ياخليل الدهر

١٥

سمُ بالله قبل ماتبدون ( بسم الله ~ الحمد الله ~ سبحان ~ الله اكبر)
و كل عام وأنتم بخير عيدكم مبارك 💗☺️

نزل نمر و خالد ووراهم قمر وهي خايفه من ابوها لا يعصب عليها واتجه ابو نمر وهو معصب وخايف عليها ووقف في وجهه نمر : مافي شي يا يبه

ابو نمر : ولا كلمه و امشو ورا الخيمه نتفاهم

نمر : طيب

وكان خالد بيروح مع الرجال بس وقفه ابو نمر : وين رايح

خالد : بروح عند الرجال

ابو نمر : لا تعال ابي اكلمك حتى انت

وراح خالد وراهم الين راحو بعيد عن المخيم وبدا ابو نمر : علموني من اول شي عشان افهم

بدت قمر تتكلم : اول شي كنت جالسه عند البنات ومليت ورحت اطلب من نمر المفتاح بس رفض وحاولت بعدين وافق ورحت وبدون ما احس بعدت عن المخيم وبدا الظلام يجي وهنا خفت لاني ضيعت الطريق ودقيت على نمر وكان جوالي قرب يطفي ورد خالد على اخر لحظه وقلت له يساعدني وجاء ما قصر

لف ابو نمر على خالد : وانت علمني السالفه من عندك

خالد : شوف يا عم كان نمر مشغول مع الرجال وحتى انت وكان جوال نمر جنبي ودق فجاء وكنت بعطي نمر بس كان مره مشغول وانا رديت وطلعت قمر و كنت بعلمكم بس كنتو مشغولين مره رحت انا لها بس يوم جيت بدق على نمر اقله طلع جواله في جيبي بدون مدري وبعدها لقيت نمر في وجهي بس هاذا اللي عندي

هز ابو نمر راسه ولف لنمر : همم وانت كيف تعطي المفتاح لـ قمر بدون ما تقول لي

نمر : اسف حقك علي ما جا على بالي اعتذر

ابو نمر : تمام حصل خير اهم شي قمر بخير  المهم لا تبينون لاحد ان صار شي طيب

الكل : طيب

وكل واحد اتجه لطريقه وراح نمر بعيد شوي عن المكان ورفع جواله واتصل على نجلاء وهو متلهف لها

نمر : ارحبي

نجلاء : هلا والله يا روحي من زمان عنك ماتتصل ولا شي

نمر : والله ياني مشتاقلش مرهه

نجلاء : وانا بعد يا بعد روحي

نمر : كيفش وكيف الدوام

نجلاء : والله كويسين كالعاده الا انت علمني وش علومك

نمر : والله صار اكشن مو طبيعي

نجلاء : الله جويي حكيني

وبدا نمر يقولها المواقف الي صارت من الألف الى الياء
وردت نجلاء : الله وكبر ذا كله صار في ذي اليومين

نمر : تخيلي !

نجلاء : الا وش عند خالد مايرد على الاتصالات

نمر : والله خالد مشغول بس بقله يرد عليش