سمُ بالله قبل ما تبدون تقرون 💗 ( سبحان - الحمدلله - الله أكبر )
فتحت عيونها بتعب من ليلة امس ولفت وللحظه نست انها تزوجت وبدت تصارخ وقامت من السرير وفز نمر وهو خايف على نجلاء وقام حضنها يهديها و يمسح على ظهرها الين هدت ونزل راسه وناظر عيونها : وش فيش
نجلاء : مدري بسم الله
نمر بحنيه : سمي وتعوذي من بليس عشان بنروح لبيت ابوي شفي الساعه كم
لفت نجلاء تشوف الساعه وشافت انها الساعه ٣ العصر
نجلاء : الساعه ٣ العصر
نمر فتح جواله و انفجع من كمية الاتصالات من امه وخواته وقام دق على ربى وردت وهي تبكي وبصوت يرتجف : الو نمر
نمر خاف : بنت وش قومكم فجرتو جوالي
ربى : اههخخ يا نمر تعال تكفى اللحق علينا
نمر وهو يلبس ثوبه ويصارخ : صاحي ابوي كيف كذا
نجلاء : عسى ما اشر عمتي فيها شي ؟!!
نمر : البسي عباتش و امشي
ولبست نجلاء وهي متوتره ومشو بسرعه وراحو لبيت ابو نمر
عند بيت ابو نمر
ريما : امي هدي اكيد نمر بيحلها معليك
ام نمر وهي تضرب صدرها وتبكي : بنتي بتروح مني وبدت تصارخ بـ بنتييي بتتروح منيي !!!
على صرخت ام نمر دخل نمر و وراه نجلاء و اول ماشافت نجلاء ام نمر وكضت لها تحضنها : بسم الله عليك يا عمه وشبك يا بعد روحي
ام نمر : اههه يا نجلاء الحقي عليي
نجلاء الي دمعت من منظر ام نمر : بسم الله عليك هدي لا يصير فيك شي جعلها فيني ولا فيك
ربى : بسم الله عليك يا نجلاء
لفت نجلاء على ربى : وش السالفة
ربى : شفتي بعد مارحتو انتي و نمر
نجلاء : ايهه !
ربى : كل المعازيم راحو ما بقى الا احنا يا العايله و كل واحد يسولف مع الثاني وكانو قمر و عمر و حلا نايمين في سيارة فهد وامي قالت لي نادي البنات عشان نمشي ودورت عليهم ولقيتهم نايمين اصلا نامو في سيارة فهد عشان كنا بنمشي متفرقين الا فجأة ابوي قال لا كل واحد مع عواله ورحت قلت لامي وابوي سمعنا و وراح لسيارة فهد وفتح الابواب وبدا يضرب في البنات بس حلا خلت قمر تهرب وهي اكلت كل الضرب يقول ابوي ليش نامت في سيارة الولد وقال ان فهد ناوي عليهم نيه شينه وفهد عصب من حقه وقام يقول اعرف كيف تربي بنتك كيف مخليها طالعه بدون عبايه قصده انه ضربها ضرب من الضرب طاحت العبايه و فعلا طاحت وقام صفق حلا و فهد كف وفهد انصدم وقف قدام حلا يبي يحميها من ابوي الله يسعده بس ابوي قال ليش تحميها ليكون و و الين تبرى من حلا بارده مبرده
