- حَـياتـي من بعَدك ماهِي حيـاه

البـارت الخـامَـس والعّـشـرون:

يارب أجعل أمانك يحف قلبي من كل خوف، ومن الطمأنينة ما يجعلني أشعر بأن حظ الدنيا كله بين يديني، ومن حمايتك ما لا يرعب هذا القلب، ولكُـل مـن قـال آمين🤎.

بسـم الله نكـمل..

تقدم لها اكثر وهو يحاوط وجهها ويقول:مريوم ليش الدموع الحين تراني مو مطول اسبوع حتى يمكن اقل
مريم وتحاول تسكت نفسها بقدر الامكان:لاا بس
وسكتت تناظره بخنقه ودموعها تنزل
زياد ابتسم وضمها:طيب خلاص لا تصيحين
بعد دقايق بعدت عنه وهي تقول:آسفه ضايقتك بس مدري شفيني ليش صحت وتضايقت مدري حتى انا ما اعرف
زياد ناظرها وقال:تبين تروحين معي؟
مريم ناظرته بنظرات فهمها زياد اللي قال:ابشري ما طلبتي شي الحين اكلمهم واقول اني ابيك تكونين معي ولا تزعلين
مريم رفعت عيونها له وهي ماتدري شلون ما تسمح لقلبها يحبه الله يلوم اللي يلوم قلبي هالانسان اللطيف كيف ما ينحب <<والله انك صادقه
زياد ابتسم على نظراتها له وكيف سرحانه فيه ضرب على جبينها بخفه وهو يقول:وين رحتي لا يكون بطلتي
قالت بسرعه:لا لا "نزلت راسها بخجل وقالت بنفسها يالمشفوحه الله يفشلك..تفشلت اصلاً وبعد ادعي على نفسي"
زياد رفع راسها وقال بضحكه:والله اني احبك يامريوم
دق قلبها بعنف من كلمته وتوترت وخافت يوضح توترها وقالت تخفي توترها بضحكه مصطنعه:وانا بعد يازيادوه
وقال بمرح:يلا قومي خلينا ناكل وبعدها بروح اشوف النادي واقولهم واشوف وش يقولون

عند ساره في المستشفى
كانت تمشي بالممرات وشافت بنت مشاري جالسه على كرسي تقدمت لها وجلست قدامها وقالت:عرفتيني
ابتسمت لمى:اي بس ما اعرف اسمك
ساره ببتسامة:اسمي ساره بس انتي قولي لي سوسو
لمى ضحكت:طيب يا سوسو
"جاء مشاري وشافهم وسكت يسمع كلامهم"
ساره ابتسمت لها وهي ملاحظه تغير جسمها وكيف نحفت عن اخر مره شافتها قالت لها بمزح:ليش نحفانه ماتاكلين هاه
ضحكت لمى:لا اكل
ساره:طيب ليش نحفانه
لمى ببتسامة بريئه:بابا يقول عشاني مريضه
ساره انصدمت وقالت:انتي مريضه!!
لمى هزت راسها بـ ايه
ساره:وش هو مرضك تعرفينه؟
لمى هزت راسها:لا بس بابا يقول مرض عادي يعني زي الكحه والزكام
ساره تداركت الوضع وقالت:اي اكيد عادي تدرين حتى انا كنت مريضه بعدين راح مني المرض
لمى ابتسمت بفرح:والله
ساره ابتسمت:والله
لمى:يعني بيروح مني بعد
ساره بابتسامتها:اكيد واذا ما راح انا بصفقه لين يروح شرايك فيني "وغمزت لها"
لمى ضحكت وقالت:كفو
ساره ضحكت بقوه وقالت:والله انتي الكفو،قولي ان شاء الله اني اتشافى
لمى:ان شاء الله اني اتشافى
ابتسمت ساره:ان شاء الله
والتفتت على صوته وهو يقول:ان شاء الله
لمى وقفت وركضت لحضنه
وقفت ساره بهدوء وماتكلمت
مشاري رفع راسه لساره وقال:بنتي مريضة سرطان
ناظرته ساره بصدمه وحزن عليها صغيره مره على هالمرض وقالت:الله يشفيها،وش صار وش سويتوا
مشاري:وش سوينا!! انا ومين
ساره بغصه:قصدي انت وزوجتك مع بنتكم ومرضها
مشاري بحده:طليقتي مو زوجتي
ساره:اللي هو وش سويتوا كيف صحتها الان
مشاري:تمام الحمد لله مهتم فيها من هالناحية كثير ادويتها منتظم فيها والنظام الغذائي محافظ عليه والمواعيد بعد محافظ عليها بعد والحمد لله بخير هي
ساره حست انه مخبي عليها شي لان ابد مو واضح انها بخير:كويس الله يحفظها يارب
مشاري:آمين
لمى تقدمت لها:سوسو
ساره نزلت انظارها عليها وقالت بابتسامة:ياعيونها
لمى ابتسمت بخجل وقالت:تعالي اوريك لعبتي
ساره مدت يدها لها وقالت:يلا نروح
لمى مسكت يدها وبيدها الثانية مسكت يد ابوها وهي تسحبهم استحت ساره من نظرات الممرضين والممرضات ونزلت راسها اما مشاري عاجبه الوضع
دخلوا مكتب مشاري وركضت واخذت اللعبة وهي توريها ساره اللي قالت بابتسامة:الله مره حلوه
ابتسمت لمى بفرح لما عجبتها
وابتسم مشاري بهدوء وتقدم من كرسيه وجالس يناظرهم واخذه فكره لبعيد؟؟