- حَـياتـي من بعَدك ماهِي حيـاه

البارت الثامن:

ساره:تحوسين مين جربي تسوين شي والله اكسر يدك قبل تمدينها
ام راشد:اسكتي لا انادي ابو راشد يعلمك كيف تردين على اللي اكبر منك
ساره:الحمدالله عارفه انك عجوز
ام راشد انقهرت وتقدمت منها بقهر وسحبت شعر ساره وعاد ساره هنا م تشوف غير ام راشد دفتها وشمرت اكمامها بوناسه وقامت عليها ونعلت اللي جابها دخلوا الرجال بعد م عرفوا وتقدم هادي من عمته ساره وسحبها وابعدها عن ام راشد وطلع معها برا وهو يحاول يهديها:شبلاك انتي روقي
ساره:قهرتني الله يقهرها انا م برتاح لين اكمل عليها وقامت بترجع لكن سحبها هادي وهو يضحك:صلي على النبي(صلوا على النبي انتوا كمان)وراك نار كذا
ساره بغبنه:اجل انا تسحبني مع شوشتي انت لو تدري ان لي ساعتين اسوي شعري عيوني انحولت من كثر م ركزت بتسريحة الشعر حسيبك الله يارقيوه(ام راشد) يام السعف والليف جعلني اشوف فـ..... قاطعها هادي وهو يسكر فمها ويضحك ويقول:هدي ياهوه مو زين تدعين
ساره بعد م بعد يده:هذي حلال فيها الدعاء
هادي:طيب خليك منها شرايك نسحب العيال والبنات ونروح الألعاب الكهربائية ونلعب كلنا
ساره:تمام انا بقول للبنات وانت قول للعيال
—
عند البنات
ريفان بصرخه:يسسس ايه موافقين
ساره ضحكت وقالت:شبلاك انتي وين ريفان الهاديه
ريفان:حبيبتي ذي فيها وناسه
ضحكوا وقالت ساره:يلا قوموا
قاموا البنات متحمسات للطلعه ولبسوا عباياتهم
وجوا بيطلعون وصرخت لمار وهو تقول:وجع يالمشفوحات انتظروا بكوي نقابي
انتظروها لين خلصت وطلعوا البنات وشافوا العيال كل واحد بسياره
(فيصل وتركي بسياره وفواز بسياره وخالد وسيف بسياره وعبدالمجيد وجواد بسياره وهادي وعبدالله بسياره وراكان وعبيد بسياره وبدوا يوزعون البنات بالسيارات في سيارة فيصل كانوا ريما وليالي معهم وبسيارة فواز بس عذاري وبسيارة خالد كانت لين معهم وبسيارة عبدالمجيد كانت رفيف معهم وبسيارة هادي كانوا ساره وريفان وبسيارة راكان كانوا ايان ولمار وبس
—
- في سيارة راكان
عبيد قال يبي يقهر ايان:اقول ايان ورا م سموك رقيه او نواهل وش نقزهم بـ ايان الشين ذا
ايان:عبيد لا اقوم عليك
عبيد:لا بس صدق من وين جابوا اسم ايان مو حلو
ايان بقهر:وشدخلك هاه
—
عبيد وهو ماسك الضحكه:كيف وشدخلني بالله راكان اسم ايان حلو
راكان وهو مايبي يضحك قال:مدري تحسه غريب وشين
ايان سكتت بقهر وقالت لمار وهي تضرب عبيد:والله ازين من اسمك
عبيد بوجع:انتي وشدخلك
لمار:زي م دخلت راكان
عبيد وهو يغمز للمار:صدق بالله لمار اسم ايان حلو
لمار:هو مو حلو بس خلاص سموها عاد
ايان لفت على لمار بقهر وقالت:ماشاءالله شبكتي معهم وبعدين انا عاجبني اسمي مالكم دخل
وصدت عنهم وضحك راكان اللي م قدر يمسك ضحكته وبعدها كلهم ضحكوا وقالت ايان بقهر:ايه اضحكوا اضحكوا
زاد ضحكهم وقالت لمار بضحكه وهي تضمها:والله اسمك ازين اسم
قال عبيد وهو يضحك:الحين لو بغينا ندلعك وش نقول
هنا انفجرت عليه ايان واخذت الشبشب وجلست تضرب فيه وماتوا ضحك راكان ولمار على شكل عبيد المتصفق بعد م صفقته جلست وقالت:ان فتحت فمك ياعبيد والله اني لا اصفقك اقوى من كذا
عبيد بألم:اخخخ كسرتني
راكان بضحك:تستاهل
عبيد:قلبت علي هاه
ضحكوا كلهم وايان ابتسمت وهي ماسكه الضحكه وقالت لمار:اضحكي اضحكي وراك ماسكتها
عبيد:عندها كبرياء
هنا ايان م قدرت تمسك نفسها وضحكت بقوه عاد هنا شوفوا الضحكه الغريبه قال عبيد:يعني اسمك غريب وضحكتك غريبه يابنت انتي من وين جيتي
فطسوا كلهم من عبيد اللي طاح تحت من ايان اللي دفعته
—
وصلوا كلهم الالعاب الكهربائية ونزلوا مع بعض ودخلوا واخذوا تذاكر وقالت ساره:انا قائدتكم اليوم نفس توزيعكم بالسياره مستحيل كلنا مع بعض ماشاءالله فوق العشرين المهم بنتفرق الحين يلا هادي
وراحوا كل مجموعه مع بعض نفس تقسيمهم بالسياره
.
عند سيف وخالد ولين
قالت لين:تكفى خلينا نلعب ذي
كانت لعبت السفينه
قال خالد:اما تبينا نلعب ذي
لين:تكفى احبها ومابي اركب لحالي كلنا مع بعض
خالد بخبث:شوفي اذا تبين نركب معك في ذي بتركبين معنا في الصحن
لين:لا عاد م احبها
خالد:والله بكيفك ولا اركبي لحالك
لين بقهر:طيب
وراحوا يركبون السفينه
.
عند راكان وعبيد ولين ولمار
قالت لمار:راكان تكفى نلعب الصحن تكفى تكفى
عبيد:ايه تكفى يلا
راكان:زين
ايان م كانت تبي تركبها بس م قالت لهم سكتت
راحوا عندها وانتظروا دورهم واعطوهم التذكره ودخلوا كان ترتيبهم راكان بعدين لين بعدين عبيد بعدين لمار
لمار بحماس:يوه حماسس
عبيد:هاه ايان مالك حس لايكون خايفه
لف راكان لها وهو نسى ياخذ رأيها وقال:ايان عادي تركبينها ولا تخافين
ايان بخجل وكذب:لا لا عادي
بدت اللعبه كانوا لمار وعبيد بقمة حماسهم
اما ايان كانت بتموت من الرعب وهي قد ركبتها وكانت تجربه صعبه بنسبه لها بدت اللعبه حماسها
وايان لا ارادياً مسكت يد راكان بقوه وترجف راكان لف لها وهو كان حاس انها خايفه من اول بس م تبي تقول م عرف وش يسوي غير انه تركها تمسك يده
وبعد م انتهت اللعبه كانت ايان في حالتها حاله وماسكه بكيتها م تبي تبكي ويطقطق عليها عبيد
فكوا الحزام وقال عبيد:هاه ايان كيف اللعبه
ايان سكتت وهي تحاول تسيطر على رجفتها قال راكان بسرعه يبي ينقذها من عبيد:تعالوا في لعبه حلوه هناك وفعلاً تحركوا للعبه
.
عند هادي وعبدالله وساره وريفان
ساره:هاه وش نلعب
هادي:نلعب لعبة المقص ذيك
ريفان:وش ذيك تخوف ومو زينه لا وشرايكم نلعب لعبة سيارات الاصطدام
ساره:ريفان نبي العاب قويه
عبدالله:نلعب بيت الرعب طيب
ساره:تم هيا
وراحوا وشافوا فواز وعذاري عند اللعبه
ساره:ماشاءالله من متى القوه اخت عذاري
عذاري:فواز حالف ادخل معه فيها
فواز بضحكه:ركبت معك الصحن وبتدخلين معي ذي اللعبه
هادي ضحك:نذل
وضحكوا كلهم
.
- عند خالد وسيف ولين
نزلوا من السفينه وقالت لين:تجنن خلونا نعيدها
خالد:اقول قدامي على الصحن
تذكرت لين وقالت:يوه مع نفسك م بركبها
خالد:غصب عنك تركبينها
سيف:خليتينا نركب السفينه معك الحين دورك
لين:لا حرام عليكم انا م قلت بركب
خالد:لا والله تكذبين بعد لا تخليني اخليك تلعبيها مرتين
لين بقهر:طيب خلاص
وراحوا لها واعطوه التذكره ودخلوا
لين:خلوني بينكم
خالد:ليه؟
لين:مدري احس اذا كنت بنص ربي بيحميني
ضحكوا خالد وسيف بقوه وخلوها بينهم بدت اللعبه وطبعاً م يخلو من صراخ لين اللي سمعوه كل المملكه وبعد م انتهت اللعبه نزلت لين وهي ترجف
خالد بضحكه:بسم الله عليك كيفك اختي
لين:اذلف عني
اما سيف طاح من الضحك
—
- في بيت الرعب
دخلوا وعذاري متمسكه في فواز اللي يضحك وريفان المسكينه ماسكه في ساره شوي وينقز فيهم واحد وريفان وعذاري صراخهم مالي المكان عذاري برجفه:خلنا نطلع فواز
فواز بضحكه:خوافه
عذاري جت بتضربه بس طلع العنكبوت بوجهها وصرخت بقوه وقالت:الله ياخذك
الباقين ميتين ضحك
ريفان ببكى:بطلع تكفون
ساره ضمتها:ريفان شفيك عادي م يخوف
ريفان:الا
عبدالله بنفسه"فديتها"
انتهت اللعبه وقالت عذاري:حسيبكم الله
ساره بضحكه:وشدخلنا احنا
عذاري وهي تضرب فواز:بردت عضامي كله منك
ضحكوا كلهم وبعدها اتصلوا على الباقين وتجمعوا واخذوا لهم اكل وطلعوا راجعين للمزرعه وصلوا وناموا
-
"اليوم الثالث قاموا كلهم وافطروا وبدو يجمعون الاغراض ويركبونها في السيارات وبعد م خلصوا توجهوا لبيوتهم ومر هاليوم بدون اي احداث مهمه"
-
اليوم الثاني الساعه 7:30 في الليل عند عبدالمجيد كان في مركز الشرطه شوي وجاء بلاغ مداهمه تحرك مع العساكر ركبوا السيارات وتوجهوا للموقع وبعد م وصلوا بدت المداهمه ودخلوا العساكر وبعدها دخل عبدالمجيد ناظر بقرف من اشكال العيال والبنات سمع صوت من غرفه على جنب تقدم بهدوء وفتح الباب وشاف منظر تمنى لو تنشق الارض وتبلعه منظر مؤلم للحظه تخيل لو ان وحده من خواته في هالموقف تقدم وسحب الرجال وضربه م ترك عظم صاحي فيه بعدها رماه للعساكر واخذ الشرشف اللي على الارض واعطاه البنت وهو صاد اخذته وهي تبكي سترت
نفسها وجلست تبكي بأنهيار وبحرقه
قال عبدالمجيد بضيق وهو يعطيها العبايه:قومي ياختي
البنت اخذت العبايه وقالت بخوف:وين
عبدالمجيد:المركز
البنت بترجي:لا تكفى لا
عبدالمجيد:لازم تروحين ونتصل على اهلك
البنت بخوف:تكفى بيذبحني والله ليقتلني
عبدالمجيد:طيب ليه جيتي هنا من البدايه
البنت ببكى:انا م جيت برضاي غصب عني والله انا م جيت برضاي والله والله
عبدالمجيد بحزن:طيب قومي معي الحين
قامت البنت وهي خايفه من اللي بيصير
—
- في بيت تركي
تركي بحزن:بتروحين
ليالي:ايه خليك تشتاق لي
تركي ابتسم:لازم يعني
ليالي:ايه لازم يلا باي بروح اسلم على ريما
تركي بخبث:بس كذا باي
ليالي استحت ولفت بتروح بس للأسف هالمره م قدرت تهرب لان تركي كان لها بالمرصاد وحاوط خصرها وقال ببتسامه:هالمره مسكتك
ليالي بخجل:تركي ابعد فيصل ينتظرني
تركي:خليه ينتظر وش وراه انا ابي زوجتي
ليالي نزلت راسها بخجل شديد
ابتسم على خجلها وقال وهو يلفها له ومحاوط خصرها:م بخليك تطلعين لين تبوسيني بوسة الوداع
ليالي حمر وجهها وتفكيرها راح بعيد
تركي ابتسم وقال:لا تموتين علي قصدي هنا وهو يأشر على خده
ليالي بخجل:تركي عيب
تركي ضحك بقوه وهو يقول:تراك زوجتي
ليالي:تأخرت يلا بسرعه تركي بطلع
تركي:انتي اللي بسرعه ترا قلت لك م بفكك لين تبوسيني ولا مافي
ليالي غمضت وباست خده بسرعه وبعدت وهي بتموت من الخجل بس للاسف صقعت في الباب وهي متوتره اصلا ولا شافت الباب اللي كان مردود تقدم تركي وهو يضحك:بسم الله عليك م دريت اني خقه لهدرجه
ليالي بخجل والم من الصقعه:انقلع
تركي ابتسم وقال:وين صقعتي
ليالي وهي تأشر على جبهتها:هنا
باس جبهتها وقال بثقه:راحت خلاص
ليالي:يالواثق طس عني والله فيصل بيشنقني
تركي وهو يغمز لها:م عليك بشنقه جنبك
ليالي:مالت عليك احسب بتقول بصفقه قبل يشنقك
تركي بضحكه:خلاص بصفقه قبل يشنقك
ضحكت ليالي وطلعت وسلمت على ريما وركبت السياره وخذلك تهزيئ من فيصل
—
- عند عبدالمجيد في المركز
وناظر في الكلام حقها بعد التحقيق وتحرك متجه للغرفه حقته بس تراجع من سمع صوت صراخ اتجه
للمكان الصادر منه الصراخ وشاف رجال بعمر الـ40 سنه يصارخ على البنت نفسها تقدم من الرجال اللي ماسكينه العسكر وقال بهدوء:خير ياخوي ليش تصارخ
الرجال:بنت ال***** تروح الاماكن الوسخه ذيك
عبدالمجيد:لو سمحت الفاظك في ناس محترمين هنا
الرجال:انا مالي دخل باحد انا بس ابي امسك اللي م تربت
البنت بصراخ وهي تبكي:انا متربيه انا متربيه لا تتكلم عن تربية اخوك انا متربيه غصب عنك
الرجال بقهر دف العساكر ومسكه العسكري بس الرجال ضرب العسكري ودفه وتقدم منها بسرعه لكن
عبدالمجيد سحبها وراه وقال:ياعساكر امسكوه
تقدموا العساكر بسرعه ومسكوه وهو يصارخ
عبدالمجيد بقهر منه:ارموه في التوقيف لين يعرف يتعدل ومايمد يده على رجال الامن
اخذوه التوقيف وكان يصارخ على البنت ويتوعد فيها
اما البنت كانت بحالة رعب من تهديداته وقالت:بيذبحني والله بيذبحني
عبدالمجيد:م عليك بيطول معنا هنا ان شاءالله وبعدين ياختي في قانون هنا مو بكيفه يذبحك
نزلت راسها بحزن وبكت بالم وحسره وقهر
عبدالمجيد بضيق:خلاص ياخت ريم قلت لك م بيصير لك شي
ريم رفعت راسها وقالت بهم:انا كيف بعيش مع هالحقيقه انا كيف برتاح وش بيصير في الايام الجايه
عبدالمجيد بحزن:وكلي امرك لله والحين خليك جالسه هنا بجيب اوراق توقعين عليها بعدها روحي بيتك الله يستر عليك جاب الاوراق ووقعت عليها وقامت بس وقفت لما قال:في احد يوصلك
ريم بضيق:بشوف تكسي
عبدالمجيد:تكسي بهالوقت لا انا بوصلك
ريم بضياع:بس م تعرف وين بيتنا
عبدالمجيد:وشلون بيعرف التكسي
ريم بفهاوه:بقول له انا
عبدالمجيد ابتسم:طيب قولي لي انا بعد
ريم نزلت راسها بخجل من ابتسامته وقالت:تمام
وتحركوا وركبوا السياره ووصفت له بيتهم وبعدها بنص ساعه وصلوا نزلت وقالت:شكراً لك على كل شي
عبدالمجيد:واجبي
قفلت الباب وانتظرها لين دخلت البيت وتحرك للمركز وهو حاقد على الرجال اللي يكون عمها!!
—
انتهى حبايبي⌛️
لا تنسون النجمة⭐️