بيني وبينها وصل وأسرار وعهود
مصيونه ماتدري الناس عنها
في كل عام يزود حبها بعد زود
اقفى بروحي والتوى في رسنها
———————————————————————————————————
عند البنات الي جالسين في الحوش ويسولفون عن الي صار معهم في غياب بعضهم
و الحريم حالسين في الصاله ولاكن فجأة منيره فزت وقالت : يوهه يربي كيف نسيت وكيف راح عن بالي لفت عليها نوره بخوف : وشبش با بنت بسم الله
مسكت منيره راسها بوهقه : نسيت ان عندنا زواج بعد بكره ونسيت والله راح عن باليي يوه
ناظرت نوره لمنيرة وهي تقول : طيب عادي روحي وش المشكله بناجل المخيم منيره وهي تعطيها نظرات : وانتي على بالش يا خاله اني بروح لوحدي انا انتظر ذا الزواج من اول عشان احذره معش وكنت بكلمش بس انتي سبقتيني وجيتي
ابتسمت نوره بحماس وهي ودها من زمان تروح عرس : طيب خلاص تم بروح بس بشرط ناظرت لها منيره وهي فرحانه وتنتظر شرط نورة : وشوه
قربت نوره : نروح بعد صلات العشاء ما ابي اروح بدري ليه وين عاشيين من اهل المعاريس اروح بدري لان عوايد ام نجلاء تروح بدري
ضحكت منيره: تم بس اجهزو بدري انتي والبنات تعرفين ان بناتش يطولونننن
نوره : معليتس اوريتس فيهن
منيره مستغربه من لهجتها الي انقلبت : هو وشبش قلبتي لهجتش
نوره وهي تضحك : اتابع مسلسل وشكله اثر علي
وقامو بعدها يضحكون و تاخذهم السواليف
نرجع عند البنات
ربى : بنات عندي لعبه تجنن دفعت فلوس عليها
نجلاء : وش هي ان شاءالله عاد تستاهل الفلوس
ربى الي بدت تشرح اللعبه لي كانت عباره عن اساله واجوبه
ربى لفت تناظر نجلاء : يلا نبدا من عند نجول
نجلاء ضحكت : ماشاءالله وليه تبون بدون فيني ياحيوانات
حلا تمسك يد نجلاء : يبا نجول كلها سوال
السؤال الاول عباره عن ( متى اخر مره بكيتي )
مسكت نجلاء دقنها : وه من زماااان وشكلي قري...
دقتها حلا تتدارك الموقف من شافت نظرات خواتها : طيب الي بعده
نجلاء باستغراب وهمست في اذن حلا : وشبش سكتيني
حلى بنفس النبره وهي تهمس : شكلش تبغين تفضحين نفسش انتي هيا اهجدي
نجلاء الي نقدت على نفسها ونزلت راسها بحراج : طيب
وكملو لعب ووصل السوال عند ربى وقامت نجلاء : بنات انا بروح دورة المياه
الكل : طيب بس اعجلي نجلاء هزت راسها ب اي
طلعت نجلاء وهي تسمع صوت يقول شعر ولفت تراقب وطالع الصوت من مقلط الرجال و حست ان الصوت مو غريب عليها وهو يقول :
{ أُغالِبُ فيكَ الشَوقَ وَالشَوقُ أَغلَبُ وَأَعجَبُ مِن ذا الهَجرِ وَالوَصلُ أَعجَبُ أَما تَغلَطُ الأَيّامُ فيَّ بِأَن أَرى ..}
فز نمر و انكتم وهو يشوف ظل يركض وصوت ضحك وهربت نجلاء وهي تضحك من وجهه الي انفجع منها
نمر : يليل ابو الطفش على كلامه دخلت خالدوهو شايل صحن القهوه و الفناجيل : ارحب هلا و غلا تو مانورت الجنوب
ابتسم نمر : بنورك يا حبيبي
خالد وهو عارف انه مو جو نمر بس حب يجرب يغير جوه : ولد وش رايك نلعب قيم انا وانت عندي لك لعبه بتموت ضحك نمر وهو حيران لاكن ماعنده الا انه يلعب بدال انه يقعد على الجوال : هيا تم قام خالد وهو فرحان انه نجحت خطته
وبدو يلعبون وطولو لدرجت بدت اصواتهم تعلى من الحماس و ضحك و صراخ قهر لف نمر لخالد: ياولد طلعت لعيب خالدوهو مركز وماسك يد البلايستيشن: تشوف بس محد مقدر الموهبه
ضحك نمر وكملو لعب
