سمو بالله قلب ماتبدون { بسم الله }
عند الحريم دخلت ام نجلاء راحت عند نجلاء وهي فرحانه دخلت على نجلاء وهي على الجوال في الصاله
ام نجلاء : بنت تعالي بسرعه بسرعه
نجلاء وهي تقرب من امها ومستغربه : وشبك يا امي
ام نجلاء : ترا كلمنا ام سلطان انك ماتبغينه خلاص بس ترا فيه واحد خطبك
نجلاء وهي مستغربه وهي تدعي في داخلها انه نمر : مين
ام نجلاء وهي تغمز : نمر
نجلاء بصدمه الي جاها لاق فجاء : نمر نمر ماغيره
ام نجلاء : اي هو ماغيره
نجلاء وهي مستحيه : وانتو وش قلتو له
ام نجلاء الي حاسه ان بنتها تحب نمر ومن زمان بس ساكته : موافقين طبعا رجال ومتوظف وولد خالتي واعرفه زين رجال قد الكلمه بس باقي يجيب ابوه ويخطبون رسمي
نجلاء الي راحت الغرفه وهي مستانسه وانسدحت على السرير وهي تهز نفسها مو بس نفسها الغرفه كامله اهتزت معها
دخلت عليها حلا وهي مستغربه من وضع نجلاء : بنت علامك وشبش كذا
نطت نجلاء وحضنت حلا بقوه وردت حلا الحضن بستغراب
نجلاء وهي ميته فرحه : تخيلي وش
حلا : وش
نجلاء : اول شي اهلي رفضو ام سلطان الي خطبتني و بعدهااا نمر خطبني واهلي وافقو بس باقي يجيب ابوك ويخطبون رسمي
حلا الي قاعده تنط هي فرحانه من كل قلبها بعدها قعدو يحضنون بعض وبعدها انتشر الخبر في كل البيت والكل فرحان لدرجه نسو عن موضوع المخيم
ركضت قمر لنجلاء و حلا : بنات اسرعو ماما وخاله منيره ( ام نجلاء ) يبغون يكلمونا عن المخيم
بعدها كلهم تجمعو في الصاله ام نجلاء : هاه يا بنات ان شاء الله انكم قد حجزتو المخيم
طالعو البنات في بعض نظرة المتورطين الي نسو من الموضوع وتكلمت ربى بتوتر : لا ما حجزنا نسينا ما المواقف الي صارت
ام نمر : خير نسيتو وجعها الا وجعها كنت مستانسه لاني بقابل خواتي في المخيم والمشكله قد كلمتهم
ام نجلاء : مدامكم باقي ماقد حجزتو وش رايكم نروح البحر وانتي ياخاله كلمي خلاتي ان المخيم تاجل
البنات الي كان ودهم في البحر وماكان ودهم يقابلو بنت في المخيم وبتعرفونها بعدين ووافقت ام نمر وكلمت خواتها واتفقو يخلون المخيم يوم ثاني
ام نمر : طيب وش رايكم نروح كلنا مع بعض مع العيال وعزيزه ( اخت ام نجلاء )
ام نجلاء : اي والله يكون احسن نجلاء روحي كلمي اخوك اذا يبغون يروحون معنا
