سمو بالله { بسم الله }
بعد اسبوع من الحادثه رجعت ام نمر لديرتها ونجلاء بدا يتشفا كتفها اما رجلها باقي
عند ديرت نمر
قام نمر من نومه وفتح عيونه على ابوه الي كان فوق راسه
نمر : بسم الله وش قومك
ابو نمر : قم قم قامت قيامتك ابي اكلم
نمر : صاير شي ؟
ابو نمر : شي شي ياكلب اشياء مو بس شي تعال تعال
نمر قايم وهو مستغرب من ابوه وراح صلا و خلص وراح عند ابوه ولقها جالس في حوش بيتهم وجلس نمر
نمر : هاه يا يبه عطني علمك
ابو نمر : مالك يوم خطبت وحده غير بنت عمك
نمر : يبه كم مره اقول اني مابيها اتق الله فيني انا ما ابيها
ابو نمر : مو بكيفك وانا قد اعطيت اخوي كلمه ومابردها عشان سواد وجهك
نمر : باخذ نجلاء غصب
ابو نمر : اذا اخذتها مانك ولدي ولاني ابوك ولا تعرفني ولا اعرفك
نمر : ابوي لمتى لمتى وانت بس تتحكم فينا ولا خليتنا على راحتنا انا الي بتزوج ولا انت
ابو نمر الي اعطى نمر كف : قص يقص لسانك يا قليل التربيه صدق اني ما عرفت اربيك يبغالك تربيه من جديد
قام نمر وهو ماسك خده من الالم و يناظر ابوه بنظرات خذلان وقهر وراح وركب سيارته وراح للمكان الي كل مايتضايق يروح لمكانه المفضل
ام نمر شافت ابو نمر جالس في الحوش راحت له
ام نمر : وش قومك يا ابو نمر
ابو نمر : لعد تسميني ابو نمر ولدك ذا مايشرفني انه يكون ولدي
ام نمر الي عرفت انه كلمه : افا وشبك وليه مكدر خاطرك
ابو نمر : ولدك الخسيس الي سود وجهي ما يبي بنت عمه
ام نمر الي تبي نجلاء وماتبي بنت عم نمر لانها وحده غثيثه وام لسان : وانت ليش تبي نمر ياخذ وحده سمعتها معدومه ووحده ماتحترم الي اكبر منها و ماتعرف تطبخ ورفله و ماهي سنعه
ابو نمر : بنت اخوي مو كذا وانا قد اعطيت اخوي كلمه وماني راده
ام نمر : والله يا ابو نمر انا اعرف في البنات و الحريم اكثر منك بنت اخوك وحده كاشفه وراعيت طلعات واذا قعدت في البيت عليها نور و نمر مايحب الي كذا وانت تعرف نمر والله مايخليها في حالها و اخوك طبعا مايرضى في بنته كل ذا قامت ام نمر عشان تخلي ابو نمر يفكر
حس ابو نمر ان كلام ام نمر صح بس الي ماتدرونه انه ابو ريماس ( اخو ابو نمر الي يبي يزوج نمر لريماس ) قد سوا لابو نمر معروف وابو ريماس قال اذا تبي ترد لي المعروف زوج بنتي لنمر
وحس ابو نمر انه بيضلم ولده الوحيد
