قبل ماتبدون سمو بالله { بسم اللّه }
يوم الزواج ~ ٠٠ : ١٢ ظهر
قامو البنات مرهقات من احداث امس وراحو صلو عند العيال الي بعد قامو راحو المسجد والحريم الي قد صلو وجلسو مع القهوه و الشاهي و الفطور البسيط و الجميل و الاجواء المتواضعه و فرشو فطورهم في الحوش و فطور العيال في المجلس
رجعو العيال و راحو للمجلس دخل نمر و رمى نفسه و انسدح و تكى راسها على المركى و غمض عيونه وهو يحس بالمها وثقلها اما هالد الي هو بعد انسدح تثاوب بتعب وتثاوب وكمل نومه و دخل عندهم عمر وهو مطرود من منيرة و هارب من امه عشانها تبيه يصحى لاكن هرب عند العيال و انسدح جنب خالد ونام في حضن خالد
عند البنات الي مروقين و كل وحده تسوي حاجه الي تسوي الشكشوكه و الي تحضر الشاهي و القهوة في صينيه و الي تحمي الخبز بعد دقايق اجتمعو على السفره لفت منيره لنجلاء : نجولي حطيتي فطور العيال في صحن عشان تودينه لهم ؟
نجلاء بهدوء : اي حطيت الاكل في صحن بس ما وديته بروح ذلحين قامت بهدوء ولفت تلبس شبشبها و ترجع خصلها ورا اذنها بنزعاج منها ودخلت المطبخ وتشيل الصحن و نزلته عند الباب و دقت الباب وحد رد دقت مره مرتين ثلاث استغربت وتبي تفتح الباب توقعت باقي ما جو جت تبي تحط يدها على مقبض الباب و فتح في نفس الوقت نمر وهو يفرك عيونه بنزعاج و سكتت نجلاء و نمر فتح عيونه وانصدم من وجودها وقال : وش تسوين هنا
نجلاء بخجل : جبت الفطور افطرو دقيت الباب محد رد توقعت ماجيتو باقي
نمر وهو يشيل الصحن ويناظرها : تسلمين
نجلاء : بالعافيه عليكم
ابتسم نمر وراحت نجلاء و نمر دخل ونزل الصحن ودف خالد برجله وهو يصحيه : ورع قم الفطور
قام خالد بنزعاج و استقام وتربع و قوم عمر و عمر قام وثواني سدح راسه على حضن خالد وبدو يفطرون بصمت وكلو بسرعه و رجعو ينامون وهم منهلكين
عند البنات
ام نجلاء بتردد : يا بنات حبايبي احتمال معد نروح الزواج
لفو البنات بصدمه الي كان ودهم يروحون ولفت ام نمر : ايه بسبب الي صار امس اتوقع كلكم تعبانين
البنات لفو يناظرون نجلاء عشان تحاول فيهم وهم ودها تنقذهم نجلاء رفعت راسها بحده : وليش ما نروح ان شاء الله خلونا نروح ننبسط وتراني بخير
ام نمر بشك : متاكده يابنتي احسك تعبانه
نجلاء الي كانت مرهقه بس كلام نمر امس داوها وخلها بخير و ابتسمت وضحكت نجلاء : انا اتعب وانا بنت ثامر اقول خلونا نروح ونستانس والبنات قد تقضو كان ( معناها خلاص بالجنوبي ) بس باقي نروح
لفو البنات وهم يحاولون في ام نمر و ام نجلاء الي بعدها وافقو وقررو يمشون بعد المغرب
وبدو البنات يتجهزون ومبسوطين راحو قمر و ربى لغرفة نجلاء فتحت قمر الباب : بنات وين فستانيكم لفت خلا الي حالسه على طرف سرير نجلاء و اخذت فستانها و فستان نجلاء ومدته لهم : خذو
اخذوها وراحو يكونها وقفت قمر الي تناظر ربى الي تكوي
نورة الي جالسه مع نمر وتكلم نمر : يا امي خلي البنات يجوني
نورة نغزه قلبها خافت انه يتهاوش معهم : وش تبي منهم
نمر وهو يعدل ياقته : ابي اكلمهم في حاجه
نوره وهي تقوم : طيب طلعت وراحه لغرفة نجلاء و نادت حلا وراحت حلا معها و نادو معهم قمر و ربى قبل مايدخلون واقفين عند الباب و خايفين
حلا بتوتر وهي ماسكه يدها : يمهه بنات تلقونه يبغى يهزأنا عشان امس
قمر وهي تحاول تخفف توترهم : لا معليكم مابيسوي شي امي معنا
نورة الي هزت راسها وفتحت الباب
نمر الي كان يسمعهم وحس بخيبة امل من خواته انهم يخافون منه لذي الدرجه
نمر الي بدء يتنحنح ورفع راسه : بنات انا اسف عشاني رفعت صوتي عليكم امس وادري اني غلطان وقعد يحب راسهم اما البنات قعدو يناظرون بعض وصدومين لان مو من عوايد نمر يحب روسهم ويعتذر بذي الطريقه الحنونه و اللطيفه
ربى : عادي يا رجال معذور لان ندري انك كنت خايف علينا
وردو البنات بنفس الكلام و ابتسم نمر وقال : الا اقول كيف نجلاء عساها بخير
قمر باستغراب من سواله : ايه تخيل نفسيتها ماكان صار شي اليوم وفرحانه وحيويه اكثر
البنات الي هزو راسهم بسستغراب و يأكدون كلام قمر
نمر : حلو الحمدالله وانفجع من نظرات حلا
لف عليها نمر : وشبش
حلا : ولا شي مغير اعاين
راحو بعدها البنات ما بقى الا نمر و حلا
سحبها نمر ومسكها من زندها بشويش : وشبش تعاينين فيني كذا
حلا وهي تغمز : نمر انت وش سويت لنجلاء وضعكم مشكوك فيه
نمر وهو يبتسم : ابد والله اعطيتها كم كلمه
وضربته حلا وهي تنط وتغمز : امانه امانه وش قلت
نمر وهو يضحك وقالها الكلام الي قالته نجلاء والكلام الي قاله
حلا : والله ماطلعت هينه ذي النجلاء بس..
سكتت حلا ونزلت راسها بحزن
نمر الي انفجع : وشبش
حلا : مو ملاحظ شي من الكلام الي قالته
نمر : مثل ؟!
حلا : انك جارحها
نمر فكها وهو يناظر : وش دراك
حلا الي تكتفت : من الشعر الي قالته لك
نمر الي مو فاهم : كيف يعني مافهمت
حلا : الكلام الي قالته في ابيات الشعر عباره انها كانت مجروحه لان مره سالتك ام نجلاء هل في بالك احد وانت رديت ب الله و اعلم قعدتو تضحكون وقعدت تقول كلام ومدري وش وهنا انجرحت نجلاء وحست انها مو في بالك
نمر الي انصدم ماتوقع انه جرحها بدون قصد
حلا وهي تدقه بكتفه وتبتسم : بس لو تدري انك داويتها بكلامك
وقفت وهي حاطها يدها على كتفه وتقول : يا نمر الانثى لما الشخص العزيز عليها يقول الكلام الي هي ودها يقول ذا الكلام يطلع من لسان الشخص الي تبيه تنسى كل المواجع الي تسبب فيها
الشخص انت لو تشوف كيف كلمتك غيرتها في ساعات
نمر وهو عاقد حواجبه : تهقين نست
حلا : اي وترا انا مو بس اقصد ذاك الموقف بس الي يحب من طرف واحد يانمر ترا يوجع
راحت حلا تخلي نمر يفكر على راحته وتوجهت للبنات البنات الي استغربو جيتها : وشبك يا حلا تاخرتي
حلا : نمر كان يبغاني في موضوع
وغيرو الموضوع بدءُ البنات يتجهزون وكل وحده لبست لبسها وكل وحده توري البنات فستانها بدور وجا دور نجلاء ودخلت عليهم وشهقو من جمال البس و وجمالها الي كانت لابس فستان اسود طويل وضيق وظهره مفتوح وعليه سلسله من الؤلؤ وقعدو يمدحونها
حلا : ماشاالله على الجمال وبدو كلهم يمدحون ودخلو عليهم ام نمر وام نجلاء وانصدمو من جمالها و الكيف الفستان مناسبها وكيف رافعه شعرها بطريقه حلوه وطالعه تاخذ العقل
ام نمر : بسم الله عليك يا بنتي تاخذين العقل الله يحفظك وقعدو يمدحونها الين جا وقت انهم يمشون لزواج وتحركو
كانو منقسمين سيارتين السياره الاولى ام نجلاء و ام نمر و ربى و نجلاء والسياره الثانيه نمر و خالد و عمر و قمر وحلا و مشو الين وصلو ونزلت ربى اول وحده من السياره ونزل نمر وراها وبدو بعدها ينزلون الباقي
