- حَـياتـي من بعَدك ماهِي حيـاه

البـارت الـواحَد والثّـلاثـون:

بسـم الله نُـكمل..

بابتسامة:مبروك زوجتك حامل!
ناظروا بعض بصدمه وكانت الصدمه على رفيف اكثر لانها ماكانت تبي الحمل الحين قالت بصوت منخفض:حامل!
ناظرهـا بهدوء وقال وهو عارف انها ماتبي الحمل الحين:رفيف
كملت الدكتوره وهي تقول:اما بالنسبه للسخونه وتعبها كان بسبب تعرضها للبرد اشربي اشياء حاره وتدفي لان ما اقدر اصرف لك ادويه عشان الحمل وماتشوفين شر
رفيف ناظرته وقالت:كيف؟
ناظرتهم الدكتوره وحست مالها داعي وطلعت
رفيف كملت:كيف حامل انا استخدم حبوب منع الحمل شلون حمـلت!
هادي:قولي الحمد لله ممكن خيره
تنهد وكمل:حبيبتي انا اعرف ماتبين تحملين الحين انا معك بكل قرار تتخذينه بس خلاص ربي كتب لك تحملين ما راح تمنعين قدر الله يمكن خيره لك هذا الحمل
رفيف بدموع:طيب بس انا ما ابي احمل هادي مره بدري
قرب منها وهو يمسح دموعها:لا حبيبتي شلون تبكين على شي ربي كتبه لنا هذا ولدنا كيف تبكين لجيته فاهم انك ماتبين الحمل بس خلاص صار اللي صار نحمد الله غيرنا يتمنى هالضنى
رفيف نزلت راسها تمسح دموعها وهي متضايقه تبي تفرح بس مو قادره لان ما جاء بأرادتها واستعدادها التام
باس راسها بهدوء وحضنها بدون مايتكلم

- عند غرفة العمليات
ناظرها مشاري وتنهد وقال:الحمد لله نجحت العملية
ميهاف ناظرته وتنهدت بفرحه وقربت وحضنته وقالت:الحمد لله
مشاري:بس للاسف دخل غيبوبة ومانعرف متى يصحى
رفعت راسها بصدمه وقالت:ايش!
مشاري تنهد:اي والله عاد بنشوف الـ 24 ساعه الجايه ونشوف اذا صحى الحمد لله واذا ما اصحى معناته بياخذ ايام او شهور
ناظرته وهي ماسكه دمعتها حاولت تصرف نفسها لكن التفت لما قال مشاري..
ابتسم مشاري:ايه ياممرضه ميهاف وش هالبطوله اللي سويتيها
ميهاف بعدت عنه وقالـت:وش سويت
مشاري:تدرين لو ما تدخلتي بحالته كان هو ميت الحين
ميهاف ناظرته وتنهدت بضيق:صراحه خفت الحمد لله اني ممرضه كيف تتحملون المسؤولية هذي
مشاري رفع كتوفه وقال:تعودنا!
ميهاف حطت راسها على كتفه وقالت:احتاج انام والله راسي مصدع من احداث اليوم اول شي غسان بعدين ام غسـ.."شهقت وهي تضرب راسها" وقالت:نسيت ام غسان ما طمنتها خلني اروح لها
مسكها مشاري وقال:تعالي تعالي وش عرفك بأسمه
توترت ميهاف وقالت:لا بس شفت اسمه على بدلته
بعدين تحقيق هو ابعد خلني اروح لام غسان اطمنها
"وشدت على اخر كلامها تبي تغيضه"
ناظرها مشاري وضحك وهو يدخل لمكتبه

- بعد مرور اسبوع
-  في بيت تركي
كانوا جالسين ويخططون يروحون شاليه
ريما:اي نبي نجلس فيها نغير عن البيت شوي من رجعنا من المخيم وخطوه من البيت ما خطيناها
ليالي:صادقه والله طفش
فيصل بابتسامة وهو يناظر ريما:عن نفسي ودي بس عشان ريما ودها
تركي ناظره بسخريه:احلف!
فيصل وهو للان يناظر ريما اللي صاده بتوتر من تركي وقال:والله
تركي ضحك وهو يرمي المخده عليه:ولد!
فيصل ضحك وناظره:والله لو ما تهجد لا اخلي اختي تقلب عليك
ليالي وهي تاكل:ما اقلب على تروكي انقلع بس
فيصل ناظرهـا وهو يمثل الصدمه:افاا
ضحك تركي وقال:ايه قلت لي تبي تقلبها علي؟
ريما ابتسمت وفيصل قال باستهبال:اصلاً ماتهموني مايهمني غير الحلوه هذيك
"وهو يأشر على ريما"
قال تركي وهو يتلفت يبي شي يرميه عليه:هذا ما وده يسكت يبي له شي يأدبه
تقدم فيصل بسرعه وهو يبوس راسه ويقول:نعتذر والله ما عاد نعودها
تركي:ايه اعقل
ليالي تنهدت:هاه ما ودكم!
تركي:توكلنا على الله بكلم صاحبي يعطينا الشاليه اليوم وبكره نستانس فيها يومين ثم نرجع
ريما:كفو
ليالي قامت وهي تقول:ريما يلا نجهز الاغراض
قامت ريما ومشت ورا ليالي