ورجع خالد مع اهله ومرت الايام فيهم ودق خالد يوم من الايام على نمر الساعه اربعه الفجر بعدما قوة علاقتهم مرهه وصارو زي الاخوان
نمر : هلا هلا ارحب وش بغيت
خالد : متى بتجون
نمر : بكره ليش
خالد : لا بس حبيت اسال
نمر : عسى ماشر فيه شي
خالد : لا يولد حبيت اسولف معك بس
نمر : خرعتني الله يصلحك
وبدو يسولفون ويضحكون قامت قمر من ضحك نمر وازعاجه وراحت قمر وهي معها مخدتها ورمتها على نمر وهي تصارخ
قمر : وجعاه الا وجعاه
نمر : قصري صوتك قاعده اكلم
قمر : انت الي قصر صوتك ازعتني الله يزعجك متى بتتزوج و تنقلع تسكن لوحدك
تكلم خالد : قريب لا تستعجلون
وضحك نمر بقوه وخذت قمر جواله نمر ورمته انا لا اتكلم ماتضحك ابي النام الله يزعجكم
نمر صارخ عليها : الجواال !!
وبدو يتضاربون ونمر سحب شعر قمر و قمر نطت على وعضت كتف نمر بكل قوتها وصارخ نمر بقوه : اهعع كتفيي اسف والله اسف بس ابعدي
قمر : اوريك عشان ماتزعجني انت و الكلب خالد وشدت على العضه اقوى
وصحو البيت كله من ازعاهم وصارخ ابو نمر : خير خير وين عايشين يعني الواحد ماينام في ذا البيت
قمر : شف ولدك من يكلم تالي اليل ويضحك وازعجني وقمت من ازعاجه
ابو نمر وهو يغمز : اييه من يكلم اجل من غيرها
نمر : لا تفهمون غلط خالد كنت اسولف معه و ذي تجي وتاخذ جوالي وترميه وكسرته
ام نمر : خلاص حصل خير
نمر : لا ما حصل خير جوالي خرب واذا صلحته بياخذ وقت وحنا بكره مسافرين
ابو نمر : خلاص خذ جوالها وحط شريحتك في الجوال وهي تطلع شريحتها
قمر : خير خير وين عايشين
ابو نمر : مو انتي كاسره جواله اجل اصبري الين نكتب كتابه بعدين بنرجعه لك
طلعت قمر وهي معصبه وزعلانه والكل رجع لغرفته ونام الا نمر قعد منسدح على سريره يفكر الين نام
وقامو كلمهم وقامو تعبانين ومرهقين ومحد طايق الثاني وتجهزو على السريع وركبو السياره ومشو تكلمت حلا : نمر عادي توقف ابي دورت المياه
نمر : ضروري ؟
حلا : ايه
ووقف نمر وراحت حلا دورة المياه ورجعت وكملو طريقهم و وصلو العصر واستقبلهم خالد وجنبه فهد وطاحت عيون حلا في فهد وهي تفكر ( هل صدق ذا فهد الي اعرفه والله طالع مز ) وفهد حس فيها بس ما اعطاها اهميه ودخل وراحو الحريم ومن عند باب الحريم ودقو الجرس وفتحت لهم اخت فهد غيداء وسلمت عليهم واستقبلتهم وجلسو الحريم وبدو يسولفون وغيداء تصب لهم القهوه
