- حَـياتـي من بعَدك ماهِي حيـاه

البـارت الحَـادي والعشـرون:

وتساءلت عيناك بعد تغيبي
انسيت عهدي أيها المتباكي؟
لا والذي فطر القلوب على الهوى
انا ما نسيت ولا سلوت هواك
لكن قلبي والفؤاد ومهجتي
اسرى لديك فاكرمي اسراكِ

بسـم الله نبـدأ
,
قال بدون اي مقدمات:دكتوره ساره انتي زعلانه مني!!
ساره بصدمه من سؤاله اللي جاء فجأة
قالت بلعثمه:هاه كيف
مشاري:كيف اللي كيف انتي زعلانه مني لان شايفك الايام اللي راحت متغيره وصايره غريبه وكأنك تنفرين مني وتتهربين وش اللي سويته وزعلك مني
ساره بتوتر ملحوظ:اءء مافي شي يعني انت الحين وش خلاك تفكر كذا
مشاري تأكد من شعوره بزعلها منه والدليل توترها وكلامها الملعثم والملخبط قال وهو يتنهد:ساره وش زعلك قولي لي انا وش سويت ترا من اول ملاحظ ليش تنكرين؟!
ساره بتوتر وصدمه من انه قال ساره حاف بدون دكتوره وقالت:ماني زعلانه بعدين ليش ازعل انت ماسويت لي شي
مشاري بهدوء:من اليوم الي شفتي فيه بنتي وانتي مو على بعضك ولا انتي ساره الفرفوشه صرتي غريبه وهاديه وما تتكلمين ولا شي صدمك اني عندي بنت ولا ايش
ساره توترت وقررت تقلب الطاوله عليه:لا بس بنتك ذاك اليوم قالت لي بعد ما صقعت فيني اسفه وقالت لها عادي وقالت لي شكراً ولما سألتها ليش تقولي شكراً قالت لي لانك ما ضربتيني زي ماما استغربت منها وخفت عليها امها تضربها انت تدري ولا لا
مشاري انصدم وقال:كيف تضربها منجدك تتكلمين
ساره بخوف وتوتر من ملامحه المنقلبه:ايه شفيك والله قالت لي كذا
مشاري قام بسرعه وخرج وفزت ساره بخوف من الباب اللي تسكر بقوه وقالت بنفسها "يارب ما سويت شي غلط"

في مكان لاول مره نروح له
اشواق:انتي ماتفهمين اقولك روحي فرشي اسنانك ونامي نومة اهل الكهف ان شاء الله
لمى:ماما مابي انام
اشواق:وش اللي ما تبين تنامين لمى انقلعي نامي لا اكفر فيك
لمى ببكي:ابغى اجلس على ايبادي ليش كل شي تمنعيني منه ماسويت لك شي انا
اشواق مسكتها مع زندها وقالت بصراخ:اخذتي مني ابوك ابوك اخذتيه مني كل بسببك
:ما اخذت ابوها منك ابوها اللي ما يبيك
لفت اشواق له بصدمه
كمل بغضب:بأي حق تصارخين على بنتي وتضربيها هاه
اشواق:مشاري
قاطعها مشاري بصراخ:قلت لك بأي حق تصارخين على بنتي وتضربيها تكلمميي
اشواق بقهر:لانها السبب في طلاقنا مشاري انا احبك وابيك
مشاري بغضب:وانا ما ابيك ياخاينة ما ابيك وبنتي الحين باخذها معي والله ما تشوفيها حتى بحلمك لف على لما وقال:يلا بابا جيبي اغراضك وتعالي انتظرك هنا
لمى ودموعها على خدها هزت راسها بالموافقه وطلعت بسرعه
اشواق:اسمعـ...
مشاري:ولا كلمه

عند فواز وعذاري
عذاري:وينها للحين ما جات لا يكون بتسحب علينا اسبوع بعد
فواز:بتجي ماعليك
عذاري تنهدت بحزن وقالت بنفسها"ليش ما يصدقني"
لف فواز وقال:شفيك
عذاري:مافيني شي
فواز قرب لها وضمها وقال:حبي انا دراي انك ما تكذبين ابد بس انا ما ابغى اصدق ما ابي انصدم بخالتي الوحيده انا مالي احد غيرها هي اللي بقت لي من ريحة الغاليه الله يرحمها ما ودي اصدق فيها
عذاري بحزن عليه:آسفه حبيبي
فواز جاء بيرد بس دق الجرس وقام فتح الباب ولقى بوجهه روان المبتسمه كشر في وجهها وهي يقول بينه وبين نفسه"صدق ما كان عندي ذوق يوم حبيتها"
ناظر لخالته وتقدم لها وسلم عليها ودخلوا
خالته بتوتر:آسفه ياولدي ما جيتك يوم اتصلت علي انشغلت هالاسبوع وتوي اجيك اعذرني
عذاري بقهر جات بترد بس حست بيد فواز تشد عليها بهدوء وقال:معذوره يا خاله
وكمل بهدوء:خاله انا اعرف انك صادقه وبتقولين لي الصدق ولا بتخيبين ضني فيك وتصدميني انا بقول شي واحد وابيك تجاوبين بـ ايه او لا
توترت وقالت:وش هو ياولدي
فواز:انتي السبب في الحريق ولا لا؟
ارتبكت وسكتت ماردت عليه
فواز كرر سؤاله وبدا الشك يدخل قلبه وقال بحده:خالتي انتي السبب ولا لا تكلمي
روان:وش الـ...
قاطعها فواز وهي يقول:اكلم خالتي انا
فوزيه بخوف:ما سويت شي ياولـ..
قاطعتها عذاري وهي تقول بقهر:كذابه هذا وانتي كبيره والمفروض تكونين قدوه لبنتك ابيك تحلفين بالقرآن الحين ونشوف اذا انتي تخافين ربك ولا لا
فوزيه بتوتر:وش اللي احلف
فواز:خالتي بتحلفين بالقرآن واذا طلعتي صادقه عذاري بتعتذر منك وانا بعد
عذاري ناظرت فيه وهي تقول بنفسها"والله ما اعتذر منها"
فوزيه بخوف:لا ما يحتاج ليش ماتصدقني ياولدي
فواز:خالتي انا ما اقدر اصدقك وانتي مو راضيه تحلفين قومي معي الحين واحلفي ترا رفضك ذا ما يزيدني الا شك
فوزيه قامت بتوتر وراحوا الغرفه وطلع القرآن فواز ومده لخالته اللي مسكت القرآن وهي ترجف بتوتر
فواز:يلا احلفي
فوزيه شكتت بتوتر وحطت يدها على القرآن وجات بتحلف لكن قاطعتها عذاري وقالت:ترا مو لعبه اللي بيديك حرام تحلفين كذب نار جهنم حاميه انتبهي يغويك الشيطان عشان بس تكونين صادقه تراني مسامحتك بس لا تهلكين نفسك عشان بس ولد اختك يصدقك
فوزيه ببكى حطت القرآن وقالت:اسفه ياولدي سامحني
فواز سكت بصدمه وعذاري زفرت براحه خافت انها صدق تحلف وتنسى ان عقاب الله كبير وشديد
فواز بصدمه:ماتوقعت بيوم اني بنصدم فيك ياخالتي "وصرخ بقهر":كيف تسوين كذا انتي تدرين انك بغيتي تقتلـ.ـين زوجتي،زوجتي بغت تموت بسببك انتي"رفع راسه وهو يحط يده على جبينه بقهر وصدمه"
روان:هيه انت لا تصرخ على امي
عذاري بقهر:انتي اسكتي كله من تحت راسك اصلاً
روان بغضب وهي تتقدم من عذاري:اسـ...
قاطعها فواز وهو يجي قدامها:لا اضربي زوجتي قدامي بعد اضربيها هذا اللي ناقص
فوزيه:سامحني ياولدي
فواز بقهر:خالتي اطلعي الحين مابي اقول شي اطلعي الحين
فوزيه سحبت بنتها وطلعوا وهي مالها وجهه
بعد ما طلعوا نزل فواز راسه وتنهد بحزن حس بأحد يحضنه من ورا ابتسم بحزن وهو يشد على يدها وقال:آسف
عذاري سندت راسها على ظهره وقالت:لا تعتذر ياقلبي انت ما سويت شي مالك ذنب 
لف لها وضمها وهو يبوس راسها بحب وقال بعد فتره:اطلبي يلا
عذاري ابتسمت وهي تبعد عنه:حلو انك ما نسيت
فواز ابتسم بحزن وقالت عذاري بسرعه لما لاحظت حزنه:طلبي هو انت مابي في يوم تتركني وتروح هيا اوعدني وعد ما ياخذك مني غير الموت بعد عمر طويل ان شاء الله
فواز باس خدها:كيف اترك روحي واروح ياحبيبتي الله ياخذني ان رحت وتركتك
عذاري ابتسمت وقالت:آمين
قرصها فواز وقال:ليش تبيني اموت!
عذاري ضحكت وقالت:اذا تركتني احسن
فواز رفع حواجبه وقال:لا والله
عذاري ابتسمت وقالت:مو انت اللي دعيت انا شدخلني
فواز:بس مو تقولين امين
عذاري ضحكت بقوه:والله مالي دخل انت لا تتركني عشان ما تموت
فواز:لا لا ما بترك لاني باقي بنتقم منك انتقام على آمين ذي
عذاري:اقول ناسي رحلتنا اللي تأجلت اسبوع وعليه
فواز:ايه ذكرتيني خلاص بكره رحلتنا ان شاء الله
عذاري شهقت بصدمه وفواز صفقها بشويش:مليون مره اقول لا تشهقين كذا
عذاري:بكره وانت للحين تسولف وخر بروح اجهز "بعدت وهي متجهه للغرفه"وتقول:المفروض تقول لي قبلها بيومين توك تقول
فواز ضحك:وش اسوي اليوم حجزت