- حَـياتـي من بعَدك ماهِي حيـاه

البـارت السَـادس عَـشر:

كَشَفَت ثَلاثَ ذَوائِبٍ مِن شَعرِها
‏في لَيلَةٍ فَأَرَت لَيالِيَ أَربَعا
‏وَاِستَقبَلَت قَمَرَ السَّماءِ بِوَجهِها
‏فَأَرَتنِيَ القَمَرَينِ في وَقتٍ مَعا

بسـم الله نبـدأ
-
في الشاليه
تركي:تبين اوديك المستشفى
ريما:لا لا مافيني شي
تركي:عشان نتطمن يلا قومي
ريما:تركي والله اني بخير خلاص م بخرب جونا
تركي:تمام اذا حسيتي بشي ناديني
ريما ابتسمت وقالت:طيب أوامر ثانيه اخوي تركي
ضحك تركي وقام راح للرجال
-
عند عبدالمجيد وريم
عبدالمجيد:هذي الشقه كويسه بتجلسين فيها
ريم:تمام
عبدالمجيد ناظر لها وقال بمزح:شكلها م عجبتك
ريم بسرعه:لا لا لا بلعكس حلوه ونظيفه ومرتبه
عبدالمجيد ابتسم وهو ينزل راسه
وبعد فتره من الصمت قال عبدالمجيد:بروح اجيب اغراض للشقه
وجاء بيطلع بس وقف ولف لها وقال:تجين معي؟عشان تشترين اللي تبين بما انه للشقه
ريم باحراج:لا عادي جيب اي شي
عبدالمجيد يبي يحسسها انه عادي:مافي اعتراض ممنوع يلا قدامي
ريم نزلت راسها ومشت معه
-
في الشاليه
جاء راشد وهو يركض لعذاري ومسك يدها وسحبها
عذاري بخرشه:وشفيك
راشد:تعالي معي بسرعه
ريما:راشد وش تبي
راشد:ابيها تجي معي بوريها شي
عذاري قامت:لولو تعالي معي
راشد:لا لا بس انتي
ليالي ضحكت:روحي معه يبيك لحالك
راحت عذاري وهي مستغربه منه وودها مكان ورا الشاليه ومظلم ناظرت وقالت:راشد شفيك ليه جايبني هنا
راشد:باي
وجاء بيروح بس مسكته وقالت:وين وين جايبني هنا عشان تروح
راشد فك نفسه منها وهرب بسرعه
عذاري جت بتلحقه لكن حست باحد يمسكها انخرشت وجات بتصرخ بس سكر فمها
وقال:هذا انا
عذاري بخرشه:فواز
فواز:عيونه
عذاري:وشفيه وش صاير
فواز ابتسم:ماصار شي بس انا ابي زوجتي فيها شي
عذاري:لا بس كان دقيت علي
فواز:جوالي طافي شحنه المهم تعالي نتمشى هنا
ايه ترا جبنا احصنه تعالي نركبها
عذاري:اللي في المزرعه
فواز:لا ذيك احصنتنا بس هذي استاجرنها
عذاري سكتت ومشت معه
وصلوا واخذ حصان وقال:يلا تعالي
عذاري وهي م تبي تبين له انها خايفه:خلنا نمشي
فواز ابتسم:ليه
عذاري:م مشينا زين ابي اشوف الشاليه من الجهه اللي هناك وسكتت تعاتب نفسها على عذرها الخايس
فواز فهم عليها وقال بنذاله:طيب نركب ونروح هناك عشان يكون اسرع
عذاري حست انه بيفهم وتقدمت عشان تثبت له انها مو خايفه واول م قربت تحرك الحصان وصرخت وهي ترجع على ورا ضحك فواز وقال:دامك خايفه كان قلتي لي
عذاري:مو خايفه
فواز ناظر لها بنص عين:واللي صرخت قبل شوي مين
عذاري بستهبال:مدري
فواز ابتسم لها وقال:اركبي يلا
عذاري:بركب بس والله لو صار لي شي م اسامحك
فواز زادت ابتسامته وقال:م يصير ان شاءالله دامك معي
عذاري تقدمت ورفعها وركبها وركب وراها ومشوا
فواز زاد السرعه وعذاري خافت اكثر وقالت:هد شوي لا تسرع مره
فواز بلعانه اسرع وبدا يسوي حركات بالحصان وعذاري تصارخ وبعدين تضحك شوي وترجع تصارخ اما فواز انهار من الضحك ووقف وبدا يمشي بشويش
عذاري:حمار
فواز قال وهو يكتم ضحكته:وش قلتي
عذاري:قلت حمار بس مو لك للحصان هو حمار ولا حصان
فواز ضحك وقال:م تترقع اوريك
سكت شوي وقال:ليه تخافين من الاحصنه
عذاري:وانا صغيره ركبت حصان والظاهر انه كان منفس وطيحني وبغى يدعس علي وماعاد ركبت حصان الا الحين كله منك
فواز ابتسم:يعني ما تحبينها
عذاري:مو م احبها بس اخاف منها
كمل وجلسوا يسولفون مع بعض شوي وبعدها رجعها عند البنات وراح
-
في مكان اول مره نروح له
بعصبيه:وش اللي م قدرنا ناخذها
الشخص بخوف:يارئيس مهاب م قدرنا جات الشرطه وقدرنا نبعد من المكان الا سعود انمسك
مهاب بقهر ضرب الطاوله وقال:بكره تروحون لبيتها وتجيبونها
الشخص:حاضر يارئيس
وطلع من الغرفه
-
في الشاليه
كانوا جالسين الحريم يسولفون والبنات معهم
ليالي بهمس لريما:شكلي بقوم افقع عيونها
ريما:معليك منها
ليالي ناظرت لخلود اللي تناظر لها بحقد وتنهدت وصدت وقالت لريما:بخنقها
جت بترد عليها ريما لكن انخرشوا من ام خالد اللي طاحت مغمى عليها
لين برعب قامت لها وهي تصرخ:ماما ماما شفيك
ام عبدالمجيد برعب:يمه شفيها...نوره نوره"ام خالد"قومي بسم الله عليك
لين بانهيار:ماما تكفين قومي
ام عبدالمجيد:رفيف اعطيني الجوال بسرعه
راحت رفيف للجوال بسرعه واخذته واعطته امها
ام عبدالمجيد وهي تدق على عبدالمجيد:اعطوني مويه....عبدالمجيد خل ابو خالد يجي نوره طاحت علينا بسرعه...يلا لا تتأخرون
قفلت واخذت المويه شوي وجوا الرجال واخذوا ام خالد وودوها المستشفى ولين منهاره من الصياح ومع الخوف والتوتر راحوا كل اخوانها وبقت هي
ام سيف بهدوء:تعالي يقلبي نوديك البيت
لين ببكي:ابي امي ابيها تكفون
ريفان وهي تقومها:تعالي ولفت لامها
وقالت:يمه ترا ابوي راح دقي على سيف خليه يجي ياخذنا
ام سيف:زين
دقوا وطلعوا له وريفان ماسكه لين المنهاره
-
وصلوا المستشفى واخذوها الدكاتره بسرعه ودخلوها الغرفه وبدوا يكشفون عليها
خالد برعب:يبه وشفيها امي
عبيد:صار زي كذا قبل نروح للشاليه
ابو خالد بتوتر:ان شاءالله انها بخير..الا وين لين
العيال بدو يتلفتون
عبدالله:شكله مع الخوف نسيناها
ابو خالد:الله يهديكم كيف تنسونها دقوا عليهم شوفوا من اخذها
وبعد م خلص كلامه دق جوال خالد
خالد:هلا سيف...معكم..الحمد لله تو نسأل عنها..نسيناها مع الفجعه...تمام خلوها عندكم...لا لا لاتجيبوها بتخاف خلوها معكم وقول لها ان امي بخير...يلا مع السلامه
ام سيف:خلاص يمه قطعتي نفسك بالصياح
سيف بهدوء:خالتي نوره بخير مافيها شي
لين ببكى:كيف بخير وهي طاحت علينا قبل يومين بعد اكيد فيها شي ورجعت تصيح
ام سيف بخوف:كيف يعني مو اول مره
لين:لا طاحت علينا قبل نروح الشاليه والحين بعد يارب لا يصير فيها شي ياربي بموت بموت
ريفان بفجعه:بسم الله عليك لا تقولين كذا
لين سكتت بتعب من الدوخه اللي داهمتها فجأة
ريفان بخوف:لين...لين شفيك..لين
لين بصوت متقطع:دايـ..ـخه
وقف سيف السياره ونزلت ام سيف وهي تسمي عليها:سيف عطني مويه
اعطها سيف واخذتها وهي ترش عليها المويه
ام سيف:م ينفع جواد انزل للبقاله جيب عصير برتقال بسرعه شكله انخفض السكر
نزل جواد وقالت ام سيف:يمه وين تحليل السكر
لين برجفه:فـ..ـففي الشـ..ـنطـ..ـه
سيف نزل بسرعه وراح لجهة لين وطلع تحليل السكر وبدا يسويه بعدها مسك يدها وحلل السكر وطلع منخفض جاء جواد واخذ سيف العصير فكه بسرعه وشربها وبعدها حلل مره ثانيه وشاف انه اعتدل السكر رفع اغراض التحليل ورجعها وقال:كيفك الحين
لين وهي ترجف:تمام راحت الدوخه
ام سيف مسكت يدها وهي تقول:طيب شفيك يمه ترجفين
سيف:طبيعي..الحين نروح البيت وترتاح
قام سيف وركبوا كلهم وحركوا للبيت
-
في المستشفى
طلع الدكتور وقال:انتوا اهل المريضه
ابو خالد:ايوا طمنا يادكتور
الدكتور:الحمد لله هي بخير بس تعرف بسبب مرضها فطبيعي تجيها زي هالحالات
عبيد بفجعه:اي مرض
عبدالله بخوف:يبه
خالد:يبه اي مرض كيف امي مريضه واحنا م ندري
هادي:يبه وش فيها امي وش مرضها
ابو خالد بهدوء:امكم مريضه من زمان بس م حبت تقول لكم
عبدالله برجفه:وش مرضها
-
ابو خالد:صلو على النبي باذن الله بتتشافى سكت شوي وقال:مرض القلب
صرخ عبيد بفجعه من كلام ابوه اما الباقين فكانوا منصدمين طول هالمده امهم مريضه ولا حسو
بكى عبيد بقوه
قال خالد وهو ماسك راسه:يبه من متى امي تعبانه
ابو خالد:يمكن لها ثلاث سنين الحين
هادي وهو يحضن عبيد:من يدري غيرنا
ابو خالد:عمكم ابو سيف بس هو اللي يدري
ومابين صوت بكاء عبيد قال ابو خالد وهي يتقدم من عبيد:يابوك لا تسمعك امك وتحزن وتزيد حالتها وتتعب هد يابوك والحمد لله على كل حال هذا قضاء وقدر مايصير نعترض
عبيد بهدوء مسح دموعها وبعد عن هادي وهو يقول:بروح الحمام
وراح بدون يسمع رد احد
ابو خالد:هادي رح معه لا يصير فيه شي
راح هادي وكمل ابو خالد:لحد يدري بمرض امكم
عبدالله:ولين
ابو خالد بسرعه:بذات هي لا تدري بتنهار وبتتعب امكم
خالد:يبه من حقها تعرف ولازم تعرف قبل تعرف من احد غيرنا
ابو خالد:لو سكتنا محد بيعرف وهي م راح تعرف
خالد سكت وهو يفكر
...........
دخل بهدوء تقدم من المغسله وغسل وجهه ثلاث مرات مسك راسه وهو يفكر بامه ومرضها حس بأنه بينجن من كثر ماهو خايف عليها:كيففف كيف م درينا ثلاث سنوات صرخ بقوه:ثلاث سنوات وانا مدري ليهههه ليهههه يمهه لا تتركيني يمه لا تروحين عني اموت والله اموتت بكى بصوت عالي وهو يكسر كل شي حوله بغضب وبخوف وتوتر مو قادر يحدد موقفه اللي يعرفه انه مقهور طول هالسنوات امه تعاني وهو م يدري تقدم شخص منه وقال:بسم الله عليك وشفيك
دخل هادي بسرعه وشاف عبيد المنهار تقدم منه بسرعه وهو يمسكه:عبيد عبيد اهدا بأذن لله بتتشافى لا تنهار تكفى عبيد تكفى امي بتكون بخير صدقني بتكون بخير عبيد تكفى لا تنهار شوف لين للحين م تدري ويمكن ابوي م يسمح لنا نعلمها لازم نصبر ونهدا وبما اننا درينا بمرض امي جاء دورنا نساعدها ونكون حولها تكفى لا تضعف عشان م نضعف كلنا تكفى ياعبيد
عبيد بنهيار:امي لا يصيـ...
هادي:م راح يصير ان شاءالله لا تفكر بشي سلبي فكر بأنها بتكون بخير بس
رفع راسه وشاف الناس متجمعه عليهم قام بهدوء وغسل وجهه وتقدم من هادي وقال:خلنا نطلع
تقدم هادي منه وضمه بقوه:لا تخاف امي بتكون بخير
طلعوا من الحمامات وراحوا عند الغرفه اللي فيها امهم
-
وصلو البيت ونزلو ودخلو
ام سيف:كيفك يمه الحين
لين:بخير خالتي
ام سيف:زين الحمد لله روحي الحين مع ريفان فوق بالغرفه وارتاحي
لين ببكى:بس ابي امي
ام سيف:معليه بكره نروح لها زين
نزلت راسها بعدم رضا
سيف حس فيها وقال:بكلم خالد واقول له اذا امك تقدر تكلمك واخليك تكلمينها وبعدها تنامين وبكره نروح زين
رفعت راسها بسرعه وقالت بفرحه:تمام
ابتسم على فرحتها ودق على خالد
خالد:هلا سيف
سيف:خلود كيف خالتي قامت
خالد:ايه الحمد لله قامت
سيف:طيب اعطيها الجوال ابيها تكلم لين
خالد تذكر:سيف لين بخير
سيف:اي بخير بس تبي تكلم امها
خالد:تمام
ومد الجوال لامه وقال ان لين تبيها
ام خالد:هلا حبيبتي
سيف:كيفك خالتي
ام خالد:هلا سيف الحمد لله
سيف:سلامتك خالتي
ام خالد:الله يسلمك ياولدي
سيف بهدوء:خالتي خذي لين
واعطاها الجوال
لين بلهفه:ماما كيفك وش صار فيك وش قال الدكتور انتي بخير صح
ام خالد ضحكت:بشويش بشويش وش اجاوب عليه اول
لين بحزن:ماما تكفين مافيك شي صح
ام خالد:لا حبيبتي مافيني شي الحمد لله
لين: وش قال الدكتور
ام خالد بكذب:قال بسبب الجوع م اكلت شي انا
لين بشك:ماما
ام خالد:يا امي ليه بكذب مافيني شي
لين:زين م ابغى اتعبك ارتاحي زين
ام خالد:زين ياحبيبتي
لين:ماما احبك مره
ام خالد ابتسمت:وانا احبك ياقلب امك
لين:باي
ام خالد:بحفظ الله
قفلت لين ومدت الجوال لسيف وقالت:شكراً مره
سيف بابتسامه:عفواً
ريفان:يلا ليون جاني نوم خلينا نطلع
صفقتها لين:كم مره اقول لا تقولون ليون
ريفان:الشرهه علي ادلعك
لين:لا تدلعيني
وطلعوا الثنتين مع بعض فوق وناموا
عند عبدالمجيد وريم(في السوق)
كانت تمشي بالعربيه وعبدالمجيد وراها على الجوال
عبدالمجيد:تعالي من هنا يمكن في اشياء تحتاجيها هنا
ريم لفت العربيه وبلغلط ضربت العربيه في القزاز انخرشت لما شافت القزاز على الارض ناظرت عبدالمجيد بخوف
عبدالمجيد ابتسم لها يطمنها:عادي عادي
ريم بعبره:كسرتها
جاء الموظف وقال بغضب:م تشوفين
عبدالمجيد لف له وقال:خير اخوي
الموظف بنرفزه:خربت المكان اش ذا
ريم بدموع ورجفه:ماقصدت والله آسفه
الموظف:وش اسوي بأسفك
عبدالمجيد ماسك نفسه بالقوه:خلاص انت بعطيكم التعويض وانتهى وصوتك لا ينرفع مره الثانيه ولا لي تفاهم مع الادارة
الموظف:وش بتسوي يعني
عبدالمجيد:تبي تعرف وش بسوي
الموظف:ايـ..
وماكمل كلمته الا وتجيه لكمه على وجه
عبدالمجيد:تبي تعرف وش بسوي بعد
الموظف:قد...
وجاته لكمه ثانيه
عبدالمجيد:تبي تعرف وش بسوي بعد
ريم برعب:عبدالمجيد تكفى لا
عبدالمجيد بعد عنه:احمد ربك انها موجوده ولا كان علمتك وش بسوي كمان
جاء مدير المكان واخذ عبدالمجيد والموظف ودخلوا الغرفه
المدير بأسف:شفت اللي صار في الكاميرات واعذرنا ياخوي وبأذن الله بنتخذ الاجراءات مع الموظف
عبدالمجيد:معذور ياخوي بس بطلبك طلب
المدير:تفضل
عبدالمجيد:لا تقطع رزقه بسببنا
المدير ابتسم:ان شاءالله
عبدالمجيد:يلا استاذن
وجاء بيطلع بس وقفه صوت الموظف
الموظف باسف:لو سمحت
عبدالمجيد لف له
الموظف بخجل:اعتذر منك
عبدالمجيد:مو مشكله
وطلع وشاف ريم المتوتره
ريم بخوف:وش صار
عبدالمجيد ابتسم لها:م صار شي بس اعتذروا يلا تعالي نكمل الاغراض
ريم:خلاص خلصنا
عبدالمجيد:تمام
واخذ العربيه ووداها عند المحاسب وحاسب وطلعوا ووداها البيت وشال الاغراض ودخلها البيت
عبدالمجيد:يلا انا رايح
ريم وهي منزله راسها:شكراً
عبدالمجيد ابتسم:عفواً
وطلع..
-
اليوم الثاني في بيت ابو سيف
صحت من النوم غسلت وجهها ونزلت تحت للمطبخ استغربت ان كلهم نايمين وما اهتمت كثير جلست على الطاوله بعد م سوت لها فطور بسيط تذكرت اللي صار لها في نص الليل