- حَـياتـي من بعَدك ماهِي حيـاه

البـارت السَـادس والعّـشرون:

بسـم الله نُـكمل..

طلعوا وفتحوا الباب عليها وناظروها وانهاروا من اللي شافوه ليالي وهي ماسكه على بطنها بضحك:وش فيكم انتوا 
ريما بضحك:حسبي الله على ابليسكم حتى وهي بزواجها وبتروح تتهاوشون
رفيف بعصبيه:تبي غرفتي والله ماتاخذها ابيها بجي انام عندهم اكيد مابجلس طول عمري مع هادي
ايان:ليش تجين اقعدي معه طول عمرك غرفتك لي اساساً كانت عيني عليها من زمان بس سبقتي عليها انتي والحين بتروحين بيت زوجك وبتصير غرفتي
لمار بضحك:مو منجدكم! الناس تبكي انها بتفارق خواتها وذي عينها على الغرفه والثانية حاسدتها عليها ياراسي يافضيحتنا ريما قفلي الباب لحد يسمع بس
ايان:انا لو تدرون ادعي كل يوم يتزوجون وتزوجت عذاري وطست والحين رفيف اللي كنت مكثفه الدعاء عليها اكثر وتزوجت اليوم وتجي تحسدني على الغرفه "لفت لرفيف"وكملت:رفيفوه ترا انا بستقر في بيتنا انتي ببيت زوجك اذا بتجين بتنامين معنا كلها يومين ثلاث وتروحين بيت رجلك لكن انا مستقره حرام عليك
ضحكوا البنات وطلعوا وهو يهزون روسهم بأسف على حالهم
ريما وهي تسكر الباب:كملوا هوشتكم بحرص الباب عشان ماتفشلونا
قفلت وكملوا هواش

وقت الزفه

طلت عليهم بكل اناقة وجمال كان بستقبالها هادي اللي كان يناظر فيها ويسمي عليها بقلبه ويردد كل شوي
"ما شاء الله يارب احفظها لي" قربت منه وهي متوتره وفي نفس الوقت مبسوطه باستقباله لها ابتسمت له ورد لها الابتسامه قرب منها وتنهد وهو يقول:ما شاء الله
ما شاء الله تبارك الرحمن غمض عيونه وباس جبينها وطول مابعد منها وهي كانت مغمضه عيونها بخجل والكل يناظر لهم بفرح ومشاعر وساره تبكي من بعيد احب اثنين على قلبها تزوجوا اليوم حبيب قلبها ولد اخوها تزوج اللي يبيها ويحبها كانوا لايقين لبعض مره ناظرتهم وهي تمسح دموعها وتبتسم
بعد منها وهو يقول: خليك جنبي ترا حبيت الحياة فيك
ابتسمت له وقربت ومسكت يده رفعوا روسهم شافوا الكل باستقبالهم ابتسموا ومشوا خطوه وراها خطوه لين وصلوا نص المسار وقفوا لما انعرض على الشاشة مقطع كان وقت خطوبتهم وملكتهم وبعدين مقاطع لهم وهم مع بعض يجهزون شقتهم وطلعاتهم للتجهيزات حقت الزواج واخر شي مقاطع لهم بالزواج وصور لهم وبعد ما انتهى المقطع فزت قلوبهم على صوت الجد محمد
والجد ابراهيم كانوا يتكلمون لهم ويباركون ويدعون لهم دمعت عيون رفيف لف لها هادي وقال لما لمح طرف دمعتها:والله لو تبكين يويلك ابي اشوفك مبتسمة اليوم كله لان ماينشبع من ابتسامتك
ضحكت على تهديده ومسحت دمعه تمردت
تنهد وهو يقول:ياضحكتك اللي وراها الف عافيه
ابتسمت على كلامه مسكت يده وهي تقول:يدك بيدي وباقي الدنيا امان
ناظر فيها وقال:شوفي اذا جلستي تقولين كلام حلو كذا ما بمسك نفسي ترا
ضحكتك وقالت:تبيني اقول كلام شين يعني اول يوم لنا كزوجين تبيني اخربها
ضحك وقال:شكلنا بنفرش بسطتنا هنا لنا ساعه واقفين وساره تعطينا نظرات من اليوم امشي بس لا تسطرنا الحين
ضحكتك وهي تناظر ساره اللي تأشر بعيونه "بـ امشوا"
مشوا ووصلوا عند الكوشة رقصوا شوي وقربت ساره منهم وهي تقول:يابعد قلبي ياحبي لكم والله
هادي بضحك:واللي قبل شوي تعطينا نظرات اللي تبي تقتلنا والله خفت صراحه
ضحكت ساره وقالت:ياخي انقهرت واقفين تسولفون بغيت اجيب لكم شاهي وقهوه مبسوطين تسولفون بنص المسار
هادي بابتسامة وهو يناظر رفيف:ماتنمل السوالف معها وش اسوي
نزلت راسها بخجل وساره ضربت كتفه وهي تقول:من متى هالجراءة والحركات ذي الله الله ولد اخوي واقربهم لي توي ادري انك جريئ وخفيف كذا
ضحك هادي وقال:وش اسوي اللي معه رفيف محظوظ
"ناظر رفيف"وكمل:وانا محظوظ برفيفي
ابتسموا كلهم وساره مميله راسها وفاتحه فمها بخقه عليهم لف هادي بابتسامة وفطس ضحك على شكلها وصفق جبهتها وقال:سكري فمك
وضحك بقوه
رفيف بضحكه:اخخ يابطني كيف فاتحه فمها
ساره ضحكت وقالت:ياخي تهبلون
وتغيرت نبرة صوتها وهي تقول:صدق الحين بتسافرون شهر العسل كامل وتتركوني
ابتسمت رفيف:ناخذك معنا
هادي بتمثيل الصدمه:هذي ناخذها معنا اعوذ بالله بيصير شهر بصل مو عسل
صفقته ساره وهي تقول:كلب
ضحك وضمها وهو يبوس راسها وقال:يازينك بس والله انك تنورين قلبي قبل السفره
نزلت دمعتها وكمل وهو يقول:لا حول ولا قوة الا بالله من يوقف دموع ام دميعه الحين
ضحكت ساره وقالت:ياخي خلني اتأثر شوي