بعد اسبوع
رجع اسر لحايل و فهد رجع وهو ام صيته لديرتهم و نمر و نجلاء رجعو لسعوديه و عبدالله و ربى بعد كم يوم بيسافرون
اما الي كان زي الموت على اسر ان زواج ريماس مابقى عليه الا يومين
في الحوش
كان قاعد اسر يساعد اعمامه في تجهيزات الزواج وهو يحس انه جسد بدون روح و كان بهاج يناظر اسر وهو حزين لمنظر اسر الي كانت عيونه ذابله و مغطيتها الهلات و لون البشره الباهته
ابو ريماس : وهاج و عبدالله تعالو
العيال : سم ياعم
ابو ريماس : روحو عند قسم الحريم وتاكدو اذا كل شي جاهز ومترتب
عبدالله : بخلي اسر يروح بدالي انا منشغل مع عمي ابو تيّم
وهاج : طيب رح انا بنادي اسر
وتفرقو وراح عبدالله يساعد عمه و وهاج راح لاسر الي كان توه جالس ياخذ بريك من الشغل : اسر تعال معي
اسر وهو يمسح جبهته : وش فيه
وهاج : عمي وصاني اشوف قسم الحريم فا تعال معي
قام اسر وراح مع وهاج
في قسم الحريم الي كانو يساعدون ريماس في اغراضها و ريماس تبكي بصمت
دخلو اسر و وهاج وطاحت عيون اسر في عيون ريماس لاكن اسر صد على طول وريماس ماتحملت وراحت لدورة المياه وانهارت و اسر الي حط يده على قلبه بالم ومسك كتف وهاج يحاول انه مايطيح
وهاج بخوف : ولد وش فيك بسم الله
اسر : مدري مدري قلبي يعورني
وهاج : سم بالله وتعال معي شكل الشغل اهلكك
اخذ وهاج اسر وجلسه على الكرسي
اسر بصوت مبحوح : ناد ربى
وهاج : طيب
وراح وهاج ينادي ربى ووقف عند باب الصاله وهو ينادي بصوت عالي : يا ربى ربى
ربى جات وهي مستعجله : هاه وش فيه
وهاج : اسر يبيتس بسرعه الولد تعبان
ربى الي حطت الشيله على راسها وطلعت لاسر ( طبعا اسر اخو ربى من الرضاعه ام اسر رضعت ربى لسبب من الاسباب وبينها وبين اسر سنتين )
طلعت ربى وهي تركض ومسكت كتف اسر : بسم الله وش فيك
اسر الي يحب ربى حب مو طبيعي ومتعلق فيها ويعتبرها امه : ربى تعبان قلبي يعورني ابيتس توديني المستشفى
ربى وهي تقوم اسر : ياجعلها بروحي انا تعال معي
مسكت ربى اسر و اخذته معها وقامت تنادي لبهاج وجاء بهاج : وش فيكم ولف على اسر الي كان شكله يخوف : ولد وش فيك
