سمُ بالله قبل ماتبدون ☺️💖
ابوي تكفى لا لا تسوي فيني كذا والله لعلمك الادب يا قليلة الادب انتي تسوين في اخوك كذا انا اعلمك ابوي والله معد اعيدها اقوولك حطي يدك بسرعهه !!
فزت ريماس من الحلم المرعب وهي معرقه وقلبها يدق بسرعه دخلت ام ريماس وهي معصبه : انتي وينك وليه باقي نايمة
ريماس : ليه كم الساعه
ام ريماس : لا تسالين البسي واطلعي عندنا ضيوف
ريماس : مين ؟
سحبت ام ريماس شعر ريماس ودفته وهي معصبه : لا تسالين واعجلي خمس دقايق لو ماجيتي بيصير لك شي مو هين
هزت ريماس راسها وعيونها مليانه دموع خلونا نرجع في الزمن قبل ولادة ريماس
ابو ريماس : وشتبي اسوي يعني يبه
ابو عبدالله : اقول مالي دخل يا تجيب ولد ولا تطلق زوجتك
ابو ريماس : يبه يرحم لي والديك توني فاقد ولدي كيف تبيني اجيب ولا كأن ولدي توه ميت
ابو عبد الله : عندك مهله شهرين لو ماجبت ولد لا انت ولدي و لا انا ابوك
نزل ابو ريماس راسه بقلة حيله مافي حل الا يجبر نفسه ويجبر زوجته يجيبون ولد لابوه عشان مايطلق زوجته ولا ابوه يتبرى منه
بعد مرور شهر حملت ام ريماس بطفل ومرة الشهور فيهم الين جاء يوم الولادة ودخلت ام ريماس وهي بين الحياة و الموت لان كان حملها صعب جدا ومتعب وقعد ابو ريماس و ابو عبدالله و ام عبدالله ينتظرون عند باب العمليات وهم متوترين وابو ريماس خايف تكون بنت واخيرا طلع الممرضه : مبروك ربي رزقكم ببنت
انصدم ابو ريماس وطاح على ركبه ومسكته امه وكان يناظره ابو عبدالله وقال : كنت بتبرى منك بس عشان ابي اشوف البنت وابيها كنسلت
قام ابو ريماس لما شاف زوجته طالعه ووجها اصفر وقالت بصوت مبحوح : رح شف بديل سعود
كانت كلمة ام ريماس طعنه لأبو ريماس و حس ان صدق ريماس بديل لسعود وكان سعود افضل اولاده واول ولد له وجت بعده ريماس ومن بعدها كبرت ريماس وماكن تدري انها بتكبر على الضرب و القذف و المقارنات وتنظيف البيت وكانو يعاملونها معامله خدامه
نرجع لوقتنا الحاضر
قامت ريماس ولبست وطلعت لقت عمتها و بنت عمها وسلمت عليهم وهي عيونها على الارض مو من سحى لا لا تخاف احد يشوف عيونها الي باين كانت تبكي وصبت لهم القهوه وجلست
ام محمد : والله يا ام ريماس جينا نخطب بنتك لولدنا محمد ولا حنا دارين عن سوايا بنتك بس وش نسوي اصر محمد انه يبيها انكسرت ريماس من الكلام السام الي تلاقيه من اهلها ولا من اعمامها ردت ام ريماس : احنا موافقين
انصدمت ريماس ان امها بايعتها بسهوله وتكلمت ام محمد : كويس وترا حنا مستعجلين بنخلي عقد القران مع الملكه وبتكون الاسبوع الجاي و الزواج بعدها بسبوعين
