وقف عند بقاله ونزل يشتري اغراض ورجع ركب وعطى جدته الاكل : تسلم يا بعد روحي
فهد : بالعافيه هيا كلي واذا تبين شي ثاني علميني
ام مسفر : طيب
شغل فهد المسجل على اغنيه لهيفاء وهبي وقام يرقص وهو يسوق ويهز كتفه يبي يونس ام مسفر بس ام مسفر تطالع فيه وتبوس يدها وتضحك وتقول : الله لا يبلانا الحمدلله على نعمت العقل
ضحك فهد من كل قلب : وش دعوه يا جده حطيت ذي الاغنيه عشانك
لفت ام مسفر : لا يحبيبي مو جوي المجاغه تيه
فهد نقص صوت المسجل : وش جوك
ام مسفر : حمدوي
لف فهد بستغراب : مين حمودي
ام مسفر : ابو نوره الله يدخل الجنه
صرخ فهد وقام يصفق بيده : يلبيييه يا جده والله انك ذويقه ابشري ذلحين احطلك اطلق اغنيه لابو نوره
ام مسفر ابتسمت : يلا اشوف
حط فهد اغنيه يا اجمل من الاخيله لمحمد عبده وجاء ها لبارت
ليه عمري ما لقى لبرده دفى إلا دفاك
ليه أنا عيني تشوف وما تشوف إلا بهاك
" يا أجمل من الأخيلة "
" هذا جواب الأسئلة"
كي تكوني في عيوني ومن حنيني
وبس فيني ومو بدوني مذهلة
وبدت ام مسفر تغني بصوت عالي وترقص بيدها و فهد يعزز لها و يغني معها كانت اجوائهم تجنن
عند اسر
نزل اسر من سيارته وشاف امل عند الباب تستقبله وركض اسر لها وحضنها وقام يحبها و امل بكت واسر لف عليها ويمسح دموعها : ليه ليه يابعد حيي انتس
امل : مدري مدري اشتقت لك
اسر : هيا لعد تبكين ولا ترا بزعل عليتس
امل الي بكت عشان شافت اختها في اسر الي كان نسخت امه مسك اسر يد امل ودخلو ودخل اسر الصاله و شاف جدته جالسه على جوالها ونادها اسر : يا جده
فزت ام صيته وصرخت وقامت تحضن اسر وهي تبكي وقام الكل يبكي و اسر تورط مكان يدري كيف يهديهم : خلاص برجع مدام انكم تسذا
ام صيته : لا لا اقعد بس تعال جنبي
اسر جلس جنب جدته وجدته ماسك يده و امل تصب القهوه لاسر
اسر : كيفكم وش علومكم
امل : معلينا بخير
اسر : كيفتس يا جده كيف الجيران
ام صيته : والله بخير معليهم والله فاقدينك ياقلبي انت
اسر : اسمعو انتو نمتو زين ؟
امل : اي نمنا زين ليه
اسر : هيا قمو البسو عبياتكم بنطلع نتمشى
امل : لا خلها وقت ثاني انت توك جاي من السفر اكيد تعبان
اسر الي كان نشيط ونايم زين : لا لا نمت زين و اصلا ما فيني نوم هيا قومو
