سلامم ان شاءالله يعجبكم البارت هاذي المره البارت طويل
شغل تيّم السيارة و ركب ابو بهاج وقفل الباب على طلعت مهرة وهي لابسه عبايتها استغرب ابو بهاج : وش جابتس
تيّم : ريماس في حمامات الحريم مانقدر ندخل وناخذها عشان كذا جبت مهرة
ركبت مهرة و معها سندوتشات ومدت يدها لتيّم وهي تتنفس بسرعه : خذ
تيّم : وش ذا
مهرة : سندوتشات سويتها لك عشان ما افطرت يلا بسرعه كل شفني سويت الي تحبها
ابتسم تيّم و اخذها : تسلمين
مهرة : بالعافيه ومدت يدها لابو بهاج : هك يا عم
ابو بهاج : شكرا بس هاه بدون بهارات
مهرة : بدون بهارات على الي تحبها
تيّم : يلا يلا تاخرنا
وشغل السياره و تحركو بسرعه
في المدينه تحديدا بيت ابو نجلاء
كانو جالسين ام نمر و ام نجلاء و خالد في الحوش ومسوين لهم شاهي مع بسكوت شاهي كان خالد جالس على الجوال وياكل بسكوت ويغمسه بشاهي و ام نمر ام نجلاء يسولفون
ام نمر : اسمعي منيره
ام نجلاء : سمي يا خاله
ام نمر : ابيش تدورين لنا استراحه
ام نجلاء : عشان وش
ام نمر : ابي اسوي عزيمه لنجلاء عشانها حامل وفي نفس الوقت ودي اعزم ناس من زمان ماشفتهم و احبهم
ام نجلاء : تبشرين من عيوني استأجر لك احلى استراحه
ام نمر : الله لا يحرمني منش
لفت ام نجلاء على خالد : خلّود
خالد : لبيه يا امي
ام نجلاء : اسمع ابيك في موضوع
خالد : طيب يلا
ام نجلاء : لا مو ذلحين في العصر بكلمك
خالد : براحتك
في حايل تحديدا عند ريماس
كانت ترتجف وتبكي بصمت بس وقفها اتصال تيّم : هاه تيّم
ابو بهاج : انا عمتس يا بنيتي وينتس بظبط عشان ناخذتس
ريماس الي انهارت لما سمعت صوت عمها : عمييي تكفى لا تخليني والله مالي الا الله ثم انتم تكفون سهم بيذبحني
تكلمت مهرة وهي معصبه : معليتس منه الخسيس والله لعلمه شغله كان سوا فيتس تسذا
لف تيّم : لا يا شيخه اهجدي لا اكسر راستس
هجدت مهرة : ابشر
تيّم : اسمعيني زيين ابيتس تروحين تشوفين اذا سهم موجود اذا موجود اقعدي مكانتس اذا مو موجود اهربي و انزلي للستقبال طيب بدوون مايشوفتس
