- حَـياتـي من بعَدك ماهِي حيـاه

البـارت الـرابـع عَشـر:

لا كانتِ الدنيا وأنت بعيدُ
‏يا واحداً أنا في هواه وحيدُ
‏يا مَن لبستُ لهَجرِه ثوبَ الضنى
‏وخلعتُ برد اللهوِ وهو جديدُ
‏وتركتُ لذّاتِ الوجودِ بأسرها
‏حتى استوى المعدومُ والموجودُ
‏قسَماً بما ألقى عليك من العِدى
‏ومُحِبُّ وجهِك في الوَرى محسودُ
-
بسـم الله نبـدأ

سكتت عذاري اللي كانت تبكي بعد م حست بشيء يخترق كتفها اطلق عبدالمجيد على الشخص بسرعه ولف وشاف فواز جنب عذاري اللي على الارض
تقدم بسرعه وقال:عذاري
فواز بخرعه:دق على الاسعاف بسرعه
عبدالمجيد دق على الاسعاف
فواز بتوتر:عذاري..عذاري...تكفين فتحي عيونك لا تنامين
عذاري بالم:ماقـ...در فوا..ز
فواز:انا هنا فتحي عيونك لا تنامين اصبري يقلبي اصبري الحين بيجي الاسعاف
عذاري:للـ....لا..تتر...كني
فواز:لا تخافين انا معك م بروح
جاو العيال اللي سمعوا الطلق
وقال خالد:شفيه وش صار احد صار له شي
سيف:وينه الكلب
عبدالمجيد:عذاري انصابت طلق عليها واطلقت عليه
جاء الاسعاف ودخلوه واخذوا عذاري وركب فواز معها وهو يتكلم معها م يبيها تغمض عيونها
وصلوا للمستشفى ونزلوا عذاري ودخلوها لغرفة العمليات اما فواز جلس وهو ماسك على راسه من هالاحداث شوي ووصلوا العايله الكريمه ركض عبدالمجيد وهو يقول:فواز وش قالوا
فواز بتوتر:دخلوها غرفة العمليات
عبدالمجيد تقدم من فواز وضمه:ان شاءالله بتقوم بالسلامه لا تشيل هم ياخوي
فواز نزل راسه وقال:ان شاءالله
تقدمت ام عبدالمجيد من فواز وهي تبكي:لا تخاف ياوليدي باذن الله بتقوم بالسلامه
ضمها فواز بقوه وماتكلم
-
عند البنات
رفيف بضيق:يلا بنات خلونا ندق على السواق
لين:تمام الحين ادق عليه
دقت عليه وقالت له يجي ياخذهم
لمار بزعل:ليه ياخي
رفيف:وربي تعبانه ابي ارجع البيت
لمار:اوعدوني تجوني بكره ابي وعد
ايان:ان شاءالله ما نقدر نوعدك واحنا ماندري وش بيصير بكره
صفقتها ريما:اعوذ بالله وش هالفال
ايان:م قلت شي بس كذا يعني ماندري وش يصير ممكن هي اللي تجينا
ريفان بخوف:يمه من كلامك تحسس الواحد انه بيصير شي
دق الجوال وطلع السواق ينتظرهم برا طلعوا بعد م سلموا على لمار
-
في المستشفى جات ساره ركض بعد م سمعت الخبر وصلت لهم وقالت:وشفيها عذاري من اطلق عليها
تقدم منها هادي وقال:مافيها شي ان شاءالله لحد يسمع الحين ويفهم غلط مو ناقصين
ساره بخوف:من وشصار فهموني
اخذها هادي على جنب وقال لها السالفه
شهقت برعب:ومن هالحمار الله ياخذه
غط على فمها وهو يقول:ناويه تفضحينا اسكتي
ساره:الله يعين دقيقه بلبس لبس العمليات وادخل اشوف وش صار عليها
راحت جهزت نفسها ودخلت وشافت الدكتور وقالت:دكتور مشاري
لف لها وقال:تفضلي دكتوره ساره وش بغيتي
ساره بخوف:قريبتي هنا في العمليات وش صار عليها هي بخير العمليه للحين تمام مافي شي
مشاري:اهدي ماشاءالله اي سؤال اجاوب عليه المهم الحمد لله العمليه للحين تمام ومافي شي اجلسي هنا لا تدخلين عشان م تتوتري خليك هنا
ساره:بس ابي ادخل اشوفها
مشاري:تعالي فوق نشوفها من فوق بس م راح ادخلك من فوق تشوفينها مع ان م ودي بس وش اسوي فيك
ساره طلعت معه فوق يشوفون العمليه(مدري كيف اشرح لكم بس في قزاز يشوفون منه الدكاتره اللي م يسوون العمليه اذا كانو يبون يشوفون اي عمليه يروحون هالمكان وهو مكان مرتفع عشان يشوفون بوضوح اتمنى انكم فهمتوا)
شافت الدكاتره حول عذاري توترت مره وصارت تناظر بكل شي خايفه يغلطون بشيء نزلت دموعها بخوف وقالت:يارب يارب احفظها يارب تسير هالعمليه بنجاح وتطلع عذاري ونفرح بها يارب لا تفجعنا فيها يارب يا حبيبي
ناظرها مشاري برحمه وقال:آمين
انفجعت ساره من صوت جهاز دقات القلب ويبدو ان حالتها تدهورت بكت بخوف جلست برعب وهي ترجف وانهارت مكانها تقدم منها مشاري وهو متوتر:دكتوره ساره اهدي الحين بيحلون المشكله لا تخافين
ساره ببكى:يمه لا لا ياربي لا لا يصير لها شي تكفون سوو شي لا يصير لعذاري شي تكفون
مشاري وهو يهديها:خلاص ان شاءالله بيصير كل شي تمام لا تخافين قومي معي نطلع يلا
ساره:لا لا لا لا لا لازم اشوفها لازم يساعدونها تكفون عذارييي لاااا
سكتت من صوت الجهاز اللي يشير ان حالة القلب مستقره
بكت برجفه ومسكت قلبها:اهخ ياقلبي بموت من الخوف
قومها مشاري وطلعها واعطاها مويه وجلس يقول لها عن الحالات الخطيره واللي قدروا يساعدونهم والحين هم بخير يبيها تهدا وماتخاف
-
وصلوا البيت وشافوا الهدوء وناظروا للمواقف ولا في سياره وحده
ريما:وي وين راحوا
ايان بهم:احس صار شي
رفيف بكت على طول:يمه لا يكون احد صار له شي يمه
ريفان بلخبطه:اعوذ بالله لا عاد اسمعك تقولي كذا محد صار له شي اكيد ايه م صار شي وبكت برعب
لين بخوف جلست م تقدر تقوم من الخوف
ريما بتوتر:دقيقه خلاص اهدو شفيكم ممكن راحوا المزرعه ليش على طول تفكرون انه صار شي الحين كل وحده تروح بيتهم ممكن بس الرجال اللي طلعوا والحريم موجودين يلا واذا مافي احد نجتمع هنا مره ثاني ونفهم الموضوع
سمعوا الكلام واتجهوا للبيوت وريما راحت مع ريفان
ورجعوا لنفس المكان وكلمتهم وحده:مافي احد
ريما:تمام تمام اهدو مافي شي الحين بكلم عمي سلمان(ابو عبدالمجيد)واشوف اهدوا
دقت ومارد
لين ببكى:م يرد صح
ريما بخوف:لا
رفيف انهارت:انا قلت لكم متضايقه من اليوم اكيد صار شي والله صار شي يمه استودعتهم الله يارب لا تفجعنا يالله
دق جوال ايان وكان عبدالمجيد ردت بسرعه وقالت:مجود وينكم وش صاير ليه محد موجود وش فيه احد صار له شي
عبدالمجيد بهدوء:اهدي واسمعيني
ايان بخوف:وشو قول تكلم
عبدالمجيد:طيب اهدي من معك الحين
ايان:انا وريما ورفيف ولين وريفان اشفيه تكلم
عبدالمجيد:طيب عذاري...
ايان بخوف:وشفيها يمه وش فيها تكلم لا تفجعني تكفى
عبدالمجيد:طيب خلاص اهدي تكفين عذاري..عذاري انصابت
طاحت على الارض بصدمه:ايش
رفيف بخوف:اشفيه ايان تكلمي وش صار
ريما ببكى:تكفين وشفيه
عذاري انهارت تصيح بخوف تقدمت ريما واخذت الجوال وهي بتموت من الخوف:عبدالمجيد وشفيه وش صاير
عبدالمجيد بخوف:وين ايان وشفيها
ريما:مافيها شي بس خافت وش قلت لها قول تكفى
عبدالمجيد:ريما اسمعيني عذاري انصابت اهدي انتي تكفين انتي اقوى وحده وبتسمعين كلامي خذي البنات وادخلوا البيت تمام وقفلوا على نفسكم ولا تفتحون الباب لحد وتأكدوا من البيبان اذا مسكره او لا قفلوا كل شي زين وانا بجي الحين زين تكفين تكفين اسمعي ونفذي اللي قلته ووعد مني لا اقول لكم كل شي بس ادخلوا البيت ولا تفتحون لحد
ريما بخوف:طيب طيب لا تتاخر
قفلت وقالت للبنات ودخلوا للبيت بسرعه وتاكدوا انهم قفلوا كل شي وجلسوا برعب من اللي قاعد يصير شوي وحسوا بحركه حول الفله
لفت ريما برعب وقالت:بنات اش ولا وحده تطلع صوت اهدوا
ريفان تسارعت انفاسها برعب وقالت:ريما وش قاعد يصير
ريما:اهدوا اهدوا م بيصير شي نحنا بخير تمام
سمعوا اطلاق نار وصارخوا كلهم برعب
ايان ببكى:يمه وش قاعد يصير تكفونن
لين وهي تبكي:من ذولا وش يبون وش هالاصوات يمه انا بموت قبل م يقتلوني
ريما بخوف:وش يقتلونك اسكتي الله يحفظنا
مسكت الجوال ودقت على عبدالمجيد ومارد شوي وصار هدوء بالمكان ناظروا بعض بخوف وتوتر وصرخوا من اللي دق الباب لفوا للباب وتقدمت ريما وقالت بتوتر:مـ..ـين
عبدالمجيد:انا انا عبدالمجيد
تنهدت براحه وفتحت الباب ودخلوا عبدالمجيد وجواد وعبدالله اللي كانوا معه
نقزت ريفان من شافت جواد وركضت له بسرعه وضمته وهي تبكي بخوف
جواد وهو يمسح على راسها:بسم الله عليك
تقدمت لين من عبدالله وضمته وهي ترجف
عبدالله قال عشان يبعد الخوف عنها:مافي شي ليون
صفقته وضحك بقوه وقال:يالبى ليون اختي
تقدمت ايان من عبدالمجيد وقالت:وش صار لعذاري
التفتوا البنات لها الا ريما اللي كانت تعرف وقالوا بصوت واحد:عذاري!
عبدالمجيد قال بسرعه:بخير بخير هي لا تخافون
ريفان تسارعت انفاسها
وقال جواد:ريفان اهدي
ريفان وهي تحس م تقدر تتنفس والاكسجين انعدم
قالت بصعوبه:جـ...ـواد ماقــ..ـدر اتنــ..ـفس 
جواد بخوف:ريفان تنفسي ريفان م بيصير شي لا تخافين
لف على البنات وقال:وين شنطتها جيبوها بسرعه راحت لين للشنطه بسرعه واخذتها واعطتها جواد
عبدالله بخوف:وش فيها جواد وسكت شوي وقال:لا يكون
طلع جواد البخاخ حق الربو وبخ لها وهو يقول:تنفسي ريفان
عبدالمجيد:ريفان خذي نفس
جواد:اعطوني مويه بسرعه
ركضت رفيف تجيب مويه واعطته
شربها المويه وبعد فتره وقال:ريفان كيفك الحين
ريفان ببحه:تمـ..ـام
جواد مسك راسه بتوتر وقال:من فتره ماعاد جاتك معقوله من الخوف
عبدالله:شكله
-
عند ليالي وتركي اللي راحوا جده
تركي بابتسامة:وش تسوين
ليالي لفت له وهي تضحك:العب
تركي ضحك وقال:وش تلعبين
ليالي بابتسامه:لعبة القطار تعال نلعب واللي يخسر اكثر من ثلاث مرات الثاني يطلبه اللي يبي
تركي جلس جنبها وقال:تم يلا
ليالي:جيب جوالك
تركي:ليه
ليالي بابتسامة:عشان نلعب انت في جوالك وانا بجوالي ونشوف من اللي يفوز
تركي جاب جواله وحمل اللعبه وبدوا يلعبون والفايز كان ليالي قالت بحماس:يسسسس الشيء اللي ابيه تقول لي وين بتسفرني وش هي المفاجاة
تركي:قلت لك مفاجاة واحنا قلنا اطلبي مو اسألي
ليالي بقهر:كلهم نفس الشي
تركي بابتسامة:نو نو مو نفس الشي يلا وش تبين يازوجتي
ليالي بتفكير:ابيك تطلعني نتمشى
تركي:تم بس ترا حر
ليالي:عادي
تركي:طيب يلا قومي البسي بسرعه خلينا نطلع قبل الرحله ترا باقي ساعتين
ليالي قامت بسرعه تلبس العبايه
ليالي:تذكر لما رحنا البحر انا وانت وفيصل وريما وركبنا القارب
تركي ناظر لها باهتمام:ايه
ليالي:وريما كانت خايفه وتبكي وقلت انك بعدين بتقول لي سبب خوفها
تركي:م نسيتي
ليالي:لا
تركي:طيب ليش توك تسألين
ليالي:مدري حسيت انه الوقت المناسب انك تقولي
تركي:تمام بقول قبل...........
-
في المستشفى
خرجوا عذاري من غرفة العمليات ومغطين على وجهها ناظر فواز برعب وهو يقول:عذاري
الدكتور بحزن:للاسف صار خطا طبي..عطتك عمرها
طاحت ام عبدالمجيد بجزع وقالت:بنتي بنتي
خرجت ساره من غرفة العمليات وهي منهاره ومشاري ماسكها تقدم هادي منها وضمها بحزن فواز بأنهيار وهو يتقدم من الكرسي:عذاري تكفين قومي تكفين انا احبك والله احبك عذاري قومي تكفين
تقدم سيف بحزن وضمه:الله يرحمها خلاص فواز اهدا
فواز:بس انا احبها ليش تتركني
سيف بحزن:الله يرحمها
قام بخوف وهو يقول:عذاري عذاري وينها
تقدمت ام عبدالمجيد وهي تقول:بسم الله عليك ياولدي وشفيك
مسك راسه بخوف من الحلم المرعب بالنسبه له وقال:عذاري خرجت من العمليات ولـ....م كمل
كلمته الا وانفتح باب العمليات وخرجوا عذاري قام بسرعه وشافها نايمه على السرير قال بخوف:دكتور هي بخير
الدكتور بابتسامة:الحمد لله تمت العمليه وهي بخير الحمد لله
فواز بفرحه ضم ام عبدالمجيد اللي تبكي من الفرحه
تقدم سيف وضم فواز وهو يقول:الحمد لله على سلامتها
فواز بفرحه:الله يسلمك الله يسلمك
-
في جده
رجعوا البيت واخذوا اغراضهم وانطلقوا الى المطار ليالي بوناسه:م تدري قد ايش متحمسه للسبرايز ذا
تركي ابتسم:صدقيني بيعجبك لان انا شخصياً اللي مسوي كل ذا
ليالي:مغرور
تركي كالعاده:يحق لي ولا
ليالي:ودي اقول لا بس اخاف تكنسل الرحله
تركي ضحك بقوه وقال:حلو عارفتني زين
ليالي:ايه ايه اكيد بعرفك زين
-
اليوم الثاني
فتحت عيونها بتعب وناظرت حولها تحركت بس سرعان م وقفت عن الحركه بسبب الالم اللي في كتفها استغربت وش جابها هنا وش هالالم وش قاعد يصير سكتت الاسئله اللي في راسها بعد م استوعبت او تذكرت اللي صار لفت بسرعه جهة الباب اللي انفتح وظهر منه فواز اللي ابتسم من شافها وقال وهي يتقدم منها:متى صحيتي
عذاري:توي الحين
فواز:الحمد لله على سلامتك
عذاري:الله يسلمك
سكتوا شوي وقالت عذاري بالم:فواز
فواز:عيونه
عذاري:ياخي بموت من الالم وشذا جيب شي مسكن حاجه نوموني سوو شي لين يروح هالالم
فواز ابتسم وقال:بيروح معليك وشوي وبتجي الممرضه وتعطيك مسكن
عذاري بعدم صبر:وليه م تجي الحين
فواز:لان توك صحيتي م يصير مسكن على طول
عذاري:الله يصبرني وش صار على الحمار ذاك اللي اطلق علي 
فواز ضحك وقال:عالجوه وبس يتشافى يطس لسجن
عذاري:احسن حسبي الله عليه شوف وش سوا فيني
كيف بنام بدعي عليه كل م حسيت بالالم
فواز بضحكه:هوب هوب بشويش شفيك م يصير تعصبين توك صحيتي
عذاري:وين امي
فواز:قلت لها ترجع يقلبي هي من امس هنا تعبت قلت لها ترجع وبالقوه رجعت
عذاري:ياحبيبي هي اكيد تعبت
دخلت الممرضه واعطت عذاري الاكل وخرجت
عذاري:فواز
فواز:لبيه
عذاري:روح جيب لي همبرغر
فواز:منجدك انتي
عذاري:لا من عمي
فواز ابتسم:تطقطقين
عذاري ابتسمت:ادري عنك
فواز:تو تو مافي توك صاحيه وصحتك م تسمح اجيب لك من برا المستشفى
عذاري بزعل:ياخي اكل المستشفيات مو زين حمد لله على النعمه بس والله م احبها ابي همبرغر تكفى
فواز:لا لا كلي هذا وبس يلا افتحي فمك
عذاري:ياربيييي ابي همبرغر
فواز:وعد اذا خرجنا من المستشفى اجيب لك همبرغرات مو همبرغر واحد
عذاري:وعد
فواز:وعد
عذاري:وعدتني ترا
فواز:وانا قد هالوعد
عذاري:تمام
—
نايمين في امان الله وقاموا برعب من اصوات الصراخ وصوت الانذار
ليالي برعب:بسم الله شفيه
تركي:مدري دقيقه اشوف
راح شاف لقى الناس في حاله مزريه من صوت انذار الحريق قامت ليالي لما استوعبت وبسرعه اخذت الطرحه وتحجبت وركضت لتركي اللي سحبها وحطوا رجلهم لمخرج الطوارىء
طلعوا من المخرج ووصل الدفاع المدني ودخلوا يشوفون الحريق بس الصدمه انهم دخلو وماكان في حريق ولا شي واتضح ان في احد لعب في زر الانذار تركي بقهر:وربي انه سامج والله فاتني الحلم حسيبك الله
ليالي التفتت له بسرعه:وش الحلم
تركي ابتسم:م توقعت انك ملقوفه
ليالي:انطم اصلاً م ابغى تقول لي حلمك الخايس
وناظرت حولها وقالت:وش دراك اني احب ايطاليا
تركي ناظر لها وقال:مره قالي فيصل انك تبين تروحين ايطاليا قبل م اتزوجك بس م امداه يوديك عشان بعثته وكمان لاحظت لما كنتي معي ايام الملكه كنتي تقولين لريما انك تحبين ايطاليا وتحاولين تتعلمين لغتهم وعرفت وقتها انك منجد تحبين ايطاليا ومن ذاك الوقت وانا ناوي اسفرك لها بشهر العسل وبس يقلبي ويلا خلينا ندخل نتجهز عشان نروح نفطر
ودخلوا الفندق وجهزوا وطلعوا يفطرون
ليالي جلست على الكرسي وقالت:تروك
تركي بنص عين:كم تبغين
ليالي:م ابغى فلوس يعني ادلعك مالت عليك مو حق دلع انت
تركي ابتسم وقال:عارف ان وراك طلب اخلصي وش تبين
ليالي بعفويه:وش الحلم اللي حلمته
ضحك تركي بقوه وقال:منجدك انتي
ليالي:والله صدق م اكذب ابي اعرف
تركي ضحك وقال بكذب يبي يقهرها:حلمت بوحده مزيونه اوف حلوه مره
ليالي بغيره:وع وش هالاحلام الخايسه حتى مو حلم كابوس لدرجه انك م كملته من كثر ماهو خايس
تركي ضحك وقال:كنت اتمنى يتحقق بـ.... م امداه يكمل الا وجات وحده شقراء قالت له(بتكلم بالعربيه الفصحى على اساس انه انقلش:مرحباً
تركي لف لها وقال بتسليك:مرحباً
جلست على الكرسي وقالت<تمون الاخت:اريد ان اتعرف عليك اذا سمحت
ليالي بغيره:وش تبي ذي
لف تركي لها بابتسامة وقال:تقول تبي تتعرف علي تعرفين يعني انا مزيون وكذا
ليالي بقهر:مزيون هاه
جاء بيتكلم بس قاطعته الشقراء وقالت:هل هذه اختك
تركي ابتسم وقال:لا انها زوجتي
الشقراء بصدمه:هذه زوجتك لا اصدق ذلك
تركي:لماذا لا تصدقيه
الشقراء:اشعر انها لا تناسبك ابداً فهي ليست جميله بقدرك
تركي:انها اجمل امرأه رأتها عيناي ويكفي ذلك
ليالي بقهر قامت وهي تقول:اجلس سولف معها زين انا طالعه وان خلصت سوالف تلقاني برا ولا اقول تلقاني بالفندق وطلعت وهي معصبه وتتحلطم
تركي قام بسرعه ولحقها وسمعها تقول:عشان ما اعرف لغتهم ذي يسولف معها ليتني اعرف بس وربي لا اشرشحها الشقراء ام عيون زرق وع
ضحك بقوه وهو يقول:تبيني اعلمك وش قالت عادي
وخرت عنه بقهر وقالت وهي تكمل مشي:اسكت ولا تكلمني
ابتسم تركي وهو يحاوط كتفها:مادريت انك غيوره كذا ولا كان طردتها الشقراء ام عيون زرق
ليالي بأنكار:من قال اني غرت روح روح عندها كملوا سوالف واضح السالفه تحمس
تركي:كل ذا ولا غرتي اقول ودك تلصقيني على هالزفلت وتدعسين علي بالسياره
ليالي سكتت بقهر وصدت عنه
تركي ابتسم وقال:وين تبين نروح يازوجتي اللي تغار علي
ليالي بقهر:اسكت
تركي مسك يدها وقال:ليالي
ليالي لفت له:هاه
تركي ابتسم وقال:وش هاه قولي لبيه
ليالي بضيق:تركي وربي اخلاقي زفت لا تكلمني
تركي بروقان:اموت على الاخلاق الزفت انا
ليالي بقهر سحبت يدها وتقدمت بسرعه من شافت لفت الفندق ودخلت بسرعه وراحت للغرفه حقتهم وفتحتها بالبطاقه ودخلت بسرعه وخلت الباب مفتوح ودخل تركي وشافها ترفع شعرها على فوق بقهر وقال بابتسامة وهو عاجبه الوضع:ليول
ليالي بقهر:لا تكلمني قلت
قفل الباب وتقدم منها وقال:لولو زعلانه مني افا
ليالي دمعت عيونها ولفت له:تستهبل انت
تركي لاحظ دمعتها وتقدم بسرعه وقال:ليالي مو منجدك والله آسف لو دريت انك بتتضايقين لهدرجه كان م اعطيتها وجه اصلاً كنت اسلك لها والله
سكتت ليالي ونزلت راسها ورفع راسها تركي
وقال بابتسامة:آسف والله يا الدلوعه ولا خلينا نقول الغيوره
ليالي بقهر:دلوعه هاه والله لو شفتني اكلم واحد لاتخنقني وش تخنقني والله تنحرني نحر
تركي قرب وضمها له وهو يقول:احبك يالغيوره بالله عليك بناظر هالشقر واخلي الزين اللي عندي بعقلك انتي
ليالي سكتت بخجل وناظر لها تركي بخقه:وتبيني اناظر الشقر
ليالي صفقته على كتفه وقالت:من قال اني ابيك تناظرهم
ناظر لها تركي وقال:الله ياخذ عيوني اذا شافت احلى منك
-
في السعوديه عند عذاري اللي تتحلطم على فواز
عذاري بتعب:فواز تكفى تعبت وانا احاول فيك
فواز:نو نو لا يمكن لا استطيع فعل هذا
عذاري:وش عنده الزير سالم
ضحك فواز بقوه وقال:حلوه حلوه ذبتك بس م راح اطلعك
عذاري بقهر:وربي انك تقهر ابي اطلع ياخي اكره المستشفيات اكرهااااعع
فواز:بسم الله تحولت تحولت وجلس يقرا المعوذات يبي يقهرها
عذاري بغبنه:اذلف يالخايس وربي انك دب اذلف
فواز ابتسم وقال:آسف يازوجتي ولكن عشان صحتك بس
عذاري بعفويه:طيب انا ما ابي المستشفى
فواز ناظر فيها وقال:الله يالعن المستشفى قومي اطلعك على مسؤوليتي بعد يلا قومي ابو اللي يردك ياشيخه
ضحكت عذاري بوناسه
-
مر يوم ويومين واسبوع واسبوعين الى ان تم شهر كامل وفي بيت فواز اللي كان يتابع بصمت وجات عذاري وجلست والتفت لها وقال:تعالي خليني اشوف الجرح
عذاري بخوف:ليش
فواز ابتسم وقال:شفيك صايره خوافه
عذاري:وانا انلام طول الأسبوعين ذيك م نمت زين والحين لي اسبوع وشوي مرتاحه منها ولا تعورني تبي تشوفها ماتلمسها لو تموت هنا
فواز:يابنت الحلال بس بشوف اذا الجرح التئم ولا
عشان الغرز م يصير اخليها لازم اشيلها يلا عذاري
عذاري قامت وجلست جنبه وشاف الجرح وقال:لا تمام ملتئم
عذاري بخوف:يعني بتفك الغرز
فواز:اكيد يالخوافه م يصير اخليها
عذاري برفض:لا مابي تبي تعورني ناقصه انا
فواز:يابنت الحلال والله م يعورك لا تتحركين انتي وم بيعورك
عذاري:لا واللـ...
سكر فمها وقال:لا تحلفين لان لو م فكيته انا بوديك للمستشفى عذاري ترا ذا غرز م نقدر نخليها وانا اعرف م يحتاج مستشفى لكن والله اذا م خليتيني لا اوديك المستشفى
عذاري بخوف:لا خلاص بس تكفى بشويش
فواز:طيب م بعورك
راح ياخذ الملقاط والمقص الخاص لفك الغرز
ورجع لها وعقم المقص والملقاط
ناظرت عذاري برعب صرخت:وشذاااا
فواز م تحمل وضحك من صرختها وقال:مقص وملقاط
عذاري:قلطوا اللي ماني قايله مع نفسك تبي اضحي بنفسي
فواز:ياعذاري تكفين يلا اهجدي والله م يعورك يالدلوعه
عذاري:انت صاحي وشدخل الدلع هذا مقص مقصصص
فواز:درينا انه مقص بس حق الغرز معليك والله مايعورك يلا
استسلمت عذاري له وبدا يفك غرزه غرزه وهي كانت  خايفه مره بعد م خلص من فك الغرز عقم الجرح
عذاري ببكى:شيل الحمار ذا يعور المعقم
فواز:لازم معقم عشان الجرح م يتلوث ويتجرثم
عذاري وهي ماسكه نفسها لا تبكي:مع نفسه يعور
ابتسم فواز وضمد جرحها وبدا يشيل الاغراض ويرجعها مكانها ورجع وشافها تمسح دموعها تقدم منها وجلس قدامها وباس جبينها وهو يقول:آسف بس لازم اشيله
عذاري ناظرت له وقالت بلخبطه:مو زعلانه منك بس المعقم وجعني بس عادي انا مدري شفيني صايره دلوعه
فواز جلس جنبها وهو يحاوط كتفها اللي مافيه الجرح ابتسم على كلامها وقال:عذوره متى تبين نسافر
عذاري:وين
فواز:انا وعدتك بسفره بعد م خربت علينا متى تبين
عذاري:عادي اي وقت
فواز:خلاص نروح بعد الشاليه
عذاري:اي شاليه
فواز:نسيت م قلت لك اخذنا شاليه لمدة يومين عشانك تعرفين م سوينا لك عشان ليالي وتركي لايدرون باللي صار لك ويرجعون من سفرتهم وبنسوي حقتك مره وحده مع رجوع تركي وليالي
عذاري بوناسه:الله وناسه
ابتسم فواز على فرحتها وفتح الفلم حقه وكمله وعذاري تناظر معه
-
عند تركي وليالي اللي وصلوا السعوديه وراحوا للبيت
فتح تركي الباب وناظر ومالقى احد في الصاله ولف لليالي وقال:تتوقعين وينها
ليالي:بغرفتها اكيد
تركي ابتسم:يلا تعالي
ودخلوا وقفل تركي الباب بشويش وطلعوا فوق لغرفة ريما وفتحوا الباب ولقوها نايمه سحب تركي ليالي بسرعه وخرجها وقفل الباب بشويش وقال بحماس:نسوي فيها مقلب والله هذي فرصه لا تعوض
ليالي بنفس حماسه:يلا يلا بس وش نسوي مقلب
تركي:معليك عندي
وبدا يقولها المقلب اللي بيسووه
-
عند ريم اللي كانت شايله هم عمها اللي بيطلع بعد شهر من اليوم وخايفه كثير انه ممكن يأذيها لفت لصوت الباب م تدري ليه تخرعت وفكرت انه عمها تقدمت من الباب وقالت بصوت يرجف:ميـ...ـن
عبدالمجيد:انا انا عبدالمجيد
ارتاحت وقالت:دقيقه بس
وراحت تلبس عبايتها ورجعت فتحت الباب وناظرت له وقالت بتوتر:هلا
عبدالمجيد نزل نظره تحت وقال:انتي تعرفين ان قرب وقت خروج عمك وكمان تعرفين وش صار في اليوم اللي دخل فيه عمك للسجن وسكت شوي وقال:انا ابيك على سنة الله ورسوله وتأكدي انه مو عشان عمك ولا عشان مشفق عليك لا والله عشانك انتي ولا تزعلين مني ولا تفكرين اني انسان مو زين على الكلام اللي بقوله بس والله اني حبيتك وابيك
—
صحت من النوم وراحت غسلت وجهها وتوضت وصلت وخرجت من الغرفه ونزلت للمطبخ تحت ودخلت وسوت لها اكل بسيط وخرجت به وجلست على الكنب وقربت الطاوله وطرحت عليها الاكل وجات بتشغل التلفزيون بس انصدمت بتركي اللي نازل ويحك راسه وناظر لريما وقال:صباح الخير ليه م سويتي لي اكل معك
وتقدم وقعد جنبها وهو يمد يده بياكل معها
بس هي م تحركت ناظرت فيه بصدمه ومليون سؤال في راسها وقالت:متى جيتوا
تركي:من وين وبعدين وش جيتوا ليه من معي راح
ناظرت فيه بصدمه:وين ليالي
تركي:من ليالي
خافت ريما وقالت:تستهبل انت وليالي سافرتوا بعد زواجكم
تركي قال وهو ماسك ضحكته:من ليالي ووش هالزواج انا م تزوجت ولا سافرت شفيك
ريما:انت اللي شفيك تستهبل علي صح
تركي ضحك وقال:وش استهبل اختي شكلك مصدعه ولا حلمتي ومكمله الحلم الحين شفيك انتي انا م تزوجت ولا شي
ريما اللي بدت تشك في نفسها انها تحلم وناظرت بسرعه من شافت ليالي نازله وقالت بسرعه:هذي هي ليالي
ليالي:من ليالي
ريما:انتي
تركي:ذي رغد مو ليالي شفيك ريما
ريما بصدمه:من رغد لا تجننوني
تركي وهو ماسك نفسه بالقوه:بنتي وانفلتت ضحكته وماتت ليالي من الضحك وريما تناظر فيهم بصدمه وقالت:راسي صدع من انتوا
انهارت ليالي من الضحك اما تركي طاح من الضحك
ريما مسكت راسها وتوها تفهم انه مقلب قامت بسرعه وصفقت تركي اللي يضحك ويمسك يدينها بقوه وليالي طايحه على الارض وتضحك وهي ماسكه بطنها اللي وجعها من الضحك بس انفجعت من ريما اللي نقزت عليها وهي تصفقها وتقول:وانتي يالدبه معه وربي انك حيوانه مسرع صرتي معه ضدي
ليالي بضحكه:اخخ يابطني شفيك ريناد انا رغوده
ريما وقفت عن ضربها وقالت:من ريناد
ليالي ضحكت وقالت:انتي
ريما بقهر رجعت تصفقها وتقول:م تتوبين انتي وصفقتها وتركي ميت ضحك وتقدم وهو يسحب ريما وقال:حدك الا بنتي رغوده بعدي
ريما:اذلف انت وبنتك مدري زوجتك
ضحكوا ليالي وتركي وناظرت لهم ريما:يالكلاب وربي وحشتوني ونقزت لهم وهي تضمهم
ضحك تركي وقال:والله يالعصلا حتى احنا اشتقنا لك
ريما:اول مره م اعصب منك لا قلت لي العصلا على اقل ذا مو من ضمن المقلب
ضحكت ليالي وضمتها:وربي وحشتيني يالدبه
ابتسمت ريما وقالت:اخ يالخاينه وربي اشتقت لك
ضحكت ليالي وقال تركي:اش هالمصطلحات
ليالي:مسوي طالع منها توك تقول يالعصلا
ريما:ايه اعطيه خليك معي يالخاينه مو ضدي
دق الباب وراح تركي يفتحه
وقال باستغراب:خلود!!
-
انتهـى حبايـبي⌛️
لا تـنسـون النجـمة⭐️

"اذا تبـون انزل بـارت الحين تفاعلـوا"
٥٠ نجمـة ⭐️
٢٠ كومنـت