ياخليل الدهر

١٢

الفجر الساعه ٤:٢٤

قام خالد من نومه  وهو يفكر من امس في وجه قمر وكيف كانت تشبه ملامح الغزال يعدها راح توضا وصحى نمر وراح يصلون وفي طريقهم للمسجد تكلم خالد : نمر

نمر بصوت مليان نوم : نعم

خالد : بكلمك في موضوع بس خلك واقعي معي

نمر : خير وش عندك

خالد : انتو عادي عندكم تخلون البنات يرحون مع السواق لحالهم و لا بعد يروح ويخليهم

نمر : عن نفس مو عادي وقد كلمت ابوي في ذا الموضوع وتضاربنا وقالي مالك شغل في تربيتي في بناتي 

خالد : لا يحبيبي ماتخاف يتعرض لخواتك ولا شي وشبك يا نمر خبري منت كذا

نمر نزل راسه وهو منحرج ان واحد اصغر منه يعلمه الصح : مدري وش اقول بس كلامك كله صح ومعليك بكلم ابوي

خالد : انا الي بكلمه مو انت انا الي بكلمه وبعلم عمي انه غلط الي يسويه

نمر : لا يا ولد مايحتاج

خالد : مو تقول انت كلمته و تضاربتو خلاص انا بكلمه معليك بكلمه برواق وبستعمل اسلوبي الزين

ضحك نمر وقلد خالد بستهزاء : اسلوبي الزين انا كلمتك وانت بكيفك لو كرشك مالي دخل بعدين تجيني وتتشكَ

ضرب خالد كتف نمر : اقول تقلع بالله ذا كلام تقوله لضيفك

مسك نمر كتفه بالم : اي ضيف ياحبيبي بالله فيه ضيف يضرب الي مضيفه

حب خالد راس نمر : طيب طيب اسفين ياخلف جدي

نمر وهو متقرف : يعع مو لايق بس اعجبتني الكلمه خلف جدي

خالد : صدق انك ماتستهال مو عشانك عشان ماننطرد

نمر : افاا خلف جدي زعلان معليييك بوديك بعد الصلاه بوفيه هنا عليها اكل ماتنساه ليوم القيامه

نط خالد بفرح : الله تمم

لف خالد لقا شايب يناظره وهو ناقد عليه حط نمر يده على راسه وقال : اسفين غرير معليكم منه

لف خالد وهو منصدم : وجع خير قدام خلق ربي

ضحكو الناس من حركاتهم الي تضحك وعفويه ولو تقعد معهم ساعه وحده بتموت من الضحك وبتخلص دموعك

صلو وخلصو واتجهو للبوفيه

بيت ابو نجلاء

قامت نجلاء وهي شايله هم سالفة نمر وريماس بس ماهتمت مره ولبست ملابسها وراحت دوامها
في طريقها لدوامها وشغلت راشد الماجد غير الناس وكانت تردد
{ إنت غير الناس عندي إنت عندي شي كبير
كيف بصبر وانا شايف ناس من حولك كثير
وانا أحبك وأقولها لك كلمة خليها في بالك
أنا ماني أي عاشق أنا لما أعشق أغير
والله لما أعشق أغير
قلبي في إيدينك يا غالي بس خل بالك عليه
يا حبيبي هذا قلبي وانت أدرى الناس فيه
قلبي في إيدينك يا غالي بس خل بالك عليه }