ဒီေန႕အတြက္ double update ျဖစ္တာမို႔ မနက္ကတင္ထားတဲ့ အပိုင္း -(၁၅)ကို အရင္ဖတ္ၾကပါ။
>>>>>>>>>>
ဒီကေန႕ေတာ့ ဒဂၤါးတို႔ရဲ႕ မနက္ခင္းစားပြဲဝိုင္းတြင္ လူစုံေနသည္။ အရင္ရက္ေတြက အခါတြင္းဉပုသ္ကိစၥ၊ အလႉကိစၥေတြနဲ႕ အလုပ္မ်ားေနသည္မို႔ အဘက ဒဂၤါးတို႔နဲ႕ မနက္စာအတူမစားျဖစ္တာမ်ားသည္။ အခုေတာ့ အလႉကိစၥႀကီးလည္း ၿပီးသြားၿပီျဖစ္လို႔ အဘလည္း အနည္းငယ္အနားရေနသည္။
႐ြာေတာင္ပိုင္းက ကိုျမင့္ေဆြတို႔ေတာတက္ၿပီး ရလာတဲ့ဆက္သားေျခာက္ကို အစ္မေငြမႈန္က မီးေသြးရဲရဲနဲ႕ ကြၽတ္ေျခာက္ေနေအာင္ ကင္ေပးထားၿပီး ပဲဆီဆုံဆီစစ္စစ္ေလးဆမ္းထားေပးသည္မို႔ အဘတင္မကပဲ ပစ္တိုင္းေထာင္တို႔ဆရာတပည့္ႏွစ္ေယာက္ပါ အားရပါးရစားေနၾကသည္။
" အဘ ဒီေန႕ဘယ္႐ြာသြားဖို႔ရွိေသးလဲ "
ဒဂၤါး မနက္စာစားေနသည္ကို လက္စသတ္ၿပီးေတာ့ အဘကိုေမးလိုက္သည္။ အစ္မေငြမႈန္ကေတာ့ လယ္ထဲထမင္းပို႔ဖို႔အတြက္ မီးဖိုခန္းထဲတြင္ ျပင္ဆင္ေနသည္။
" အခုေလာေလာဆယ္ေတာ့ မရွိေသးပါဘူး.. လူေလးရဲ႕.. ဘာျဖစ္လို႔လဲ "
" ကြၽန္ေတာ္ ဒီေန႕ ႐ြာေက်ာင္းမယ္ ကေလးတို႔ကို စာသြားျပေပးရမွာမို႔... အဘသြားစရာရွိရင္ ကိုဘေမာ္ျဖစ္ျဖစ္၊ ကိုခ်က္ႀကီးကိုျဖစ္ျဖစ္ ေခၚသြားဖို႔ေျပာမလို႔ "
" ဟုတ္လား... လူေလး ေက်ာင္းသြားမယ္ဆိုရင္ေတာ့ အဘဒီေန႕အိမ္ေစာင့္ရေတာ့မေပါ့ "
သူႀကီးနဲ႕ ေ႐ႊဒဂၤါးေျပာေနတာကို ပစ္တိုင္းေထာင္က တိတ္တဆိတ္နားေထာင္ေနသည္။ ဒီေန႕အိမ္မွာ အစ္မေငြမႈန္လည္းမရွိဘူး။ ေ႐ႊဒဂၤါးကလည္း ကေလးေတြစာသြားျပမယ္ဆိုေတာ့ သူႀကီးနဲ႕ ပစ္တိုင္းေထာင္တို႔ ဆရာတပည့္ႏွစ္ေယာက္သာ က်န္ေနလိမ့္မည္။
အလႉတုန္းက ကိုခ်က္ႀကီးနဲ႕ ကိုဘေမာ္တို႔ကာလသားတစ္စုကို ကိုကိုႀကီးတို႔ျပန္ၿပီးရင္ ထန္းရည္လိုက္တိုက္မယ္ဆိုကာ ပစ္တိုင္းေထာင္က ကတိေပးထားခဲ့သည္။
အခုအိမ္မွာ ဘယ္သူမွမရွိဘူးဆိုေတာ့ သူႀကီးက ပစ္တိုင္းေထာင္ကို မ်က္စိေဒါက္ေထာက္ၿပီး လိုက္ၾကည့္ေနလိမ့္မည္။ မျဖစ္ေသးေခ်ဘဴး။ ပစ္တိုင္းေထာင္ ေသခ်ာေပါက္ကို ေ႐ႊဒဂၤါးနဲ႕လိုက္သြားမွျဖစ္မည္။ ဟိုေရာက္ကာမွ ေ႐ႊဒဂၤါးရဲ႕အေျခအေနကိုၾကည့္ၿပီး လစ္ထြက္ရမည္။
YOU ARE READING
မောင်တို့ဆိုလေ ပျားသကာသို့ချိုလှစေ [[ Complete ]]
General Fictionရယ်စေ၊ မောစေ အသက်ရှည်စေ ဟာသနှော၍ ရယ်မောပျော်ရွှင်စေရန်အလို့ငှာ လုလင်မောင်မောင်(ပစ်တိုင်းထောင်) နေမင်းပုည(ရွှေဒင်္ဂါး) (Own Creation) Starting Date •• 1/4/2024 Ending Date •• 22/9/2024
![မောင်တို့ဆိုလေ ပျားသကာသို့ချိုလှစေ [[ Complete ]]](https://img.wattpad.com/cover/364948445-64-k218573.jpg)