- حَـياتـي من بعَدك ماهِي حيـاه

البـارت الـثانَي والعَشـرون:

كل ساقٍ سيُسقى بما سَقى، ولا يظلم ربك احدًا

بسـم الله نبـدأ
،
ريما ببكي:ابي تركي ابي اخوي لا يموت تكفى جيبه يكذبون
فيصل خانته دمعته وقال بسرعه وهو يمسحها ويقول:ياقلبي اسـ...
قاطعه الدكتور اللي قال بتوتر:دقيقه قريبكم وش اسمه
فيصل باستغراب لف له وقال:تركي عبدالله الـ*****
الدكتور:بس اللي بغرفة العمليات اسمه طلال حسن الـ*****
فيصل بتوتر:دقيقه يعني تركي بخير اخوي ما مات
ريما بصدمه:وش فيه دكتور
الدكتور توتر وقال:في غلط دقيقه بس"وراح"
ريما ببكى:يعني تركي عايش
فيصل بحوسه:ايي..يمكن دقيقه نفهم السالفه
الدكتور جاء وقال بابتسامة:في غلط صار ونعتذر منكم اخوكم تركي عبدالله خلصت عمليته وهو بخير الحين ونعتذر مره ثانيه
ريما حطت يديها على وجهها وبكت بفرحه وهي تحمد ربها اللي حفظ لها اخوها الوحيد اما فيصل جلس وهو اللي معد يقدر يشيل نفسه حط الغتره على وجهه وبكى وهو اللي توه يحس ان تركي مو بس صديقه هو اخوه وسنده وعضيده هو اللي كل ماضاقت بوجهه دروب الحياة مايلقى غير كتف تركي يحتريه
ريما لفت للدكتور وقالت:نقدر نشوفه
الدكتور:اي تعالوا معي
قاموا اثنينهم بسرعه مع الدكتور

عند ريم وعبدالمجيد
عبدالمجيد:ريم
ريم بتوتر:عبدالمجيد ترا والله متوتره ما اقدر اسوي شي الحين
عبدالمجيد لف لها وهو يقول:ريم ياقلبي تراها بسيطه ما يحتاج كل هالتفكير بعدين متى بتقولين قرارك هاه لنا ساعتين ننتظرك ياقلب عبدالمجيد هذا مو لعبه هذي صحتك يالريم مايصير تستهينين فيها
ريم غطت وجهها بيديها وهي تقول:ماقدر ماقدر وش عمليته ذي من وين طلعت ماقدر ماعمري سويت عمليه ولا ابي اسوي
تنهد عبدالمجيد ونزل يديها وقال:اسمعيني ريم انا ما اقدر اتركك على راحتك انتي الحين خايفه ومستحيل تقررين قرار صحيح وعارف انك ما راح توافقين وانتي كذا بس الحين نروح البيت وتتوضين وتصلين صلاة استخاره عشان ترتاحين كذا وبوضعك ذا ما راح تتخذين قرار صائب
ريم وهي اللي بس تبي تطلع من المستشفى:طيب يلا خلنا نطلع
عبدالمجيد:ريمم
ريم:طيب والله والله بصلي وبفكر

عند لين وسطام
لين:مريض انت تحسبني بكل سهوله بخضع لك وخليك تسفرني وتحرمني من اهلى هيه يابوي ترانا ٢٠٢٣ ماتقدر تاخذني بدون رضاي
سطام بضحك ساخر:برضاك اساساً
لين:وش برضاي ماني راضيه ولا برضى والحين رجعني لاهلي لا ادق على خالد يجي يتلك
سطام:دقي على خالد بس اذا اخذتي الجوال مني اول
لين بقهر:سطام تحسبني ما بقدر اصرخ قدام الناس في المطار
سطام ببرود:ما بتصرخين لان لو فكرتي تصرخين بتختارين واحد من عايلتك يمو.ت
لين بدهشه:نعمم!!
سطام:نعامه ترفسك
لين:انت تسمع اللي تقوله ولا تهبد من راسك من باقي يهدد الحين
سطام ببرود:انا
لين:انت هيه...
قاطعها وهو يقول:شوفي والله ثم والله ان سمعت حرف زايد والله"طلع جواله وحط على صورة عبدالله المربط"لا يمو.ت اليوم
انفجعت لين وقالت:سطام مريض انت وشدخل عبدالله
سطام:وش قلت انا
لين بكت وبضعف:تكفى سطام تكفى طلبتك الا اهلي تكفى والله اروح معك لو تبي برا الكوكب بعد بس فكوه لا تسوون فيه شي تكفى
سطام:شوفي اذا سمعتي كلامي وماتكلمتي في المطار ولا فتحتي فمك يمكن افكه واخليه يروح بحال سبيله لكن ان خالفتي كلامي عارفه وش بيصير ما يحتاج اعيد واكرر