قبل ماتبدون سمو بالله { بسم الله }
خالد : ولد ولد قم
نمر الي بدا يفتح عين وبدا يفرك عينه وعدل جلسته : وجعاه خلاص قمت
دق خالد على امه : السلام يمه
ام نجلاء : وعليكم السلام وين قدكم ( وين وصلتو )
خالد : احنا عند محطة ابو *
ام نجلاء : طيب اسمعو احنا بنجيكم ونتقابل وبعدها نكمل الطريق مع بعض
خالد : تم يلا انا احتريكم ( انتظركم )
وصلت سيارة ام نجلاء وفتحت الطاقه وبعدها خالد فتح طاقته
ام نجلاء : وش قومكم كلكم نايمين
خالد الي لف على نمر ووجه منصد : ورع وجع ما قلت لك قم
فز نمر وهو متنرفز ومانتبه على ام نجلاء و امه : ياليل ابو الزقا.قه الحين انت ايش عندك وش عليك مني ياخي مانت زين اليوم يرحملي امك خلني
خالد الي منصدم وماسك الضحكه وناظره نمر وقال : الحين انا قلت شي يضح..
سكت نمر لما شاف خالد يرجع نفسه على ورا وشاف امه و ام نجلاء
ام نمر الي شوي وتطلع من الطاقه : وجع الا وجع قم قامت قيامتك وبدت تسب ولعنت خيره
فزو البنات من صراخهم الي كانو نايمين واستقامو ولا كانهم كانو نايمين وكانو ماسكين الضحكه
نمر وهو يحاول يسكت امه الي فضحتهم عند الناس و قدام نجلاء وخالد اما قمر متعوده كل يوم صراخ
نمر : امي انفدا وجهش خلاص امسحيها في وجه خالد
لف خالد منصدم وميت ضحك : وجع وانا وش علي منك
نمر الي كان يغمز و يمسح دقنه يترجاه خالد يسايسه : تكفى ذي مره
خالد لف ل ام نمر وهو يتائتأ في الكلام من ضحك : خ خلاص امسحيها في وجهي هو توه نام
ام نمر : ذي المره عشان بس خالد
ام نجلاء : وشبش يا خاله ترا كان نايم وش سوا المسكين قبيتي في وجهه
نمر : شفتي يا خاله
خالد : خلاص عاد امشو نمشي ترا بتغرب الشمس ولا بنلحق الغروب
وكملو طريقهم وفي نص الطريق نمر الي كان مغطي وجهه بالغتره من الاحراج
خالد الي حاول يلطف الجو : ولد ترا عادي تراك مو اول واحد تتهزا
قمر وهي تكتم الضحك : عادي وش دعوه ولا عشااان وهي شدت على كلمت عشان ولف عليها وهو متنرفز و لقا نجلاء نايمه ماهي حولهم وارتاح انها ماتسمعهم
وصلو ووقفو عند مكان جميل ورايق وبدو ينزلون الاغراض وظبطو جلستهم الي كانت حلوه وبسيطه وجلسو كلهم في نفس الجلسه ( اكيد مستغربين بس ترا عادي عندهم يجلسون مع بعض بس يكونون الحريم متغطين وهذا طبيعي عندهم )
كانت الاجواء بارد وحلوه وجلسو وبدو يسولفون كلهم بدت الشمس تغرب و كلهم وسكتو يتاملون المنظر
