سمُ بالله قبل ما تبدون قراءة 💗💗 ( سبحان الله - الحمدلله - الله أكبر )
ابو مهرة : والله تو مانورت حايل ياخيي
ابو ريماس : بنورك يا بعد حيي
ابو بهاج : اسر قم صب قهوه لعمك
اسر : ابشر
قام اسر يصب القهوه و تيّم يوزع التمر و الحلى تكلم ابو ريماس و كل بعده سكت : اسر وش نحوك و نحو النياق معك
اسر : معليها يا عم
ابو ريماس : اظن انك عقلت ولا ؟
اسر نزل راسه بانحراج و مارد تدارك بهاج الموقف : ابشرك عقل و اصلا من زمان عاقل بس كان بزر مابوه عقل
اسر قام بنزعاج : استاذنكم
ابو بهاج : شنوح ( ليش ) يا ابو عبدالله
ابو ريماس : مابوه شين وش فيكم علي
عند اسر
راح للمزرعه الي كل ماتضايق راح لها جلس تحت نخله و تكى راسه على النخله و غمض عيونه وبدا يلحن و يقول :
ما عاد اقدر الصّده
من مده الى مده
صبريي واصلٍ حده
تكفين لا تنسيني
فتح عيونه وقربت منه صيته ( الناقه المفضله لانها باسم امه ) ومد اسر يده وحضنها لاكن فجاه يسمع صوت مهرة تضحك وقام يبي يروح لها وشاف ريماس طايحه و تبكي ركض لها وقرب منها : وش فيتس يا ريماس
مهرة : مدري بسم الله فجاه قامت تبكي
رفعت ريماس راسها وشافت اسر وقامت وهي تقول بغضب : لو باقي اشوفك قدامي يا كلب والله مايحصلك طيب وبعدت عنه وطلعت برا المزرعه
مهرة كانت مصدومه منها لانها ماتعرف شي و اسر الي عوره قلبه و كانه تكسر قطعه قطعه وقام ومسوي نفسه ماحصل شي وهو من داخل نار تغلي : مهرة روحي وراها وشفي وش فيها كان اسر عارف وش فيها بس مسوي غبي
هزت مهرة راسها بالإيجاب : طيب !
راحت مهرة و اسر راح لسيارته يبي يروح للبقاله وصل البقاله واخذ لريماس اكلها المفضل و لما كان يدفع تكلم حق الحساب : باقي تحبها
اسر بعصبيه : وانت وش عليك خلص شغلك و انت ساكت
خاف الرجال و اعطى اسر الكيس و اسر دفع و طلع ولقى في وجهه شياب جالسين على كراسي في الشارع ولما شافوه قامو يتهاهمسون وراح لهم
اسر بحده : فيه شي ؟!
واحد من الشياب : اييه سمعنا ابو ريماس جاء و جاب معه اهله
اسر : طيب وش يعني ؟!!
الشايب : جت الحب القديم ولااا
اسر بغضب : وانتم وش عليكم صدق شياب اخر زمن
صارخ شايب ثاني : اقوول انت والله لو ما تطس لاوريك شغلك والله ياعب*د ريماس
ماتحمل اسر وصفقه كف وتجمعو اهل الديره و منهم ابو بهاج و ابو ريماس و ابو تيّم و بهاج و تيّم معهم ركض بهاج مفجوع : وش فيكم عسى ما شر
