" ကဲ... ဒီကေန႕ အားလုံးကို ေခၚလိုက္ရတဲ့ အေၾကာင္းအရင္းကေတာ့ တို႔႐ြာရဲ႕ မီးေရးထင္းေရးကိစၥေၾကာင့္ပဲ "
ဦးမင္းေငြက ေရွ႕ေလွ်ာက္လိုက္၊ ေနာက္ေလွ်ာက္လိုက္နဲ႕ စကားေျပာရင္း စီတန္းထိုင္ေနၾကတဲ့ ႐ြာသူ႐ြာသားေတြကို အကဲခတ္သည္။ ေျပာစကားကိုနားေထာင္ေနၾကတာ ေသခ်ာတယ္ဆိုမွ ေျပာလက္စ,စကားကို ဆက္သည္။
" ေထြေထြထူးထူးေတာ့ မဟုတ္ေပမယ့္ ႏွစ္တိုင္းေစာင့္ေနက် မီးကင္းေစာင့္ဖို႔တာဝန္ပဲ "
" ငါးေယာက္တစ္ဖြဲ႕ အလွည့္က်လား သူႀကီး "
သာေျဗာရဲ႕အေမးကို ဦးမင္းေငြ ေခါင္းညိတ္လိုက္သည္။
" အဓိကေတာ့ ကာလသားေတြနဲ႕ ပိုၿပီးသက္ဆိုင္တယ္... ငါတို႔႐ြာမွာ သူ႕အပိုင္းနဲ႕သူ မီးကင္းခ်ထားတာမလို႔ ညကိုးခ်က္တီးကေန မနက္ေလးခ်က္တီးအထိ ေစာင့္ရမယ္ "
ကာလသားအုပ္စုက ေခါင္းညိတ္သည္။ မညိတ္လို႔ကလည္းမရ။ ဒီည အစည္းအေဝးမွာ ဆရာေတာ္ပါ ႂကြလာတာမလို႔ ႐ြာသားေတြက ပုံမွန္ထက္ပိုလို႔ ၿငိမ္ကုတ္ေနၾကသည္။
" ဒဂၤါးေရာ ေစာင့္မွာလား... သူႀကီး "
ကာလသားေခါင္းဘေမာ္က ေမးသည္။ ဦးမင္းေငြ လမ္းေလွ်ာက္ေနရင္း တုံ႕ခနဲရပ္သြားၿပီး လူအုပ္ထဲက ဘေမာ္ကို လွမ္းၾကည့္လိုက္သည္။
" ဟ ! ေစာင့္ရမွာေပါ့ဟ . နို႔ မႏွစ္ကလည္း မေစာင့္ဘူးလား ... ေဘာက္မဲ့ေၾကာင့္ ေမးေနသလဲ "
" သူႀကီးကလည္း ဒါေလးေမးတာကို ... မီးကင္းခ်ဖိဳ႕ဆို လူဦးေရတြက္ၿပီးေတာ့ စီစဥ္ရမွာေပါ့ "
" ေအး မႏွစ္ကလုပ္ေနက်အတိုင္း တိုးတန္တိုး ေလွ်ာ့တန္ေလွ်ာ့ေလ ... ႏူေနတာကလြဲရင္ အကုန္ထည့္ ေဟ့ေကာင္ "
ဦးမင္းေငြက ခပ္ျပတ္ျပတ္ေျပာေတာ့ ဘေမာ္က ေခါင္းကုတ္ျပန္သည္။
" ႏူေနတာကလြဲရင္ အကုန္ထည့္ဆိုေတာ့ ၿမိဳ႕အုပ္မင္းရဲ႕ညီကိုေရာ ထည့္ရမွာလား သူႀကီး "
" ဟ ! ဒီေကာင္ "
လက္ထဲကေတာင္ေဝွးနဲ႕ ဘေမာ္ဆီ လွမ္းပစ္ခ်င္စိတ္ကို ဦးမင္းေငြ မနည္းထိန္းရသည္။ စကားကိုမ်ား ကပ္သီးကပ္ဖဲ့နဲ႕။ ပစ္တိုင္းေထာင္က ႐ြာ့ဧည့္သည္ျဖစ္သလို ၿမိဳ႕အုပ္မင္းညီလည္းျဖစ္သည္။ ပစ္တိုင္းေထာင္ကိုမ်ား မီးကင္းေစာင့္ခိုင္းမိရင္ ဦးမင္းေငြအေနနဲ႕ ၿမိဳ႕အုပ္ကို ဘယ္လိုမ်က္ႏွာျပရမလဲေတာင္မသိ။
YOU ARE READING
မောင်တို့ဆိုလေ ပျားသကာသို့ချိုလှစေ [[ Complete ]]
قصص عامةရယ်စေ၊ မောစေ အသက်ရှည်စေ ဟာသနှော၍ ရယ်မောပျော်ရွှင်စေရန်အလို့ငှာ လုလင်မောင်မောင်(ပစ်တိုင်းထောင်) နေမင်းပုည(ရွှေဒင်္ဂါး) (Own Creation) Starting Date •• 1/4/2024 Ending Date •• 22/9/2024
![မောင်တို့ဆိုလေ ပျားသကာသို့ချိုလှစေ [[ Complete ]]](https://img.wattpad.com/cover/364948445-64-k218573.jpg)