- حَـياتـي من بعَدك ماهِي حيـاه

البارت السابع:

اخذوا لفه على المطاعم يدورون مطعم حلو اكلهم ودخلوا مطعم واكلوا ورجعوا البيت وريما للحين على هدوءها اللي خوفهم
—
<في السعوديه>
جوا الكل للعزيمه وكانت خلود تدور بعيونها ليالي ومالقتها وتقدمت من عذاري وقالت:وينها ذي اللي اسمها ليالي
عذاري ناظرتها بكره:وشدخلك
خلود بقهر:اها انتي من صحباتها
عذاري طنشتها وهي ودها تمعط شوشتها
راحت خلود وهي مقهوره انها م عرفت وينها
—
<في امريكا>
ريما الا من رجعوا دخلت الغرفه وماطلعت وليالي اللي شالت همها قالت بحزن:اول مره اشوفها كذا
تركي بحزن تنهد وفيصل وده لو يسأل تركي ويسكت فضوله لكن م حب يتدخل وليالي اللي نست تقول له يعلمها من كثر ماهي خايفه عليها قامت وهي اللي م تقدر تتحمل اكثر تبي تروح لها مسكها تركي وقال:اتركيها شوي وتهدى 
—
ليالي:مقدر والله مقدر لين اشوفها
تركي:ليالي انا اعرفها زين اذا دخلت غرفتها وهي بهالحاله تحب تكون لحالها عشان كذا من اول م دخلت وانا بالقوه ماسك نفسي
ليالي جلست بضيق
—
<السعوديه>
في بيت الجد ابراهيم
عذاري راحت المطبخ وشغلت النار وسمعت صوت برا راحت تتبع الصوت وسمعت صوته صوت حبها الاول صوت فواز يكلم عقدت حواجبها من كلامه
فواز بابتسامة:حبيبتي م عليك بجيك
عذاري انصدمت ونزلت دموعها بقهر وقالت:ماشاءالله من متى تكلم بنات م تستحي انت
فواز لف وقفل بسرعه وقال بغضب:خير تتنصتين مافي خصوصيه
عذاري بقهر:اولاً م اتنصت وثانياً حبيبي ناسي انت وين ولا تراك في بيت جدي ابراهيم مو في بيتكم عشان تقول خصوصيه جالس بنص الحديقه ويقول خصوصيه كيف تبيني اعطيك خصوصية وانت تكلم بنات الحرام ذولا الله لا يبلانا ودي افهم وين الخصوصية بالموضوع
فواز تنرفز من اسلوبها وقال بغضب:ثمني كلامك ماودي بالمشاكل
عذاري بقهر منه:انا ابي المشاكل زينن
فواز استغرب عصبيتها وقال وهو يقرب منها:بعدين تعالي وشدخلك انتي تعصبين زوجتي وانا مدري
عذاري انجرحت وهي صدق م تعني له شي وقالت بمكابره:ايه ماني زوجتك بس عيب اللي تسويه
فواز جاء بيتكلم بس قاطعه الصراخ
-
خلود اللي جات وشافتهم وصورتهم وهي تبي تنتقم من عذاري وصرخت بتمثيل:الحقوا الحقوا
جوا كلهم بخرشه وهي تكذب وتقول:شوفوا عذاري كانت بحضنه يوه يالفضيحه وورتهم الصور بالجوال
تبي تكبر المشكله الجد ابراهيم عصب مره وقال الجد ابراهيم بغضب:والله وماعاد فيه حياء في بيتي تسوون هالحركات
الكل سكت
الجد ابراهيم بغضب وتسرع:
—
<امريكا>
خافوا عليها للحين مالها حس قامت ليالي بسرعه عشان مايمسكها تركي ودخلت عليها وشافتها منسدحه ووجها محمر من ضيق التنفس صرخت بقوه ركضوا تركي وفيصل بخوف تركي بفجعه:شفيها ليالي برعب:شوف وجهها
تركي تذكر ان عندها ربو ودور البخاخ في كل مكان م لقاه تقدم من ريما وقال وهو يضرب خدها بخفه:ريما وين بخاخ الربو ريما تكلمي
ريما بتعب وضيقه:في....فـ....يييي الكومد...ينه هـ....ـذي
فتحه بسرعه واخذه وبخ كم بخه وشربها مويه ورجع بخ كم بخه وشربها مويه اما ريما من بدت تتنفس نزلت دموعها بهم من هالربو مسح دمعتها تركي بحزن:خلاص يقلبي ارتاحي
وقام وطلعوا كلهم وفيصل اللي كان خايف عليها م يدري ليه شاف تركي وقال وهو يحاول م يبين انه خايف عليها:شصار لها
قال له تركي وبعدها راحوا ينامون
—
<السعوديه>
الجد ابراهيم بغضب وتسرع:الحين تجيبون مملك نملك عليهم اليوم
عم الصمت على المكان بصدمه
قالت عذاري بغضب:م سوينا شي ذي تتبلى علينا
الجد ابراهيم بغضب:طيب وش جابك هنا
سكتت عذاري اللي م تدري وش تقول وش بتقول يعني والله كان يكلم وحده وجيت انا وهزئته وانا وشدخلني وكمان طالعه بدون عبايه عشان اصرفها واقول شي كل الادلة ضدنا
اما فواز راح الغرفه بقهر وهو م يبي يتزوج غير اللي يحبها
بعد ساعه جاء المملك وملك على عذاري وفواز اللي ماكانوا راضيين على طريقة ملكتهم