ياخليل الدهر

٢٧

السلام ادري ادري اني سحبت عليكم بس والله انشغلت وفي نفس الوقت كان شغفي طايح مرهه و اصلا افكر اكتب روايه ثانيه و اوقف عن ذي لاني احس ما زبطتها زين قولو لي اذا تبون اول لا و اعطوني افكار لان الصراحه عندي قصص كثيير و عارفه بتعجبكم بس ابي اخذ رايكم  و كتبت لكم بارت بسيط ان شاءالله يعجبكم و لا تنسوني من دعمكم

{ سبحانه ~ الحمدلله ~الله اكبر} 💗

في المدينه تحديدا حوش ام نجلاء
كان خالد جالس ومعه ثلاجه الشاهي و متكي على جواله ويدور في ذي البرامج وقطعه صوت دق باب وقام يفتح وطلعت قمر
قمر بخجل : سلام
خالد تكى على الباب : ياهلا و مسهلا من زمان عنك
ضحكت قمر : والله انت الي من زمان عنك كيف الجامعة معك
خالد : يووهه ذكرتيني الله يهديك في اختباري يوم الاحد
قمر : يلا ان شاءالله سهالات خالتي موجوده
خالد : ايه وش تبين
قمر : ابيها في موضوع وش تبي انت حاشر عمرك
خالد : الله الله وشفيك علي
قمر : مدري بس حسيت ودي احارشك
خالد : والله ذول الحريم عليهم حركات
قمر  : يوهه شكلك انت مطول و دفت خالد من الباب ودخلت
رفع خالد حواجبه و فتح عيونه بصدمه : وش بأمها ذي
« في حايل تحديدا سوق الديرة »
وهاج قفل سيارته ولف على مهرة : هيه ما ابيتس تتضايقين عشانهم
مهرة وهي باقي الدمعه في عيونها : بس شفت كيف صراخهم علي
بيان : سوري وهاج بس مهرة تراك قهرتيني
مهرة لفت بصدمه : وش سويت لتس
وهاج : خير وش عندتس على اختي
بيان وهي قامطه : هيه لا تفهمون غلط انا اقصد انك قهرتيني ليش ماصفقتيهم و طلعتي حرتك فيهم يعني توقعت ان عادي عندكم تكشفون على بعض
وهاج : هو عادي بس العيال مضغوطين انا اعرفهم بس معليك .. وحط يده على راس مهرة .. انا ببرد حرتتس فيهم
مهرة مسحت دموعها : صدز
وهاج : صدز هيا انزلو خذو الي تبون على حسابي
مهرة استغربت بس ماتبي تتكلم قدام بيان فا سكتت
ونزلو من السياره ولفت عليهم بيان : مهرة تعرفين وين دورات المياه
مهرة : ايه شفيها على اليمين
بيان : تم خلاص انا بروح و اذا خلصت جيتك
مهرة : تمام
وراحت بيان ومهرة لفت على وهاج : من وين لك الفلوس
وهاج  : بعطيتس من فلوسي
مهرة : خير انت تجمع فلوسك على السيارة الي تبيها
وهاج : مالتس دخل خذي الي تبين فلوسي ولا فلوستس
مهرة : وهاج بلا سماجه ما ابي اخذ فلوسك انت تعبت عشان تجمعها
وهاج : مالتس دخل خذي الي تبين فلوسي حلالتس يا بعد قلبي
مهرة نطت وحضنت وهاج : يوهه مدري كيف بعيش بدونك يا عزوتي
ابتسم وهاج ورد الحضن ومسح على ظهرها : هيا لعد تزعلين ترا ما احبتس وانتي زعلانه
مهرة : ابشر اصلا كيف ازعل و وهاج اخوي
وجاتهم بيان : هيا ؟
ركضت مهرة بسرعه لبيان و مسكت يدها : يلا
و اتجهو لمحل مكياج و بهاج قعد عند السياره ولاحظ سياره فخمه توقف بعيد و ذكر ربه في داخله ونزل راسه وقعد يتابع جواله ولحظات الا سمع صوت صراخ ورفع راسه وشاف عيال متجمعين على بنت وحط جواله في جيبه وركض لهم
عند البنات
بيان : مهرة شفي ذا مرهه حلو وش رايك تجربينه
مهرة : اممم مدري
بيان : تعالي تعالي
وبدت بيان تحط لمهرة الروج : واو واو واو
مهرة : كيف
بيان : خيااالل تعالي شوفي
وراحت مهرة للمرايه : الله اللون خيالي
بيان : شفتي كيف
مهرة لفت على الحرمه الي في المحل : بكم ذا
الحرمه : ٦٥
مهرة لفت على بيان : احس شوي غالي على وهاج
بيان : مين قالك بنستعمل فلوسه
مهرة بستغراب : كيف يعني مافهمت انا خليت فلوسي في البيت
بيان : انا بشتريه لك
مهرة رجعت الروج مكانه : لا مابي
بيان اخذت الروج : مو بكيفك ولفت على الكاشيره حاسبي ذا
مهرة : بيان بلا سماجه
بيان : هاذي هديه لك عشانك ونستيني في ذي الفتره
مهرة : يا روحي بس ماودي اكلف عليك
بيان : وش دعوه
عند وهاج
بدا يقرب وشاف بنت طايحه على الارض و ماسكه راسها وتصارخ وتبكي و حولينها مجموعه عيال
صرخ وهاج : خير خير وش عندك انت وياه
لف حاتم : يليل هاذا وش جابه
وهاج : اوهه طلعت انت
حاتم قرب من وهاج : وش تبي
وهاج : وش عندك انت وشلتك المخيسه مقربين من البنت
حاتم : وش دخلك تقرب لك
وهاج : ايه تقرب لي
حاتم : من فين
وهاج : بنت عمي يا وصخ وضربه وهاج بقس في وجه حاتم وحاتم ومسك خده بصدمه ولف على شلته وصرخ : وش تنتظرون وقربو العيال لوهاج وبدو يضربونه و وهاج حاول يدافع عن نفسه بس ماقدر العيال اكثر منه
و البنت قربت من وهاج وبدت تدف العيال وتصارخ : بعدو عنه يا معتوهين
حاتم ضحك : اهخخ يا ربي تدافعين عن ولد عمك ولف على العيال : وقفو ووقفو العيال عن الضرب و قرب حاتم من وهاج الي طايح على الارض : تحسبني غبي ما اعرف بنات عمك ترا اعرف انها ماتقرب لك
وهاج بالم : ماتعرف عمي ذا هو عايش برا
حاتم : اوهه حركات
لاحظ حاتم سيارة شرطه جايه فا قرب من وهاج و همس له: صح انك خربها علينا بس قابلنا ورا البقاله يلا يعيال انحشه
وهربو العيال و جات سيارة الشرطة
الشرطي : سلام
وهاج وهو يحاول يغطي وجهه عشان مايشك الشرطي : وعليكم السلام
الشرطي : وش صاير
وهاج : ولا شي بس كلمت واحد من اخوياي
الشرطي : اكيد
وهاج : اكيد
الشرطي : اجل سلام وراح و وقفت البنت تبي تتكلم بس مسكها وهاج من يدها : لا تدخلين
البنت : كيف ما اتدخل انت انضربت بسببي
وهاج : خلاص سكري الموضوع انتي بخير
البنت : بخير بس انت و مسكت خده ولف بهاج وبعد يدها
وهاج : لا تمسكيني
البنت : منجدك انت شايف وجهك كله دم و كدمات وقطع حديثهم صوت مهرة الي تنادي باسم وهاج وقام وهاج بتعب و مسكت البنت يده تحاول تساعده لاكن بعد عنها وهاج : انتبهي من ذول العيال و لعد تطلعين وانتي كاشفه ترا العيال هنا مهب زينين
وراح و ترك البنت مصدومه منه
عند مهرة الي شافت وهاج يمشي وهو يعرج و وجهه مليان دم وصرخت مهرة : وهااااججج
وركضت له ومسكته : وش فيك وصار لك
وهاج : ولا شي بس امشي
بيان : وهاج تقدر تسوق ؟
وهاج : ايه
بيان : اكيد ترا اعرف اسوق اذا تبيني اسوق عنك واضح انك ماتقدر
وهاج : اجل سوقي الله يسعدتس
بيان : هات المفتاح
وطلع وهاج المفتاح ورماه لها و ركبت بيان وشغلت السياره و مهرة تساعد وهاج و كان وهاج جاهل الي كانت تناظره من بعيد
في بيت ال ثنيان
كان جالسين ابو بهاج و ابو مهرة و ابو تيّم يسولفون في الحوش  و اسر طالع فوق النخله ينزل التمر و تيّم جالس يقرا كتاب و بهاج يساعد اسر و قاطعهم دخول سيارة ابو وهاج للحوش ونزلت مهرة و هي ماسكه يد وهاج وفز ابو وهاج وركض لهم : سلامات يا وليدي
مهرة وهي تبكي : يا ابوي رحنا السوق ورجعنا وشفت وهاج بذا المنظر و مو راضي يتكلم
تيّم من بعيد كان يسمعه صوت بكاء مهرة بس مو شايفها وكان متضايق من اللي سواه
اسر : بسم الله عليك وش صار لك
وهاج : ولا شي بس ابيك توديني غرفتك
اسر قرب و مسك يده : تعال تعال
وراحو وكانو يلحقونهم ابو وهاج و مهرة بس تكلم وهاج بالم : لحد يجي
وقف ابو وهاج بستغراب : وش صاير له
مهرة : مدري
وقف بهاج وقرب من عندهم : وش فيه ذا
ولفت مهرة و ناظرته من فوق لتحت وخزرته ودخلت البيت و وراها بيان
بهاج : وش فيها ذي بعد
تيّم : منجدك تسال نسيت وش مسوي
بهاج تذكر و ماتوقع ان مهرة تزعل بس قرر انه يكلمها بعدين
عند وهاج و اسر
كان جالس وهاج على السرير و اسر جنبه قاعد ينظف الدم و الجروح و بعد ما خلص مسك اسر كتف وهاج : وش صار علمني
وهاج وهو متوتر : شفت حاتم و اخوياه
اسر بخوف : وش فيه ليكون بيسويها مره ثانيه
وهاج : لا انا بعلمك
نرجع لزمن ورا قبل سنتين
في احدا الشوارع كانو جالسين وهاج و تيّم و مهرة ينتظرون اسر ياخذهم من الدوام و وقف حاتم قدامهم : وش جابكم هنا
تيّم : وش دخلك
حاتم : ذا مكاني
وهاج : مكتوب باسمك ما اشوف اسمك عليه
حاتم حط اصبعه في فمه و صفر و دقايق وتجمعو مجموعة عيال و وهاج تقدم و اخذ مهرة وراه و تيّم قاعد ماسك يد مهرة
تيّم : وش بتسوي
حاتم : انا اوريكم وش اسوي
وبدو العيال يضربون وهاج و تيّم و وتيّم دف مهرة عشان يحميها من العيال و مهرة طاحت بعيد و مهرة قامت و تركض وتروح البيت ركض تنادي احد من العيال اما وهاج و تيّم قعدو يدافعون عن نفسهم لاكن العيال كانو اكبر منهم
وهاج : وش تبي انت
حاتم : ابي اضربك
تيّم وهو يحاول يبعد العيال : وش مسوين لك حنا
حاتم : ولا شي بس اكرهكم لان ابائكم كانو بسبب طرد ابوي من عمله ( هاذا شي غير صحيح بس حصل سوء فهم و انطرد ابو حاتم )
وهاج : يا ابن الحلال مالنا دخل حنا
دقايق جاء بهاج يصارخ : هيهههه من انتم !!! يا كلاابب
وركضو العيال يهربون لانهم يخافون من بهاج
بعد ما راحو انسدو وهاج و تيّم من الضرب و ركض لهم بهاج : صار لكم شي
دقايق الا يشوفون مهرة جايه ومعاها عصا خشب و تصارخ وهي تبكي : ابعدو عن اخوانييي!!!!
ضحك بهاج : راحو العيال
و وقفت مهرة وشافت منظر وهاج و تيّم وبكت ونطت في حضنهم وتبكي و وهاج يحاول يسكتها و تيّم يمسح على ظهرها
مهرة : الله لا يوفقهم عوروكم
وهاج : مهرة خلاص مافينا شي
تيّم رفع مهرة و حط يده على خدها : والله ما فينا شي خلاص عاد بلا صياح
ومسحت مهرة دموعها : اكيد ما فيكم شي
كلهم : ايه
( معلومه كان حاتم يكره تيّم و وهاج و دايم يتضارب معهم وياذيهم و سبب لهم مشاكل كثير و احدها تم طرد وهاج و تيّم من اخر سنه ثنوي وطلع عنه اشاعات كثيره)
نرجع للحاضر
اسر بعصبيه بعد ما عرف الموضوع : الله يلعىْهم لا في دنيا ولا اخره حسبي الله انا اوريك فيه
وهاج بهدوء وتعب : خلاص فكنا من المشاكل
اسر : يصير خير
دخل عليهم تيّم جاء عشان يبي يكلم وهاج لاكن صدمه ردة فعل وهاج : اطلع برا
تيّم : وهاج اكسر الشر ودي بس تكلمك في موضوع
وهاج بعصبيه : ما ابي اكلمك طيب طس عن وجهي بسرعه
اسر : تعوذ من ابليس يا وهاج
وهاج : اي ابليس وهو قدامي تيّم اذا على بالك بسامحك على كلامك لمهرة فا احلم لان الي قلته انت و بهاج مو هين و مهرة متضايقه بسببك يا رخمه
تيّم : ترا ماله داعي ذا كله
صرخ وهاج بأقوا ماعنده : اجلل الي قلته لمهرة له داعي و يوم فشلتها و جرحتها له داعي و قسم بالله لو ما تذلف عن وجهي لأطاك
نزل تيّم راسه بحزن و طلع وفيه الغصه لان ولا واحد بالميه توقع انه يتضارب مع مهرة و وهاج الي يعتبرهم روحه و اكثر وطلع من البيت وركب السياره وراح
عند مهرة
كانت جالسه تحط حنا على شعرها و شعر عماتها و بيان جالسه تطالع فيهم و تسولف لهم بيان : كيف تتحملون ريحته ياختي
مهرة فديتتس يختي هاذا حب قلبي مقدر اعيش بدونه
بيان : اي واضح من شعرك ماشاءالله
ام بهاج : تبين نحط لتس
بيان : اي عادي
ام بهاج : اجل تعالي احط لتس
و قربت بيان وجلست قدام ام بهاج و فكت شعرها و بدت ام بهاج تحط لبيان الحنا
في بيت ام مسفر
كانت ام مسفر جالسه و تدهن شعرها و مشغله على احدا المسلسلات الهنديه القديمه
ودخل عليها فهد وفي يده اكياس : سلامم
ام مسفر : مرحبلي وشو ذا
فهد : اشياء لك
ام مسفر : وش أشيائه
جلس فهد وبدا يطلع الاغراض الي كانت حنا و سدر و عود و بخور و ارواب و زيوت وكلها على ذوق فهد
ام مسفر : يالبى قلبك وش ذي الاغراض الزينه
فهد : اعجبك انتظري بقي غرض لاكنه في السياره بروح اجيبه
وقام راح لسياره و جاه اتصال من فارس
فهد : هلا فارس
فارس وهو يبكي : فهد
فهد بخوف : وش فيه ولد فيكم شي
فارس : فارس امي
فهد بعصبيه : وش فيها
فارس : امي يا فهد تكفى اميي
فهد : تكلم وش فيها خالتي
فارس : امي في المستشفى و الدكاتره يقولون بتموت
فهد : هد هد خلاص جايكم جايكم
وركض فهد : امي انا بروح
ام مسفر : على وين
فهد : خالتي في المستشفى
ام مسفر : يالله سترك رح رح ستودعك الله
طلع فهد وهو يرتجف وخايف وركب سيارته وهو مسرع
« في المدينه تحديدا »
عند نمر و نجلاء
كان نمر منسدح وحاط راسه في حضن نجلاء في الصاله و ياكل ويتابع تلفزيون و نجلاء تلعب بشعر نمر و تكلم ام نمر
نجلاء : طيب متى تبين ذي العزيمه يا خالتي
ام نمر : ابيها ذا الاسبوع
نجلاء : اجل تم انا بجهز عمري من ذلحين
ام نمر : تمام انا بقفل سلمي لي على نمر
نجلاء : يوصل باي
ام نمر : باي
نجلاء : نمر خالتي تسلم عليك
نمر : الله يسلمها
نجلاء : هيه وش رايك نطلع نتمشى
نمر : تم يلا والله اني طفشان
في احد المجمعات
ماسك يدها بكل حب و مستمع لها بكل تركيز و حب نجلاء : حُبي
نمر : عيوني
نجلاء : اسمع تعال ندخل ذا المحل ( كان محل اغراض اطفال )
نمر ابتسم : تم
ودخلو وهم مستمتعين و ينتظرون طفلهم الصغير
نجلاء : وش رايك بذا
نمر يتأمل اللبس الي كان فستان وردي فاتح و ناعم جدا : اهخخ متى تجي او يجي
نجلاء : اسمع
نمر : هلا
نجلاء : بروح عند امي
نمر : ليش ؟
نجلاء : لا بس ابي اسلم عليها متجمعين هي و خالتي و بناتها
نمر : اجل هيا
وهم طالعين طلع في وجههم خالد
نمر : خالد
لف خالد الي كان فاهي : هلا هلاا ارحب
نمر : وش جابك هنا
خالد تنهد : اهخخ يا نمر تكفى خلهم يرحموني
ضحك نمر : منهم
خالد : امي و خالتي و بناتها
نمر : ليه عسى ما شر
ضحكت نجلاء : لا ياخي بس خالتي تبي تسوي عزيمه و مالقت الا خالد ترسله
ضحك نمر : بروحي عنك
خالد : مسوي حنون الا اقول امسك خواتك لا انفجر عليهم ( خالد يمون على نمر و خواته فا عادي هاذا الكلام بينهم )
نمر : اح اح وش مسوين لك خواتي
خالد : بالله عليك شفت احد يطلب فستان لونه قرمزي قدلي ساعه ادور له و مالقيته
نجلاء : اكيد انها حلا
خالد : ايه سبعاه
نمر : خلاص انا بكلمها بعدين و اخذها معي نتسوق
خالد : تسوي خير
نمر  : وين وجهتك بعدها
خالد : بروح عندهم اودي لهم الاغراض بعدين بروح عند واحد من اخوياي
نمر : اجل اسمع انا عندي شغله خذ نجلاء ودها معك هي تبي تروح لهم
خالد : تمام خذ راحتك
نمر قرب وحب خالد في خده : فديتك تسلم يا روحي
ابتسم خالد : يا بعد الدنيا والله لف خالد لنجلاء وشاف نجلاء مبققه عيونها
خالد : وش فيه بعد انتي يا الحامل
نجلاء :قدامي بعد
خالد : زوجك وش دخلني انا ورفع يده يدعي بتعب يااارببيي ارحمنيي منهم
نجلاء : اقول قدامي بسرعه
خالد : سمي
« في حايل »
في مكان فاضيي و مظلم مافيه الا مصدر ضوء واحد و جاي من احد البيوت
وهاج : هاه شفهم جو
حاتم : يا هلا
وهاج : بسرعه وش عندك
حاتم بسخريه : صدز انك رخمه جايب معك ذا و اشر على اسر
اسر رفع حواجبه من كميت التكبر : ذا ؟
حاتم : ايه ذا شعندك
اسر ضحك ضحكت شماته : والي معك ذول وش زينه يعني ؟
حاتم : مو شغلك
وهاج : وش تبي بسرعه
حاتم : ابي ٩ الاف ولا
وهاج ببرود  : ولا وش
حاتم طلع جواله وفتح على احد المقاطع : ولا شف ذا المقطع بينتشر كان القطع عن وهاج لما البنت مسكت خده و كان شكلهم يشكك الواحد وكلها بسبب زاوية التصوير
وهاج انصدم ورفع عيونه على حاتم : كيف تصورني تسذا
حاتم : والله بكيفي لو ما توصلني الفلوس والله ان ينتشر ذا المقطع في كل الديره و تعرف وش بتكون ردك فعل اعمامك و اهلك
اسر : هيه انت من سمحلك تصوره ويلا انشر المقطع وش بيصير يعني هاه
حاتم : ابشرر بكره تلقا المقطع منشور
وهاج مسك يد اسر بخوف و اسر شد عليه و همس له : لا تخاف معليك انا بتصرف
حاتم : انشر ولا ؟
اسر : انشر وراحو اسر و وهاج وتركو حاتم منصدم لاكن حاتم ما غير رأيه و بينشر المقطع
عند باب بيت ال ثنيان
اسر : ادخل البيت ولا تخلي احد يحس و لا يعرف
وهاج : وين رايح
اسر : المزرعه باخذ غرض نسيته
رفع وهاج يده يودع اسر : تم مع السلامه
وردها اسر : مع السلامه
في البيت ابو اسر القديم
فتح اسر باب البيت و و دخل لغرفته و فتح احد الدروج الي كان فيه خزنه و فتح اسر الخزنه و طلع منها مبلغ كبير الي كان من ابوه و كان محتفظ فيها عشان ريحت ابوه فيها لاكن اظطر ياخذها عشان مصلح وهاج و اخذه و قفل الخزنه وطلع وراح لبيت حاتم و دق الباب و طلع له العامل
العامل : ايش ابغا
اسر : نادلي حاتم
العامل : طيب
دقايق و جا حاتم وهو يضحك : هاه اشوف غيرت رايك
رما اسر الفلوس على صدر حاتم : خذ
حاتم مسك الفلوس و قعد يعدها ورفع راسه وهو يضحك : اعتبر المقطع انحذف
لف اسر بصمت وراح لبيت عمه غافل الي كان يناظره وهو مقهور الي كان وهاج الي لحقه و شاف كل شي و شد وهاج على يده : ماهقيتها يا اسر
وراح يركض لغرفته بدون مايشوفه اسر و فتح دولابه و اخذ حصالته و طلع وراح لبيت حاتم و قعد يضرب الباب
حاتم : خير خير
وهاج : هات الفلوس الي اعطاك اسر
حاتم : في احلامك
وهاج طلع حصالته وهو مقهور : خذ فلوسي و اعطني فلوس اسر
حاتم : كم فيها اخاف تنصب علي
وهاج : فيها ١٠ الاف
حاتم انصدم من المبلغ و اخذها و رما لوهاج فلوس اسر
راح وهاج وهو محترق على فلوسه الي كان يجمعها عشان سيارته وكان مغبون وراح لبيت ابوه ودخل لبيت الشعر الي كان جالس اسر و بهاج و تيّم فيه
وهاج بوجه باهت : خذ ورمى الفلوس في حضن اسر
اسر استغرب : وش ذا
وهاج : وش تحس فيه تعطي حاتم فلوس من عندك عشان وانت مالك دخل
اسر وقف بعصبيه : مين قلك تاخذها منه !!
وهاج صرخ : ذي فلوسك الي اعطها لك عمي و انت بكل برود تعطيها كلب عشاني في ستين داهيه
اسر بعصبيه : مالك دخل فلوسي وحر فيها وش تبي
وهاج : ذي من ريحه عمي الله يرحمه
بهاج : شسالفه
وهاج علمهم السالفه كامله
تيّم بحده : نعمم وانتم اغبياء تعطونه فلوس ترا شرود والله لو صفقته بكى
بهاج : امش
وهاج : وين
بهاج : امش معي بدون نفس
ومسك بهاج يد وهاج و وطلعو لبيت حاتم و اسر و تيّم وراهم
بعد ما وصلو ضرب بهاج باب البيت بكل قوته
حاتم من ورا الباب : ياليل كم الازعاج طيب طيب
فتح حاتم انصدم من وجود بهاج الي كان اكبر مخاوفه
سحبه بهاج من ياقته : تاخذ فلوسنا بارده مبرده و تهدد وهاج يا كلب
حاتم بتوتر : وانت وش دخلك
لكمه بهاج بقس على وجهه : كل تراب ورح جب الفلوس بسرعه و جوالك
حاتم : تحلم
قرب تيّم منهم : ايش ايش عيد كلامك ما سمعت
حاتم : ف ي ا ح ل ا م ك م
رفسه تيّم في بطنه وبدا يضربه و قرب وهاج وطلع حرته و قامو يضربونه و صرخ حاتم : خلاص خلاص طيب بجيبها
ووقفو ضرب و قام حاتم بسرعه و بهاج قاعد ماسك الباب عشان ما يكذب عليهم
بعد دقايق جاب حاتم الفلوس و الجوال : خذ
اخذ بهاج الحصاله و رماها لوهاج و وهاج حضنها و بهاج اخذ الجوال و حذف الصوره و كل شي يخص وهاج ورمى له الجوال و بشماته : خسيس
وراحو وتركو حاتم
تيّم بعصبيه : من جدك معطيه حصالتك
وهاج : وش اسوي عشان فلوس اسر
بهاج : ليش تجمع فلوس وانت ماتحتاج
وهاج بضيق : ابي اشتري سياره و ابوي دايم يصرفني وكنت ابي اعتمد على نفسي
حط بهاج يده على كتف وهاج : كفو والله انك رجال
وهاج ابتسم
تيّم : هاه نقول تصالحنا
وهاج مارد و بهاج ضحك : السكوت علامه الرضا
« في المدينه تحديدا في احدا المستشفيات  »
كان فهد يركض و مايدري وين يروح لاكن شاف فارس و غيداء يبكون و قرب لهم : وش فيكم وش صار لخالتي
غيداء وهي تبكي : فهد اميي بتموت
قرب فهد وحضنها وهو يمسح على راسها : لا ان شاءلله بتقوم بالسلامة
غيداء قعدت تبكي بحضن فهد و فارس جالس على الارض وماسك راسه بعد دقايق الدكتور طلع : وين فهد
فهد : هنا
الدكتور : تعال المريضه تبيك
فهد : طيب
ودخل فهد وهو راحمها و ام فارس اول ما شافت فهد انهارت فهد بجفاف : هلا وش بغيتي
ام فارس : فهد تكفى يا فهد سامحني والله اني كنت طايشه والله اني اسف على كل شي سوته لك فهد بحنيه : مسامحك يا ام فارس انتي بحسبت امي ام فارس قربت و مسكت يد فهد : فهد عيالي امانه في رقبتك تكفى لا تخليهم و انتبه لهم يا فهد انا عندي مباني و شقق و عقارات وكلها كتبتها باسمك انت و الاولاد تكفى انتبه لحلالهم انا اثق فيك و اعرف انك كفو و سلم لي على امي و خواتي و اجدتك و اسف على كلامي الي قلته لك و على كل مره انجرحت فيها بس كان ابوك يحرقني و يقهرني بتصرفاته عشان بس يبين لي انه ما يحب عيالي نفسك وانا يا فهد كنت انقهر على عيالي الي كانو يفتقدون حنان الاب يا فهد ابيك تعوضهم على كل شي انا ما قدرت عليه
ماتحمل فهد و قرب و حضن ام فارس بكل قوته وقال بقهر : معليك هم في امان ولا تخافين عليهم وانا مسامحك و محللك و معذوره
و سمع فهد همس في اذنه يقول بتعب :  اشهد ان لا اله الا الله و اشهد ان محمد رسول الله
فهد تجمد و قام وشاف ام فارس بدون نفس و وتوقف نبضها دخل الدكتور عليهم و حاول يساعد ام فارس بس ماقدر و لف على فهد : عظم الله اجركم
فهد نمل جسمه وحس بشعور غريب و طلع لفارس و غيداء وهو ساكت و مصدوم و طلع وراه الدكتور و كرر كلمته صرخت غيداء : امممميييي
فارس : لاااا تككفييننن
مسكهم فهد و حضنهم الاثنين و قعد يهديهم : اذكرو الله اذكرو الله
غيداء : فهد يقول امي ماتت
فهد : والله سمعت
فارس : لا يا فهد تكفى مقد اعيش بدونها لا يا ربي لييش
فهد : تعوذ من ابليس مايجوز ذا الكلام
وطلع الدكتور جثه ام فارس و قربو كلهم عليها و رفعو عنها القماش  غيداء : امي لا تكفين الا هاذي يا امي والله مقدر ما اتحمل يا امي لاااا
فارس وهو ماسك خد امه : يا امي  يا امي تكفين
فهد : ادعولها برحمه
لف فارس على فهد : كله منك كل ذا بسببك كانت تحاول تكلمك و كانت تبيك تسامحها و كانت متضايقه دايم الين وصلت لذي المرحله
فهد انصدم : استغفر ربك يا فارس
فارس : حسبي الله بس
غيداء بصدمه و بكاء  : فهد اكيد ذا كله كذب صح
فهد هز راسه بنفي و طاحت غيداء على رجلها و فهد مسكها و انهارت غيداء زياده و فارس مغطي وجهه بالغتره و قاعد يبكي
بعد يوم < يوم العزاء >
في صالة الحريم
كان غيداء واقفه جسد بلا روح و ماكانت تتكلم وكانت جددتها بس هي الي ترد على الناس
دخلت نجلاء وشافت غيداء بوضع حزين مره وقربت منها وحضنتها : عظم الله أجرك
غيداء : اجرنا و اجرك
و ام نجلاء وراها وتعزيهم و من بعدها ام نمر و بناتها غيداء رفعت عيونها على قمر الي كانت متاثره و تذكرت كلامها لها لما ابوها طردها و بكت و شافتها قمر وراحت لها : تعوذي من ابليس يا غيداء هي راحت عند الي احسن مني ومنك
غيداء : حوبتش يا قمر حوبتش
قمر : استغفرالله وش ذا الكلام هاذا قدر الله هاذا الي ربي كاتبه لها وش قاعده تقولين
غيداء : سامحيني على الكلام الي قلته لش
قمر : مسامحتش يا روحي
عند الرجال
كان فارس يشوفهم وهو ساكت و فهد جنبه و قبل نزلو جثة امهم لف فهد على فارس : فارس تعالي ساعدني ننزلها
فارس : مقدر مقدر
فهد : الا تقدر ترا بتندم بعدين
ومسك فهد يد فارس و نزلو يساعدون الرجال ينزلون جنثة امهم و بدو يدفنونها و فارس منهار على كتف فهد و فهد ماسكه و حاضنه ويواسيه
بعد مرور ثلاث ايام العزاء
في صالة بيت جدة فارس و غيداء
كانت غيداء تشيل سفرة الفطور و فارس منسدح و يناظر السقف بصمت و جدتهم جالسه تقرا قران و دخل عليهم فهد : السلام عليكم
الكل : وعليكم السلام
و جلس فهد جنب فارس و غيداء دخلت عليهم : فهد تبي قهوه
فهد : لا ارتاحي بس ابي اكلمكم في موضوع تعالي اجلسي
جلست غيداء قدام فهد و فارس باقي منسدح و مو معهم
لف فهد على فارس ودقه : فروس قم
مارد و دقه فهد مره مرتين ثلاث و رابعه رد : هلا
فهد : وش فيك
فارس : لا بس كنت اهوجس
غيداء : وش موضوعك
فهد : جاي باخذكم معي
رفع فارس حواجبه : نعم
جدتهم : وش تقول انت
فهد : وش اقول كلامي واضح جاي اخذ غيداء و فارس
فارس : ومين قالك تعال خذنا
فهد بحده : امك
عم الصمت حولينهم وكمل كلامه فهد : يا فارس ترا انا مالي دخل في موت امك وترا سامحتها و اعتذرت لي و هي اخر من شافته انا و ترا وصتني عليكم وهي تبيكم تعيشون معي ومعليكم ما بقصر معاكم في شي و اي شي تبونه حاظر
غيداء ماتحملت : انا موافقه
فارس لف : مو منجدك
غيداء : معليش وصية امي ماراح اكسرها
فهد : فارس حبيبي وش فيك علي والله مالي دخل
ماتحمل فارس وقام يبكي بحرقه ويضرب صدره : اعرف مالك دخل بس ذي امي يا فهد تعرف وش يعني امي
قرب فهد وحضن فارس : والله اعرف عشان كذا انا ابي اخذكم عشان ماتزعل عليكم و علي
فارس : طيب مين يقعد مع جدتي
تكلمت جدته : معليك خالتك معي ولا تخاف روحو مع فهد بس لا تنسوني زوروني
فهد : اكيد وانا اولهم
ضحكت ام بيان و ضحك بعدها العيال وهذي اول مره يضحكون بدون نفس و كل واحد ضايق صدره
« في حايل تحديدا مزرعه ابو بهاج »
كانو بيان  و مهرة جالسين ومعهم حلاهم و قهوتهم و العيال في بيت الشعر و  الرجال طالعين و الحريم نايمات
في بيت الشعر
تيّم : ياعيال ما عرفتو وش المميز في اليوم
الكل : لا
تيّم : وهاج منجدك اختك يوم ميلادها اليوم و انت ناسي
وهاج حط يده على جبهته : اووهه والله نسيت
اسر : طيب وش رايكم نسوي لها مفاجأة
بهاج : تم بس وش نجيب لها
تيّم : انا اعرف وش نجيب لها
بهاج : وش
تيّم : مره قفطت البنات كانو يسولفون عن حاجه وش هييي يا ربي ناسي اها تذكرت رقص باليه مدري وش و كذا مره شفتهم يرقصون و واضح مهرة حبت الشغله ذي فا نجيب لها جزمه باليه
بهاج بحده : كيف شفتهم يرقصون
تيّم : يا متخلف شفت بيان تعلم مهرة الرقص ما شفتهم يرقصون يرقصون
بهاج : على بالي
اسر : طيب من فين نجيبها
تيّم ضحك بفخر : قد جبتها
وهاج : كيف جبتها
تيّم : والله كنت افكر قدلي اسبوع وش اجيب هديه لها عشان اعتذر لها و توافق مع يوم ميلادها فا طلبت لها من المواقع
وهاج ضرب كف يد تيّم بفخر : والله انك محزم ياولد العم
تيّم : بس مانبي بس هديه وحده لا بنروح نجيب لها هدايها على رقم عمرها
اسر غمز : من وين لك ذي الافكار
تيّم : تيك توك
بهاج : يسعد امه من برنامج
اسر : يلا يلا مشينا
وقامو العيال وهم خارجين شافو مهرة تحفر في التراب تحاول تجيب شي من التراب صفر وهاج : هيه وش فيتس
رفعت مهرة راسها: تعالو تعالو لقيت شي تعالي ساعدوني نجيبه بس ماقدرت اوصل له
ركضو العيال لها و قربو يناظرون و فعلا شافو صندوق
واضح انه قدييم جدا
بهاج : اف اف طلع عندنا كنوز
اسر : يا ولد ليكون سالفه كبيره
بهاج : شكله الا ولف على مهرة  الا يا مهرة كيف شفتيه
مهرة ماردت عليه و عرف بهاج انها باقي زعلانه
بهاج : وش دعوه تزعلين لتس شهر والله لو انتس بعير حتى بعير مو تسذا
ضحكو العيال اما مهرة باقي صامله قرب بهاج وحط يده على كتفها : افا تزعلين من اخوانتس انا اسف يا مهوري والله ما كان قصدي بس كنت مضغوط من سالفة بيان و متقروش
مهرة : وانا وش دخلني انظغط بطقاق الي يطقك انا وش علي
بهاج : طيب كيف بتسامحيني
مهرة : تجيبون لي طقم ذهب
كلهم صرخو وقالو : اوله وش طقم ذهب
مهرة : شفني قلت
بهاج : امم طيب شي ثاني يا الشيخه
مهرة : لا
تيّم : انا مايحتاج انا بعطيتس شي بيموتتس فرح
مهرة وهي تتمصخر عليه : انت اصلا وجه هدايها
تيّم : طايح من عينتس لذي الدرجه
مهرة : ايه
وقعدو العيال يضحكون
اسر : اقول اسمعو بنجيب شيخ عشان يفتحه اخاف يكون سحر
مهرة : كلامك صح
و الكل اتفق على كلام اسر
بهاج : بس هاه لحد يدري غيرنا عشان يمكن يكون فلوس ونتقاسمها
اسر : منجدك انت
بهاج : والله اني صادق
تيّم : اهينك و التفكير
اسر : لا يمكن سالفه كبيره لان مستحيل عماني يحطون فلوسهم هنا هم حاطينها في البنك
وهاج : ترا صادق اسر يمكن ذا لجدي ووراه قصه ...
يتبع...🔥🔥