سمُ قبل ما تبدون قراءة 💞( سبحان - الحمدلله - الله أكبر )
٢٠
يسوق سيارته وهو مروق ويشرب كوب شاهي محبوك و مشغل شيلات ويردد وراها ومروق وبعد سواقه ساعتين وقف عند بر و بدا ينزل العزبه و يرتبها بعد مارتب المكان بدا يشغل النار نزل الحطب من السياره وولعها لبس فروته وجلس وكان الجو بارد جدا بس كان منظر النجوم و القمر مغطي على الجو وبدا يقول :
ماتدري ان الزمن عيا
يجمع قلبي مع احبابه
شفت القدر و اسمه هنيا
دمعه على جفني و اهدابه
وبدا يحرك يده ويلعب بتراب ويهوجس لف يبي يسوي شاهي وطلع البراد و حط ملعقتين سكر وحط مويه و حطها على النار وخلا المويه الين تغلي وبعد ما غلت حط ثلاث اكياس شاهي وغطا عليها اربع دقايق ( جربوها على ضمانتي والله بتعجبكم 😅 ) وخلصت الأربع دقايق و اخذ الفنجال وصب شاهي وناظر لسماء وشاف صورت ريماس و ابتسم لاكن اختفت ابتسامته لمن تذكر انها ماتدانيه وبينهم عداوه من الي صار لهم في الماضي
نرجع لماضي ريماس و الشخص المجهول
نرجع لما كان عمر ريماس لما ٦ سنوات كانت جالسه في المشب وتطالع التلفزيون وهي مستانسه وفي يدها فشفاش وقاعده تاكل وتضحك على الكراتين ودخلو عيال عمها وقامو يسحبون الاكل منها ويضحكون عليها
وهاج : ياوك يال البزر تتابعين ذي الاشياء
لفت عليه ريماس وهي معصبه : مالكم شغل واعطوني الفشفاش و فارقو يلا
تيّم ضحك : ههههههه مع نفستس وش بتسوين هاه
ريماس : بعلم ابوي عليكم
بهاج : يا عمري عليتس والله انس تحزنين اصلا ابوتس لو شافتس هنيا والله ان يقطع العقال على ظهرتس
ريماس طلعت وهي تبكي و صقعت على صدر اسر ورفعت راسها : يوههه انقلع انت الثاني
مسكها اسر من اذنها : وش عندتس تنافخين وليش طالعه تبكين
ريماس وهي تحاول تفك يده : فكك اذني يالمعتوه
شهق اسر : ويشهووو !!
وبدا يضربها على راسها : كم مره اقلتس ماترفعين صوتس على الي اكبر منتس
شافهم عبدالله من بعيد وركض وسحب ريماس وراه وبدا يصارخ : وجع يوجعكم وش عندكم تضربون اختي
وهاج : والله اختك ذي يبيلها تأديب
عبدالله : ومن انت عشان تأدبها
قرب بهاج وضرب عبدالله و مسك لبس عبدالله ويرفعه : هيه انت يالبزر والله لو اشوفك انت و اختك لاوريكم شغلكم اي والله ما بقى الا المبزره ينافخون
طلع عبدالله و اخذ ريماس معه
نرجع للحاضر
اسر الي كان يتذكر الموقف وهو مقهور انه مد يده على ريماس
