- حَـياتـي من بعَدك ماهِي حيـاه

البـارت السَـابـع عشّـر:

-
‏هُنَّ القَواريرُ، رِفقاً بالقَواريرِ
‏ وهُنَّ لو كُنتَ تَدري كالأزاهيرِ
‏هُنَّ الفَراشاتُ أَلواناً وهَفهَفةً
‏فهل يُطِقنَ احتمَالاً للأَعاصيرِ؟
‏فإنْ نَظرنَ مَنحنَ القَلبَ راحتَه
‏وإن نَطَقنَ فإيقاعُ المزاميرِ
‏يَغرسنَ في البيتِ أَزهارَ الحنانِ فما
‏جَزاؤهنَّ سُوى حُبٍّ وتَقديرِ
-
~ بسـم الله نبـدأ

-
في بيت ابو خالد
ام خالد:هادي
هادي ناظر لامه:لبيه يمه
ام خالد بابتسامه:م ودك تتزوج
هادي ابتسم:طفشتي مني يمه
ام خالد:لا والله بس ودي اشوف عيالك
هادي بهدوء:يمه في بالك وحده
ام خالد:فيه
هادي:مين
ام خالد ابتسمت:رفيف
هادي:رفيف بنت عمي سلمان
ام خالد:ايوه يزينها اخلاق وادب وجميله ماشاءالله
هادي:يمه انا م عندي مشكله بس البنت باقي صغيره
ام خالد:ماهي صغيره بسم الله عليها العمر مجرد رقم ياولدي الصغر في العقل وهي اسم الله عليها فاهمه وعاقله
هادي سكت
ام خالد:هاه وش قلت
هادي:شورك وهداية الله
ام خالد ابتسمت برضى
-
عند ريم
بعد م تقهووا وسولفوا رن الجوال وردت ايان:هلا
......طيب.....لا...زين يلا باي
ايان:يمه عبدالمجيد برا ينتظر يقول بنمشي
ريم:لا وين تروحون بدري
ام عبدالمجيد ابتسمت:لا خلاص يابنتي بنتيسر
ريم:لا بتتعشون اول بعدها الله يستر عليكم
ام عبدالمجيد:لا يحبيبتي والله تعبانين وورانا اشغال نبي نرجع بدري
ريم ابتسمت لها:براحتك ياخاله..بس هاه المره الجايه م بفككم بتتعشون معي
ام عبدالمجيد ابتسمت:لا انتي اللي بتتعشين معنا وتتغدين وحتى تفطرين
ريم م فهمت عليها تحسب انها بتعزمها وتتعشى وتفطر وتتغدا معهم م جاء ببالها شي ثاني ابتسمت لها بهدوء وراحت تجيب عباياتهم واعطتهم ولبسوا وطلعوا
-
في السياره
ام عبدالمجيد برضى:يازين م خترت
عبدالمجيد ابتسم بفرحه:كويسه يمه
ايان:سكر فمك تقول دخل الجنه
عبدالمجيد مبسوط ان ريم اعجبت امه:م راح ارد عليك لاني مبسوط ولا راح اخليك تنكدين علي
ايان:لا ترد لا ترد بس لو شفتك توطوط عند باب غرفتي تبي تعرف الاخبار من الحين اقولك معصي
عبدالمجيد:طسي بس اهم شي اعجبت امي
ام عبدالمجيد ابتسمت:وفوق كذا طلعت اعرفها
عبدالمجيد عقد حواجبه وقال:كيف
ام عبدالمجيد قالت له وابتسم عبدالمجيد من كلامها
-
اليوم الثاني
عند ريم دق الباب وراحت تفتح بعد م لبست عبايتها تحسبه عبدالمجيد
وتفاجأت بعمها اللي دخل بسرعه تقدم منها وهو يقول:اخيراً طلعت كم انتظرت هاللحظة عشان احاسبك على كل شي سويته واليوم طلعت
ريم بخوف:عمي اسمـ...
قاطعها وهو يصرخ عليها
-
عند عبدالمجيد دخل المركز وجاء له العسكري وقال:يالملازم عبدالمجيد حسن طلع اليوم
عبدالمجيد بسرعه:متى طلع
العسكري:يمكن من ساعه كذا
عبدالمجيد مسك راسه:اخ ليه توك تقول
وطلع بسرعه خايف انه عرف مكان ريم بيذبحها لو لقاها
-
عند ريم
ريم ببكى:عمي تكفى لا تضربني تكفى اسمع مني والله اني بريئه والله م سويت شي يغضب الله
حسن بقهر:تدرين طول هالشهور انتظر هاللحظه فوق م انك *******ترميني في السجن بعد
ريم بدموع:تكفى ياعمـ.....
حسن قاطعها:ماني عمك من هذاك اليوم
تقدم منها وبدا يضربها من كل مكان تطيح عليه يده شال الطرحه ومسك شعرها
ريم بترجي:تكفـ..ـى ياعـ..ـمي
رفع يده بيضربها لكن في احد مسك يده
عبدالمجيد:ان مديت يدك عليها مره ثانيه اقسم بمن احل القسم لتجلس في السجن سنين مو شهور
حسن ناظره وقال:هذا انت
عبدالمجيد:اي انا
حسن لف على ريم اللي تبكي:هذا اللي طالعه معه ذاك اليوم وجايه معه في المركز ومخليته يجدعني بالسجن عشان ذا وفوق كذا يجي هنا عندك ولا ناقلك في بيت لحالك الله اعلم يمكن هو معك بعد ياقليلة الخاتمه
عبدالمجيد عصب وضربه على خشمه بقوه:تشكك في بنت اخوك يالرخمه كيف تقول كذا شرفك
وبصراخ اقوى:شرفك
حسن:هي ارخصت نفسها
عبدالمجيد بقهر:انت سمعت لها عشان تقرر على كيفك
حسن:لا بس يكفي انها راحت هناك
ريم ببكى:ياعمي انت م سمعت لي والله اني مالي ذنب والله
حسن بصراخ:اسكتي والله والله اول من يطق الباب لرميك عليه
عبدالمجيد:وانا اول من بيطق الباب
صمتتتتتتتتتت
عبدالمجيد ابتسم:انا ابيها على سنة الله ورسوله وتراك حلفت اول من يطق الباب بياخذها
حسن:اي بس قصدي يجي يخطب مو كذا
عبدالمجيد:بس كذا خلاص بكره بجي ونخطبها
بس من هنا لليوم اللي اخذها لبيتي يدك م تنمد عليها
حسن:بكره تجي وتخطبها ونملك مره وحده وبعد اسبوع الزواج وتاخذها
ريم بضيق:عمي
حسن:ولا كلمه
عبدالمجيد بهدوء ناظر لها:ريم خلاص روحي غرفتك
ريم نزلت راسها وراحت للغرفه اي ابيه ولا بلقى مثله بس عمي لا يرميني كذا
عبدالمجيد:ان سويت فيها شي اقسم بالله لا اخليك تندم ندم عمرك انك لمستها
حسن:بنت اخوي وكيفي
عبدالمجيد:بنت اخوك بتصير زوجتي
حسن:المهم المهر
عبدالمجيد ابتسم:المهر لها مو لك
حسن بكذب:ايه لها طبعاً
عبدالمجيد ناظر فيه بنظره مافهمها حسن وطلع
-
اليوم الثاني في بيت ابو عبدالمجيد
رفيف:يمه وين فستاني اللي اشتريته
ام عبدالمجيد:فستانك يمه مو فستاني وش دراني انا
ايان:وش لونه لان شفت فستان في المجلس امس
رفيف ضربت راسها:ايي حطيته امس هناك اخخ من هالعقل
وراحت ركض له
ايان وهي تهز راسها:غبيه
سكتت شوي وقالت:يمه بروح عند ريما اخذ منها فستان
ام عبدالمجيد:زين يمه
طلعت ايان بعد م لبست عبايتها وهي تمشي ومن الطفش قعدت تغني وسكتت من سمعت الشخص اللي يقول:عمري م تخيلت ان صوتك حلو
لفت له وقالت:ليه طايحه من عينك
راكان باستفزاز:ممكن
ايان:لا تكفى من زين عينك عاد
راكان ابتسم على كلامها وهي قالت:نعم وليه تتبوسم
راكان:كيفي ولا لازم اخذ رأيك استاذه ايان
ايان:ايه خذ رأيي..وبعدين انا ليه واقفه مقابله خشتك
ولفت بتمشي بس وقفت لما قال:نادي لي لمار هي جوه
قالت بفرحه:احلف
راكان:ليه بكذب يعني
ركضت بسرعه داخل البيت اما هو ضحك على ركضتها
دخلت وهي تصرخ:دبتييي
وركضت لها وهي تضمها:اخخ اشتقت لك
لمار:دبتي ايش لا يكون زاد وزني
ضربت راسها ايان بضحكه:لا لقيت لك دلع جديد
لمار:بالله ذا دلع
ايان:المهم دبتي متى جيتي
لمار:من ساعه يمكن
ايان:طيب في قروب ميت من اسبوع ارسلي فيه علمينا انك جيتي
لمار ضحكت:والله صدق قروبنا انهجر من اسبوع
ايان:دبتي وين ليالي وريما
لمار:م ارتحت لذا الدلع
ريما بضحكه وهي نازله:بتتعودين انا خذت لها فتره تقول لي رمرم والحمد لله م عاد تقولها
ايان صرخت بهبل وهي تضمها:رمرممم
لمار بضحكه:رجعت تقولها
ريما بقهر:اخ بس بعدين ليه جيتي
ايان:طرده يعني
ريما:ايه طرده
ايان بزعل مصطنع:يلا مع السلامه بطلع
ريما:اطلعي
ايان:بطلع ترا
ريما:اطلعي
ايان فتحت الباب ورجعت قفلته وهي تقول:لا خلاص سامحتك
ريما ضحكت وقالت:وراك شي تبين حاجه مني
ايان:تفهميني لبى قلبك
ريما:اكيد بفهمك اخلصي وش تبين
ايان:فستان
ريما بصرخه:اعرستي
ايان بخرشه:اعوذ بالله انا م اخون العهد مابعرس لين تعرسين انتي
ريما:اجل وش تبين به
ايان:اخوي حبيبي بنروح نخطب له اللي قلت لكم عليها
ريما:اها
دق جوال لمار وردت وكان راكان:هلا...انا م دريت...محد قال لي.....(ناظرت لـ ايان وقالت):ماقالت لي...
ضحكت بقوه:شكلها نست...يلا يلا طالعه وقفلت
ايان:نسيت والله
ضحكت لمار وقالت:يلا باي
ايان بهبال:باي دبتي
فطست ريما من الضحك
وطلعوا الثنتين يدورون فستان
-
عند ليالي وتركي اللي على اللابتوب
ليالي بطفش:ترتر
تركي ناظر لها:من ترتر
ليالي ابتسمت:انت
تركي ضحك وقال:عيون ترتر
ليالي:شرايك نسافر انا وانت وريما
تركي:مدري كلمي ريما
ليالي ابتسمت:وناخد فصفص
تركي ضحك:فصفص!!
ليالي بعفويه:ايه
تركي:ترتر وفصفص عليك اسامي مستحيله
ليالي:بروح اقول لمرمر واجي
تركي ابتسم لها ورجع ناظر للابتوب
-
عند ريم كانت تتجهز صح زعلانه بس م حبت تخرب على نفسها هالحظات واخيراً لبست الفستان وهو كان اخر شي وتكتمل اناقتها
بعد م انتهت راحت للمطبخ تجهز الضيافه
رن الجرس وتقدمت بسرعه وهي تاخذ العطر وترش كم رشه وتاخذ البخور وتبخر شعرها اخذت شهيق وزفير وتقدمت من الباب بتوتر فتحته وهي تبتسم لام عبدالمجيد وخواته وكانوا ام خالد ولين وام سيف موجدين معهم رحبت فيهم بعد م اخذت عباياتهم واغراضهم وحطتهم بالغرفه جلست معهم وجلسوا يسولفون ويضحكون
-
عند الرجال
تقدم عبدالمجيد وسلم على عمها وهو مو طايقه بس يبي يمشي اليوم وبعدها تقدموا ابوه وعمه وابو خالد وابو سيف وخالد وسيف وهادي يسلمون جلسوا يسولفون بمواضيع عاديه لحد م يجي المملك ويملك عليهم
دق الباب وقام حسن وهو يقول:جاء المملك
فتح الباب ودخل المملك وهو يلقي السلام ردو السلام وبعد السؤال عن الحال بدأ المملك بإجراءات الملكه
بعدها طلب ان ريم تجي وتأكد موافقتها وفعلاً جات ريم وهو بتموت من الخجل
المملك بحنيه:هاه يابنتي موافقة على عبدالمجيد
سلمان الـ......
ريم بخجل:موافقه
ابتسم عبدالمجيد وهو منزل راسه
باركوا له ابوه وعمامه والعيال وهو يرد عليهم وهو مبسوط
حسن اخذ الكتاب والقلم وراح لريم عشان توقع
حسن:وقعي هنا
ريم ناظرته بحزن واخذت الكتاب ووقعت وانتظرته يحضنها او اقل شي يقول مبروك لكن دخل زي م خرج عليها تماماً نزلت راسها بحزن ودخلت جوا
ابتسمت من شافت البنات يصورن ويضحكون وام عبدالمجيد مبتسمه وام خالد تلوش
ام عبدالمجيد تقدمت وضمتها:مبروك يمه
حست بشعور يعجز اللسان عن وصفه حست بحنان الام اللي م قد حسته داهمتها رغبه بالبكاء لكن مسكت نفسها وهي تحاول تبتسم بغى يغمى عليها من سمعت ايان تقول:اخوي يبي يدخل يشوف ريم
ابتسمت ام عبدالمجيد وقالت:ادخلي يمه الغرفه ذي وهو بيجي لك
ريم لحد يدورها غاصت بملابسها من الحياء
دخلت وجلست والتوتر الف الا مليون
جلست تقرأ آيات من القرآن شوي وانفتح الباب
م تجرئت ترفع راسها ابداً جلست منزله راسها تقدم بعد م قفل الباب وهو مبتسم جلس جنبها وهو يقول:مبروك
ريم بصوت يلا يلا يطلع:الله يبارك فيك
عبدالمجيد بهدوء:ارفعي راسك
ريم نزلت راسها اكثر وهي ترجف من الخجل
عبدالمجيد ابتسم وقال:ريم
ريم فز قلبها من نطق اسمها وقالت بهدوء وهي تكلم عقلها"يالخفيفه اعقلي"
عبدالمجيد:ريم
ريم رفعت راسها بسرعه وهي تقول:هلا
واستوعبت ونزلت راسها بسرعه
ضحك عبدالمجيد وقال يبي يحرجها:بس م قدرت اشوفك زين
ريم تكلم عقلها"اخخ يبي ياخذ عقلي منجده ذا برفع راسي وبقول ناظر فيني"
عبدالمجيد رفع راسها باصبعه وهو يقول:حلالي ابي اشوفك كيفي لا يكون بتحرميني شوفي طول المده اللي راحت وانا متشفق على هاللحظة ولا تحلمين اخليك تضيعيها مني
ريم ناظرت فيه اما هو غاص ببحر عيونها
وبدون م يحس قال:عيونك حكايات غزل وأنا بك تغزلت
استحت ونزلت راسها وهو ابتسم على خجلها وجاء بيتكلم بس داهمتهم ايان وطردته من الغرفه وهي تقول:خلاص انتهت الخمس دقايق حتى زادت عن الخمس دقايق
-
عند فواز وعذاري
فواز دورها ومالقاها عرف انها في الغرفه تقدم من باب الغرفه وفتحه ولقاها تحط الكريم على وجهها بهدوء ومطنشته ابتسم وتقدم منها وهو يقول:عذاري
عذاري طنشته ولا ردت
اتسعت ابتسامته وقال:تدرين احبك لما اشوفك كذا
لا تحسبيني انقهر على حركاتك ذي
عذاري انقهرت ولفت عليه:اسكت عني مابي اكلمك
فواز بوناسه:طيب نطلع
عذاري:مابي
فواز:يلا عذاري تكفين 
عذاري:فواز لا تكلمني
فواز:ياحبيبي وربي اني ابيك عشان كذا م وافقت تروحين معهم
عذاري لفت عليه بقهر:كل يوم معك انا ابي اروح معهم اخوي اليوم خطب وملك بعد وانا مو جنبه
فواز:آسف بس ابيك بموضوع مهم عشان كذا رفضت ولا لو م عندي موضوع مهم ليه برفض روحتك مع اهلك
عذاري هدت شوي وقالت:وش موضوعك
فواز ابتسم:البسي عبايتك والحقيني
عذاري هزت راسها وقامت لبستها وطلعوا
-
دخلوا للمكان وعذاري انصدمت من جمال المكان كان كل شي جميل ومرتب والمكان مليئ بالورود الحمراء انبسطت على منظر الطاوله والكرسين والشموع اللي عليها ناظرت فيه وتقدمت منه وضمته بقوه فرحت مره على الاشياء اللي سواها لها قال بابتسامة:الف كلام لك بقلبي وأوله أحبك
عذاري لحد يدورها شعور فرحه على صدمه على خوف على توتر مو عارفه وش ترد ووش تقول سكتت ولا ردت بس ملامح وجهها اعطته الاجابه ابتسم وباس خدها وقال:تعالي
مسك يدها ومشى بأتجاه الطاوله جلسوا وبدوا ياكلون ويكملون ليلتهم الجملية
-
بعد اسبوع يوم زواج ريم وعبدالمجيد
كانت الفلل كلها في حالة استنفار اللي يكوي ثوبه واللي تغسل شعرها واللي تساعد امها واللي تهاوش واللي تصفق لان م جاب الثوب حق ابوه والسيطره تحت الامور عند البنات اللي لبسوا وينتظرون السياره الكبيره تشرف عشان يودوهم للمشغل بعد م جات السياره وكان اللي يسوقها خالد ركبوا البنات
وقالت لين:خالد مر بيت لمار بناخذها معنا
هز راسه خالد بـ "اوك" وحرك متجه لبيت ابو راكان
بعد م وصلوا نزلت لمار اللي حالتها حاله وهي تحسب انه السواق ولا جاء على بالها ان احد من العيال وخصيصاً خالد ركبت وهي باقي مو ملاحظه قالت بحوسه:يابنات الله لا يوريكم يوم دقت علي الزفت لين نزلت بسرعه وطحت مع الدرج اخخ احس رجلي انكسرت شكلي م بلبس كعب كله منك ياليون حسيبك ربي تكسرت وانا بأول عمري صرت امشي زي العجوز اخخ بس يارب م يضحكون علي بالزواج شكلي بسوي تدريبات لرجلي ولا خلونا نحول على المستشفى ولفت لخالد واللي تحسبه السواق وقالت:صديق ودي مستـ.... م كملت كلمتها من لاحظته يحك حاجبه بضحك وعرفته
خالد بابتسامه:بسم الله عليك قلتي مليون سالفه بثانيه
انقلبت السياره ضحك من وجهها الاحمر وهم اول مره يشوفوها تستحي ضحك خالد بشويش وضربته لين وهي تأشر له "لا يحرجها"
لمار بقهر واحراج تقرص البنات عشان يسكتون ولا يضحكون عليها وصلوا ونزلوا البنات وهم باقي يضحكون بعدها دخلوا المشغل
-
دخل فواز وهو يقول:وين معرسنا
سيف:هذا هو جالس متكبر علينا يقول عزابيه لا تكلموني
فواز:يحق له وانا بعد لا تكلموني يالعزابيه
جواد:بدري حبيبي تراك عرست من قرون تو تستوعب
ضحك عبدالله وهو يعزز له
عبدالمجيد ابتسم بهدوء على كلامهم
وتقدم منه فواز وهو يضمه ويقول:مبروك ياولد العم
عبدالمجيد بابتسامة:الله يبارك فيك يالنسيب
جواد وهو ينادي عبدالله:يالنسيب
لف عبدالله وهو فاهم قصده وقال:هلا ياولد العم
سيف بفجعه:متى صار نسيب ذا
جواد:زوجته انا شتبي انت
سيف:زوجته مين
جواد:توأمي بعد قلبي هي
سيف رمقه بنظره
وقال جودا بخوف:امزح اعوذ بالله بعدين شدخلك توأمي هي انت اخوها بس انا توأمي يعني اعرف مصلحتها اكثر منـ... وهرب بسرعه من شافه قام عليه ضحكوا العيال وعبدالله سرح بفكره وهو يقول بنفسه"اخ بس متى يصير حقيقه واتزوج ريفان"
-
بعد م خلصوا البنات جاء خالد واخذهم وبنص الطريق تذكر خالد اللي صار مع لمار وماقدر يمسك نفسه وضحك بخفه سكتوا البنات اللي كانوا يسولفون وشوي وفهموا الكل وفطسوا ضحك مره ثانيه ولمار نفست عليهم وقعدت تقرصهم بقهر