- حَـياتـي من بعَدك ماهِي حيـاه

البارت الرابع:

الحمد لله دائماً وابداً
.
—
الساعه 8 بعد العشاء كانوا البنات والشباب محتاسين اللي تدور كعبها واللي تدور سلسالها واللي يدور عقاله واللي يدور شوزه (وانتوا بكرامه)هذي الحوسه كانت في بيوت ابطالي تم كل شي وكلهم اتجهوا الى القاعه اللي استاجرها فيصل كانت جداً جميله وراقيه رغم بساطتها الا انها راقيه كانت بختيار ليالي اللي تحب البساطه جداً وتحب الاشياء الهاديه
—
عند ليالي اللي كانت مره خايفه وترجف قالت لمار:هذي وهي ملكه بس اجل لو صار الزواج وش بتسوين
ليالي اللي بتبكي خلاص:اسكتي الله يزوجك وتحسين باللي احسه الحين
لمار بأستهبال:آمين يارب آمين
ليالي:اني داريه وجهك مغسول بمرق
لين بضحكه:اقول لولو ماعليك منها انبسطي وعادي ترا الزواج حلو
لمار:وشدراك انتي
لين وهي تعفس وجهها:انتي انطمي
لمار:لولو ناظريني زين خلينا اشوف شكلك
ليالي بتوتر:حلو
لمار بمزح:شين
ليالي بغت تصيح بس لمار قالت بسرعه وهي تضمها وتضحك:والله انك اجمل خلق الله تجننين الله يعين عريس الغفله اليوم
—
دخلت ريما وهي تقول:سبرايززززز
صرخت ليالي بفرحه وهي تنقز تضمها:الحمد لله انك جيتي
ريما بفرحه:مبروك يقلبي
ليالي:الله يبارك فيك ريما كيف قدرتي تجين واليوم ملكة تركي اخوك
ريما بكذب:تأجلت
ليالي بفرحه:الحمد لله
ريما وهي تضربها على راسها بمزح:تفرحين على تعاسة اخوي
ليالي:مع نفسك اهم شي تجين
—
عند تركي جاب المملك وبدا المملك اخذ الكتاب واخذ موافقة تركي وقام بيسمع رد ليالي وافقت ليالي وبدا صوت الزغاريط والتباريك دخل فيصل بالكتاب عشان توقع ليالي وقعت بدون م تنتبه للاسم اللي كان جنبها من الارتباك ضمها فيصل بقوه وباس راسها وهو يقول:مبروك يعيني مبروك
ليالي وهي ترجف وبتلعثم:هاه ايه الله يبارك فيك
فيصل بابتسامة م ودك تشوفين زوجك
ليالي بخوف مسكت يده:فيصل مابي اشوف احد تكفى
—
فيصل وهو مبتسم على خوفها:تخافين وانا موجود
ليالي بخجل شديد:مو لازم اشوفه
ضحك فيصل بصوت عالي وهو يقول:حبيبي اذا انتي م تبين تشوفينه هو مستحيل م يبغى يشوفك
زاد خوف ليالي ومسك يدها فيصل وهو يقول:تعالي انا معك وش تخافين منه
دخل الغرفه اللي فيها تركي وهو شاد على يدها اما هي كانت منزله راسها وبتموت من الخجل والخوف
رفع راسه تركي وتنح في الكائن اللي ماسكه فيصل
فيصل بابتسامه:هاه هاه وش صار عليك تروك
ليالي اللي من سمعت اسمه رفعت راسها بسرعه وانصدمت انه تركي م غيره اما بنسبه لتركي من شاف وجهها رجع تنح من جديد اما فيصل انسحب بهدوء بدون محد يحس عليه ليالي استوعبت نفسها ولفت تطالع لفيصل ومالقته مشت تبي تطلع وهي من التوتر مو قادره تستوعب وش جالسه تسوي مسكها تركي وهو يقول:وين وين تعالي باقي م شبعت
ليالي نزلت راسها بخوف وخجل شديد
تركي ابتسم على خجلها وشد على يدها اللي ترجف بقوه وقال:وش فيك ترجفين
ليالي ساكته ولا تقدر تتكلم من الخوف
تركي ضمها وهو يبيها تهدا وقال:ترا م اكل والله
تركي كمل:ليالي شفيك تكلمي تكفين
—
ليالي بتوتر:وشش اقول
تركي ابتسم على صوتها:يازين صوتك على كثر م سمعته الا ان هالمره غير
ليالي استحت مره
تركي بعدها وجلسها وقال:تكلمي لي عنك
ليالي:كيف
تركي ضحك وقال:وش كيف عادي قولي وش تحبين وش تكرهين وكل شي يخصك
ليالي اللي بدت تهدا شوي:احب اشياء كثير
تركي:مثل ايش تحبين
ليالي:امممم كثيرر
تركي:طيب وش تكرهين
ليالي نست نفسها:كلمة لا اكرها كره لا يعلم فيه الا الله يعني طلبتك هالشيء لاني ابيه ليش تقول لا بفه..... استوعبت نفسها واستحت من ضحكته
تركي ضحك على عفويتها:يزينك بس
دخلت ريما وهي تقول:اقول يالخوي ترا زودتها رجع لي صديقتي
ليالي بقهر منها نست نفسها للمره الثانيه وهي تقلد ريما:تأجلت..مالت عليك
ريما ماتت ضحك وقالت:شرايك فيني وانا بس اسوي لك سبرايز اليوم
تركي بعدم فهم:وش تقولون انتي ويها
قالت له ريما وهو جلس يضحك وقالت ريما:بنت م تعرف من اللي خطبها الا بعد م تزوجها انا بعرف كيف م جاك فضول
—
ليالي اللي دمعت عينها من الاحراج ضمها تركي وهو يقول لريما:اذلفي لا اتوطى ببطنك
ريما بمزح:اي مسرع تغيرت علي غيرتك علي اللي جنبك مالت عليها
ضحكت ليالي وقال تركي:اخخ ياقلبي
ريما:يالخروف اعقل
ليالي استحت ونزلت راسها
ريما ابتسمت وقالت:يافرحتي فيكم
تركي سحبها من الجهه الثانيه وضمها وهو يقول:الله يعينني عليكم
ليالي م قدرت تمسك نفسها وضحكت وريما معها وانقلبت الغرفه ضحك دق الباب فيصل ودخل وصرخت ريما اما فيصل توتر ولف بسرعه وهو يقول:اسف م دريت ان في احد هنا وراح
تركي ضحك على شكل ريما:اجلسي وشبلاك مو قاصد
ريما بفشله:يافشلتي وش بيقول عني بيقول ما تستحي رايحه للعرسان
ضربها تركي على راسها بخفه وهو يقول:وهو صادق ان قالها
ريما:تهقى يقولها
ليالي:شدعوه ريما فيصل مو كذا
ريما:اشوا
—
عند البنات
لمار،لين،ايان،رفيف،عذاري
ايان:وينها ريما
لين:عند تركي وليالي
ايان وهي تضحك:وربي مو صاحيه
عذاري:بنات تكفون خلونا نتجمع زي قبل ماعاد نتجمع
رفيف:اي وربي مره اشتقت لجمعاتنا
—
عند ليالي وتركي وريما
ريما قالت:يلا ياعرسان انا بذلف وخذوا راحتكم
تركي:بعد ايش خذوا راحتكم
ريما:لا تخليني اهون واجلس
تركي:جربي وشوفي وش بسوي
ريما:امزح انقلع انت ومرتك انا مالي دخل فيكم وطلعت
ليالي وتركي ضحكوا وقال تركي:مجنونه
لف على ليالي وقال وهو يقرب منها ليالي وتركي ضحكوا وقال تركي:مجنونه
لف على ليالي وقال وهو يقرب منها ويبوس خدها:يلا حبيبي روحي وانبسطي من قدك تزوجتي تركي بن عبدالرحمن
ليالي:يالمغرور
تركي:يحق لي ولا
ليالي سكتت
تركي بخبث وهو يقرب:يحق لي ولا قولي
ليالي رجعت على ورا بشويش وهي خايفه
تركي يتقدم وهي ترجع لين ضربت بالجدار وقالت بخوف:تركي خلاص خلني اروح
تركي ذاب من سمعها تقول اسمه:عيدي
ليالي:وشو
تركي:عيدي اول شي قلتيه
ليالي بفهاوه:م اتذكر من زمان اول شي قلته اتوقع بابا
تركي ضحك على فهاوتها وقال:ليالي مو منجدك
ليالي بأستغراب:وشو
تركي وهو يضحك:اقصد لما قلتي اسمي ابغاك تقوليه مره ثانيه والله انك فاهيه
ليالي تفشلت
تركي ابتسم وباس يدها:يلا روحي لا اتهور
—
ليالي لخجل طلعت بسرعه ووقفت بعد م طلعت من الغرفه وابتسمت وقالت:دام هذي البدايه بأذن الله اني م اندم على قراري
سمعها فيصل وقال وهو فاهم وش قصدها بس يبي يحرجها:وش قرارك
انفجعت ليالي وبغت تطيح من الخرشه بس مسكها فيصل وهو يضحك ويسمي عليها:بسم الله عليك لهدرجه اخذ عقلك تروك والله طلع موب سهل
ضربته ليالي وهي بتموت خجل:انطم
—
عند البنات
ريما بوناسه:اخخخخخ مبسوطه مره
عذاري:من وناستك انبسطت معك وكأني اعرف ليالي من زمان
ريما:عذوره وربي وربي لو تعرفتي عليها م تندمين تجننن
البنات تحمسوا يعرفوها من كلام ريما
—
عند ليالي دخلت من الباب الخلفي وتجهت لغرفة العروس ودخلت وهي مبسوطه ومرتاحه شافت بنت جوا الغرفه استغربت وجودها وقالت بتساؤل:من انتي
لفت عليها البنت وقالت:انتي ليالي
ليالي:ايه
البنت:وع مدري كيف اخذك تركي وتركني انا الزين كله
ليالي حزت بخاطرها بس م بينت:نعم وش تبغين
قربت منها خلود وجت بتتكلم بس قاطعتها فتحت الباب
—
عند ريما راحت لغرفة ليالي بتشوف هي فيها ولا عند تركي وسمعت كلام خلود الاخير ودخلت بغضب وقالت:خير ان شاءالله من سمح لك تدخلين هنا وبعدين وش هالثقه اللي ماهي في محلها من زينك ومن زين وجهك بالله من ضحك عليك وقال انك حلوه روحي شوفي نفسك بالمرايه م توصلين ربع ليالي ويلا اذلفي وان شفتك تكلمين ليالي او تزعلينها وقتها شوفي وش بسوي
طلعت خلود وهي مقهوره من كلام ريما قالت بقهر:اوريك انتي وليالي ذي
بالغرفه:-
ريما:لولو لا يكون زعلتي
ليالي بكذب:لا عادي م همتني
ريما وهي عارفه انها حزت بخاطرها بس حبت تغير جو ليالي وقالت:هاه وشرايك باخوي مز صح وه فديت اخوي
ليالي:اقول اسكتي لا اهفك
ريما:مالت عليك على الاقل استحي شوي
ليالي:استحي من مين منك انتي
ريما بكذب:اقول ورا م رجعتي بسرعه البنات كانوا يبونك تدرين انهم قالوا وش هالبنت م تستحي جالسه مع الرجال ساعه
ليالي بشهقه:منجدك
ريما مكمله كذبتها:لا امزح وشرايك بالله الحين كل القبيله بتدري بسالفه
ليالي وهي اللي خلاص بتموت من الخجل:والله هو اللي م خلاني اروح يافشلتي يالله وين اودي وجهي ماعادني بنازله خلاص قولي لهم العروس هونت م تبي تنزف
ريما فطست ضحك وهي تقول:امزح امزح
ليالي أخذت الشبشب (وانتوا بكرامه) وحذفته عليها
—
انزفت ليالي والكل عينه عليها ويسمي ويذكر الله عليها وصلت ليالي عند الكوشه وبعدها انزفوا البنات(ريما،لمار،لين)لها وهم مبسوطين لها قربوا وضموها وهم على وشك الصياح من فرحتهم فيها
اما ليالي دمعت عيونها من شافت البنات تقدمت منها الجده مها وسلمت عليها وقالت بحنان:مبروك يابنيتي
ليالي اللي تذكرت امها من حنان الجده وجتها الصيحه وبالقوه مسكتها:الله يبارك فيك يمه
نزلت الجده ودخل تركي وتقدم من ليالي وباس راسها وشبك اصابعه باصابعها وشد عليها من حس برجفتها ليالي اللي كانت ترجف من الناس والانظار اللي عليهم لف لها تركي وهو يقول:اهدي شفيك
ليالي برجفه:اشفيهم يطالعون كذا وتروني
تركي ابتسم وهو يهديها:عادي يقلبي اكيد بيناظرون مالومهم شافوا ملاك مو ادميه
ليالي استحت ونزلت راسها
تركي توسعت ابتسامته على حياها
—
في نفس المكان
عند خلود اللي تغلي من القهر :الله ياخذها
لفت لها بنت خالتها وجد وقالت:مين
خلود:ليالي
وجد:وش سوت لك
خلود بقهر:اخذت اللي احبه
وجد:مو هي هو اللي اخذها
خلود:تدافعين عنها؟
وجد:م ادافع بس اقول الصدق
خلود قامت للحمامات بقهر
—
عند ليالي وتركي
ليالي شدت على يد تركي بتوتر لف لها وهو يقول:شفيك
ليالي:فيصل م بيدخل
تركي:مدري قال بيدخل بس طول مدري شفيه
ليالي وهي اللي بدت توسوس:يمه اخوي وشفيه
تركي شد على يدها وهو يقول:ليالي شفيك لا توسوسين يمكن باقي مو الحين يدخل
ليالي:استودعته الله
—
اشتغلت اغنيه سواها فيصل اهداء لليالي وكانت الاغنيه بقد ماهي حلوه بقد م بكت ليالي اللي لامست الحزن بكلماتها دخل فيصل على الاغنيه وتقدم من ليالي وهو خانقته العبره:مبروك ياقلب اخوك
ليالي بكت على طول ضمها فيصل اللي م قدر يمسك نفسه ونزلت دمعه على خده مسحها بسرعه
وهو يقول بتغيير للجو الحزين:لولو من قدك بتتزوجين تروك
ليالي اللي كانت منهاره وهي اصلاً اللي ماسكه البكيه من تذكرت امها وقالت بكل حزن:ليت امي موجوده ليت ابوي موجود سكتت شوي وقالت بحزن اقوى:ليت....ليت جدي موجود وصاحت بقوه
فيصل اللي غمض عيونه بقوه اما تركي نزل راسه بحزن وتقدم من ليالي وهو يمسح على ظهرها ويقول:ليالي اهدي وقولي الله يرحمهم
ليالي وهي تبكي:الله يرحمهم
شد فيصل عليها بحزن وهو يقول:الحمد لله على كل حال والله يرحمهم
—
بعد مده بعدها فيصل وهو يمسح دموعها ويقول:حشى خزانات مو دموع
ليالي ضحكت غصب عنها وابتسموا على ضحكتها
وقال تركي:اقول فصيل اذلف خلاص
فيصل وهو يسحبه مع اذنه:من اللي يذلف
تركي بألم:انا انا
فيصل فكه:اي تأدب
ليالي اللي انصرعت من الضحك وريما اللي ودها تجي وتسمع وش السالفه اشرت لليالي وهو تقول وش ليالي تضحك وهي تأشر لها تعالي
ريما ترددت بس قالت عادي م بقرب منه هو بعيد وتقدمت من جهة ليالي وهي تمسك يدها وتقول:يمه بطني قولي بسرعه وشو وش صار
قالت لها ليالي وريما اللي م حست بنفسها وتضحك بصوت عالي لفوا تركي وفيصل لها اما ريما استوعبت نفسها وتعدلت وليالي بتموت من الضحك على شكل ريما فيصل كان يحاول انه م يضحك قد م يقدر بس ابتسامته فضحته
—
عند خلود طلعت من الحمامات وهي مقهوره وشافت ليالي وجنبها تركي وفيصل تقدمت منهم وهي تقول:مبروك ليالي
ليالي ناظرت فيها ولا ردت
تركي اللي ماهو مرتاح لها وزاد شكه لما شاف ليالي م ردت فيصل بعد عنها لانها كانت قريبه منه وهو مستغرب منها قالت بحقد وهي تناظر ليالي:.......
—
نوقف هنا ..
حبايبي كنت ناويه انزل بعد العيد بس حبيت افاجئكم وهذي عيديتكم
احبكم❤️.
لا تنسون النجمة⭐️