- حَـياتـي من بعَدك ماهِي حيـاه

البارت الحَـادي عشـر:

ورجوتُ عيني أن تكفّ دموعها

‏يومَ الوداعِ نشدتُها لاتدمعي

‏أغمضتُها كي لاتفيضَ فأمطرت

‏ايقنتُ أنّي لستُ أملك مدمَعي

‏ورأيتُ حلماً أنني ودَّعْتُهم

‏فبكيتُ مِن ألم الحنين وهُم معي

‏مُرٌ عليَّ بأن أُودّعَ زائرًا

‏كيفَ الذين حملتُهُم في أضلُعي ؟!

بسم الله نبدأ

وانهارت تصيح وهي تقول:ابي خالد ابي اروح له انا السبب وتبكي بندم تقدم منها عبدالله بسرعه ومسكها وهو يحاول يهديها:اسمعيني واهدي والله خالد بخير حتى الحين صحى وودوه لغرفه عاديه زيك والحمدالله مافيه شي تبين نروح له يلا الحين اوديك وجاب لها كرسي متحرك وجلسها فيه وتحرك فيها لغرفة خالد وصلوا للغرفه ودخلوا ناظرت لين في الرجال اللي قدامها وقالت بهمس:خالد
خالد اللي من دخلت شافها قال من سمعها تقول اسمه:ياعيون خالد
وناظر بـ عبدالله وقال:قربها لي عبود
قربها عبدالله له ورفعها لخالد اللي ضمها على طول اما لين من حست بضمته انهارت على طول وصارت تقول له:انا آسفه والله آسفه انا السبب انا السبب وصارت تكرر هالكلمه بأنهيار دخل سيف على الصراخ وصد على طول من شاف الانثى اللي بحضن خالد تقطع قلبه على بكائها ولومها لنفسها وخرج بسرعه من الغرفه اما عند خالد كان يمسح على شعرها ويقول:مافيني شي ياروح اخوك بعدين يقلبي هذا قدر ربي كتبه لا تلومين نفسك م يصير حرام هذا قضاء وقدر
عبدالله بمزح:خلاص اهدي ولا والله لا اقول لدكتور يعطيك مهدئ مره ثانيه
لين بقهر:وربي يويلك لو تقول له
ضحك خالد وقال:ليه وش فيه
وقال له عبدالله
قالت بقهر:م خلوني اشوفك امس
خالد ابتسم:خلاص شفتيني الحين م توقعت اني مهم لهدرجه
لين بحزن ودموع:والله انك غالي علي وكلكم بعد غالين والله ان امس حسيت بقيمة الاخوان صدق حسيت اني ولا شي بدونكم الله لا يعيده من يوم
مسح دموعها وقال بتغيير للجو:وشرايكم نهرب
عبدالله:شلون وانت تعبان
خالد:تعرفني م اطيق المستشفيات فعشان كذا هربنا
عبدالله:تبي ابوي يكسرني واصير بمكانك الحين
خالد:والله عاد بتطلعني غصب عليك وعشان هالمزيونه كمان م تحب المستشفيات طالعه على اخوها
لين:اي والله اكرها م اطيقها
عبدالله:تم يلا قوموا
قاموا كلهم وتحركوا وكان عبدالله في المقدمه بحيث اذا شاف احد يتصرف
عبدالله بهمس:دقيقه وقفوا في واحد جاي
وقفوا اثنينهم وتقدم الشخص من عبدالله وهو يقول:انت عبدالله
عبدالله م عرفه وقال:ايه هلا شبغيت
الرجال بفرح:ياهلا ياهلا كيفك وشخبارك
عبدالله شك بصوت وقال:اعرفك بس مدري
الرجال بابتسامة:انا فارس م عرفتني اللي
كنت معك بالابتدائي
عبدالله بفرحه وهو يضمه بوناسه:ياهلا والله كيفك وكيف العيال يالله وربي اني مشتاق لكم انت والعيال
فارس بأبتسامه:والله حتى احنا مشتاقين لك
لين بهمس لخالد:ياليل مطولين
خالد:دقيقه بس
وقام وراح لهم وهو يقول لعبدالله:ياولد وينك ادورك يلا هيا نمشي امي تقول بسرعه لا تتاخرون
عبدالله فهمه وقال:يلا مع السلامه بنمشي كلمني اليوم نطلع اي مكان خذ رقمي
واعطاه الرقم وتحركوا وخالد معصب:بلا في شكلك بغيت تلطعنا
عبدالله بوناسه:هذا خويي فارس عرفته
خالد بصدمه:فارس مغيره ذاك
عبدالله:ايه
لين بقهر:كان قلتوا لي اجيب لكم قهوه وشاهي
عبدالله بضحكه:ياليت
ضربته لين وهي معصبه امش مالت عليك
وطلعوا من المستشفى وحركوا لبيت خالد
-
في بيت الجد محمد
كان الكل هناك وجالسين يسولفون قامت ليالي واخذت ريما وهي تقول:دقي على لمار خليها تجي
ريما:تمام بكلمها برا عشان الازعاج
وطلعت برا تكلمها
ريما:لمار تعالي بيت جدي محمد
لمار:يوه مافيني حيل خليها بعدين
ريما:اقول تعالي بس
لمار:يوه ريما وربي تعبانه مافيني حيل اقوم
ريما:لا فيك حيل قومي بسرعه وربي طفش
لمار:كيف لين وخالد
ريما:هم في المستشفى الحين
-
عند فيصل كان يبي يكلم ليالي وسمع وحده تكلم قرب لجهة الصوت شاف ملاك مو بشر جلس يناظر فيها بعدها بفتره حس على نفسه وغض بصره وراح وهو يفكر هذي ريما اخت تركي ولا....الا هي مافي غيرها قاصه كذا.....ليش مافي غير ريما...بس مافي من العايله قاصه بوي غيرها بعدها دخل للمجلس ونسى وش كان يبغى من ليالي
-
ريما:هاه وش قلتي بتجين ولا
لمار:زين بشوف
ريما:لا تشوفين تعالي
لمار:طيب يالنشبه بكلم راكان
-
عند سيف في المستشفى
سيف:لقيتوهم
الدكتور:لا دورنا بكل مكان مالقيناهم
سيف فهم السالفه وقال:خلاص خلاص لا تدوروهم انا بشوف وينهم وطلع برا المستشفى وهو يدق على عبدالله اللي رد وهو يضحك:يوه نسيناك
سيف بقهر:وين طسيتوا وجع اشغلنا الدكاتره
رايحين جايين
عبدالله:آسفين آسفين بس خلودي يكره المستشفيات وليون بعد صفقته لين وهي تكره احد يقول لها ليون
وقالت بقهر:عبدالله اخر مره لو سمعتك تقول ليون نحرتك
عبدالله بألم:يالعنيفه هذي جزاتي اهربك واحاول ابرر فعلتك الشنيعه
لين:شدخلني انت اللي هربتني مو انا
ابتسم سيف على كلامهم وقال:اقول انت وياها والحمار خالد وربي لا اقول لعمي على سواتكم
عبدالله:ياخي تكفى لا تقول له وربي اني ماني ناقص تكفيخ يكفي ليو..... اقصد لين من اليوم تكفخني
خالد:هات الجوال
اخذه وهو يقول:كسرت خاطري والله فوق م انت جالس معنا وتعبان خليناك في المستشفى وجلس يضحك عليه
سيف بقهر:اوريك اذا م دقيت على عمي وقلت له عنكم ماني رجال
خالد فطس ضحك وجلس يطقطق عليه وقفل سيف في وجهه شوي وجاه اتصال من عمه:هلا عمي ....من علمك....لا والله...اعذرني ياعمي مادريت عنهم الا توي....ابشر.....ابشر....في امان الله
وقفل سيف وهو مقهور من خالد وراح لبيت خالد يجيبهم لبيت الجد محمد