيف:تمام
نزلت ريما رجولها في المويه بخوف وجات ليالي جنبها وقالت:شوي وروحي تمام
ريما هزت راسها بـ"ايه"
ومابين الصراخ والحماس والرقص وبدون م احد ينتبه جاء راشد الصغير وبضحك وبراءه دف ريما على المسبح وهو يضحك صرخت ليالي برعب وتقدمت تبي تنقذها بس م قدرت من المويه ولو تقدمت زياده بتغرق معها طلعت بسرعه من المسبح مابين صراخ البنات دقت بالجوال على تركي ورد فيصل اللي كان معه الجوال
ليالي برعب:تركي وينك
فيصل:ليالي هذا انا فيصل شفيك تركي في الحمام والجوال معي
ليالي بخوف:فيصل تعال بسرعه بسرعههه
فيصل وقف وطلع وهو يركض:شفيك
ليالي:ريما غرقت في المسبح
ركض بسرعه لجهة قسم الحريم ودخل
وشافته ليالي من بعيد ونادته وركض بسرعه ودخل للمسبح وقاموا البنات يلبسون شي يسترهم اما فيصل نقز بسرعه لها وشالها من المسبح وسدحها وهو يحاول يسعفها وبعد فتره فتحت عيونها وجلست تبكي بانهيار
فيصل بخوف:ريما
ريما بانهيار:مات مات
فيصل:من مات ريما اصحي محد مات قومي معي ريما
ريما ببكى:انا السبـ..
وبكت بانهيار
تقدمت ليالي وضمتها وهي تبكي
وقام فيصل وطلع وهو يعلم ليالي وش تسوي
دخل المجلس وشاف تركي وقال له بهدوء وراح تركي وهو خايف عليها
-
عبدالمجيد بتوتر:وش قولي
ريم:اء مهاب
عبدالمجيد بتساؤل:من مهاب؟
ريم:دقيقه خلنا نروح البيت سالفه طويله ولازم نجلس واعلمك بكل شي
عبدالمجيد:تمام يلا
راحوا ركبوا السياره وتوجهوا للشقه وتفاجى من منظر الشقه:دخلوا هنا!
ريم:ايه
عبدالمجيد:اجلسي انا لازم افهم كل شي
ريم جلست وقالت:انا م قلت لك عن اهل امي صح علاقتهم معنا مو كويسه بس مهاب كان وسكتت بتوتر
عبدالمجيد:كان ايش؟
ريم اخذت نفس وقالت بسرعه:كان يبيني من زمان بس هو انسان مو كويس وانا م ابيه وهو مُصر ياخذني والله م ابيه بس هو يبيني تعبت كثير من يوم مات ابوي وانا خايفه يغري عمي بفلوسه واتزوجه غصب عني لين م جاء اليوم هذاك الحين ببدا اقولك عن اللي صار هناك وسبب وجودي هناك كنت جالسه في البيت وعمي برا مع اصحابه
-
فلاش باك:
ريم:مين
.......:افتحي الباب تكفين
ريم بخوف:من انتي
البنت:افتحي تكفين واقول لك من انا وكل شي
ريم فتحت الباب ودخلت البنت
ريم:اجلسي هنا بجيب لك مويه
راحت بسرعه تجيب لها مويه ورجعت واعطتها
البنت:شكراً
بعد فتره
ريم:م بتقولين لي شفيك
البنت:انا ضعت عن اهلي ولحقوني شباب وجابتني رجولي هنا
ريم بخوف:تعرفينهم طيب
البنت:لا
ريم:طيب تبين ادق على الشرطه
البنت بسرعه:لالالالا م يحتاج اعطيني جوال بس ادق على اهلي
ريم باستغراب منها بس قالت:م عندي جوال بس في تليفون للبيت تعالي هناك بالغرفه
قامت ريم والبنت كانت وراها وثواني وطاحت ريم بسبب المنديل اللي كان فيه منوم وبعد فتره صحت ريم بالمكان هذاك وبالغرفه هذيك
ريم وهي تحس بصداع:وين انـ...انبترت جملتها من الادمي اللي قدامها قالت برعب:مهاب!!
مهاب بابتسامة:عيون مهاب
ريم:وين البنت
مهاب ضحك:للحين مصدقه البنت ياحبيبتي انتي طلعتي طيبه طيب ليه كل هالسنين انتظرك تحنين علي
ريم:من حبيب من وش تقول انت خرجني من هنا بسرعه
قرب منها وهو يقول بخبث:طيب بس اول شي اخذ حقي منك طول هالسنين
ريم:ابعددد ابعد عني
اقترب منها وبدا يقطع ملابسها صاحت بقوه وهي تحاول تبعد عنه بس انفتح الباب ودخل عبدالمجيد
-
نرجع للحاضر
ريم:تعرف الباقي انت
عبدالمجيد:طيب م مسكوه الكلب ذاك اليوم
ريم نزلت راسها وهي ماسكته بحيره:هذا اللي محيرني
عبدالمجيد:خلاص انتي الحين اهدي وقومي معي المكان ذا م عاد صار آمن باخذ لك شقه ثانيه ترتاحين فيها اكثر يلا
قامت معه وطلعوا ياخذون شقه ثانيه
—
انتهـى⌛️
حبايبي لا تنـسون النجـمة⭐️.