السلامم
اسف على التأخير الي صار كان بسبب اختبارات النهائيه و رجعت لكم رجع ان شاءالله تعجبكم المهم ابيكم ذلحين تستانسون بالبارت الطويل الي بتسهرون عليه بس يحتاج مع البارت شاهي وفصفص وتكمل قبل تبدون سمو بالله ( سبحان الله العظيم الله اكبر استغفرالله واتوب إليك)
.
.
٣٠
في قطر
طلعت شيهانه وهي حاطه الشال عليها وراحت لمكانها المفضل و الي يبعدها عن اصوات البشر جلست وحطت شالها خلف راسها و انسدحت و غمضت عيونها و اخذت نفس عميييق و كتمته وبعد فتره تزفرت و تذكرت كلام اختها و اخوها لها : اصلا انتي سبب موت امنا ... امنا احنا بس ... انتي حظ شين للعايله ... الله ياخذك ونفتك منك ونعيش براحه
بدت دموعها تنزل بصمت عضت شفايفها بقهر وغبنه ويأس وفتحت عيونها وناظرت لسماء وكانت جميله مغيمه ظلت تبكي وهي ساكته لفت جسمها للجهه اليمنى و حضنت رجولها وغمضت عيونها
.
.
ملاذ : رعد وش رايك نفر
رعد : قدام
براك : على ويين اهجدو بس
رعد : عم تكفى والله ما نطول
شاهين : لا بعد شوي بنطلع
شوق : امشو نطلع نمشي
وقامو ملاذ و رعد و شوق يتمشون
وهم يمشون
رعد : تتوقعون بيكون في عيال على قدنا ؟
ملاذ : ايه اكيد مستحيل
شوق : تخيلو القى حب حياتي
ملاذ : ويييع
رعد : امشو امشو بدال السواليف المخيسه ذي
ملاذ : وين
رعد : بنروح مطعم هنا اسطوري على ذوقي
ملاذ : لا لا مايعجبني ذوقك في الاكل
رعد : وتتشرطين بعد
شوق : امشو وانت ساكتين تراني جوعااانه
.
.
عند وهاج و غيداء
يمشون في اسياب المستشفى وهم ساكتين غيداء : اسف اذا ضايقتك في حركاتي ترا ماكنت حاسه على نفسي
وهاج : حصل خير
غيداء : ابي ارجع البيت
وهاج : طيب هيا
غيداء : لا مستحيل ارجع معك
وهاج عقد حواجبه : وليه؟
غيداء : اخواني بيفهمون غلط
وهاج : معليتس منهم اسحبي عليهم
غيداء : والله بيذبحوني
وهاج : اجل بدق رفع وهاج الجوال وظغط على اسم فهد و تنهد بخوف ورد فهد
فهد : هلا ارحب وهاج
وهاج : فيه احد جنبك انت وينك
فهد بستغراب : جنبي فارس في الحوش
وهاج : تعالو المستشفى
فهد بخوف : فيك شي احد فيه شي
وهاج : تعالو و اعلمكم و قفل فهد وهو خايف و متوتر وقام وركض ولحقه فارس وهو مو عارف وين رايح وركبو السياره
.
.
نزلو و بدو يمشون بسرعه وشافهم وهاج و اشر لهم من بعيد وراحو له بسرعه فارس : ولد شلي حاصل
وهاج : اسمعو ما ابيكم تعصبون وتفهمون غلط
فهد صرخ على وهاج : اهرج احد مات صح ؟
وهاج : فال الله ولا فالك
فارس : اجل وش
وقالهم وهاج كل شي بس ماقال تفاصيل الي مالها داعي ودخلو فهد وفارس على غيداء وصفقو الباب بقوه وطاحت عيونهم على غيداء الي حاضنه رجولها وتبكي قرب فارس : غيداء
رفعت راسها غيداء و اول ما شافت فارس انهارت بكي وحضنته و فارس رد لها الحضن اما فهد قام يغلي من العصبيه وكيف تركب مع رجال غريب قرب من غيداء و غيداء لفت كانت بتقرب من فهد لاكن وقفها كف فهد ومسكت خدها بصدمه و دموعها تنزل بسرعه
فارس : فهد !!
فهد وهو شاد على اسنانه : وين كنتي
غيداء الي تبكي بصمت وساكته وفاتحه فمها بالم
فهد صرخ : كيف شافك و عرف مكانك تكلمييي !!!
فارس مسك فهد الي كان يبي يهجم على غيداء : استهد بالله يا ولد
دخل عليهم وهاج من صوتهم : وش فيكم
لف فهد و فارس اشر له يطلع لانه عارف فهد مو فعقله ركض فهد لوهاج ولكم وهاج بوجه و شهقو فارس و غيداء و وهاج طاح على الارض وماسك وجهه ورافع راسه يناظر في فهد بصدمه : هاذي جزاتي
فهد : من سمحلك تاخذها بسيارتك
وهاج صرخ بعصبيه : وش يعني اتركها تموت ودمان حولينها
فهد مسك وهاج من ياقته وصرخ : مالك شغل كان ناديتنا يا كلب اصلا كيف عرفت مكانها يا واطي
وهاج دف فهد : اقول اقلب وجهك
فهد : انا اقلب وجهي
فارس وهو ماد يده بينهم : لا لا مايقصد
وهاج : بعد انت الا اقصد وش بتسوي
فهد هجم على وهاج وقام يضرب فيه الكل كان منصدم من تصرف فهد بس فهد تجيه فصلات و غيرته حاره فارس يحاول يبعدهم لاكن قام ينضرب معاهم
قامت غيداء بالقوه وطلعت تركض تنادي السكيورتي وجا السكيورتي ووقفهم و غيداء تناظر في وهاج الي فمه كله دم وحواجبه بعد وهو منزل راسه ومتكي نفسه بالباب و فهد ينتفس بسرعه ويناظر بحقد لوهاج و فارس واقف مع السكيورتي يفهمه الوضع
فهد لف على غيداء ومسكها من يدها : قدامي
غيداء بالم لان يدها تعورها : ايي ايي
فهد صرخ : انطمي ولا كلمه قدامي بسرعه !!!
فارس بعد ما فهم السكيورتي وراح لف على غيداء ومسكها بشويش ودف يد فهد : بعد البنت تعبانه
وراحو فارس و غيداء و فهد همس في اذن وهاج : والله لو تشوفك عيوني مره ثانيه معها مايحصلك طيب
وراح وترك وهاج وهو ينزف نزل وهاج ويجلس على ظهره وغطى عيونه بالم
.
.
عند ابو بهاج
ابو ريماس : تم
ابو بهاج : تم يومين وجايين
ابو ريماس : مع السلامه
قفل ابو بهاج وناظر العيال الي توهم جو من السفر وقامو الرجال يرحبون فيهم وجلسو كلهم في المجلس
اسر : يا عمي ترا حن مخبين عنكم شي بس ابيكم تروقون
ابو بهاج : تكلمو والله اني حاس سفرتكم ذي مالها وراها شي اسر قالهم السالفه كامله وكان الكل مصدوم مره و ماتوقعوها من ابوهم قاطعهم دخلو وهاج وشافهم ونزل راسها وطنشهم ودخل لغرفته
تيّم : وش فيهم
ابو وهاج : رح شف وشبه
قام تيّم ولحق وهاج ودخل عليه الغرفه وشافه منسدح على السرير ونايم
تيّم : ولد عسى ما شر وش بلاك
وهاج بتعب : اطلع
تيّم : ولد حاتم سوالك شي
وهاج : اطلع مالي خلق اكلم احد
تيّم : مع نفسك والله ما اطلع الين تتكلم
صرخ وهاج بقوه : قلت اطلع ماتفهم انت
انصدم تيّم وطلع وهو مصدوم
اما وهاج غطى نفسه وبدت عيونه تدمع لاكن مسح عيونه بقوه وبقهر : والله ماتنزلين
.
.
ابو تيّم : طيب هم متى قالو لك بيجون
بهاج : بكره العصر بيوصلون
ابو وهاج : اجل رتبو البيت و بيت الشعر و الملحق
اسر : ابشر
تيّم بشك : عمي وهاج متى طلع من البيت ووين راح
ابو وهاج : والله ما اعلم
اسر : ليه فيه شي
تيّم : مدري عنه الولد منفس جيت بكلمه نفخ فيني و طردني
اسر : معليك انا بكلمه قام اسر وراح لوهاج
.
.
في المطار
الكل كان طفشان وينتظرون رحلتهم بفارغ الصبر
ملاذ : هيه وش رايكم نروح ندور في المطار
رعد : قدام ولف رعد على تهاني الي شافها قاعده تكتب في دفتر وحاطه سماعتها : تهاني
رفعت تهاني راسها : هلا
رعد : تجين معنى بنروح نشتري قهوه
تهاني : لا ماني جايه بس جيبو لي معكم
رعد : تمام
وراحو ملاذ و رعد يتمشون
ملاذ : تخيل معي شكل الديره هناك وعاد اول مره اروح السعوديه
رعد : يارب فيه عيال فله هناك
ملاذ : اسمع تحدي
رعد بحماس : وش
ملاذ وهي تقوله الخطه ولف عليها رعد : وربي كفو
ملاذ : قابلني بعد المقهى على طول
رعد : تم
وتفرقو رعد و ملاذ وملاذ راحت لسيب ضيق يودي لحمامات الرجال و النساء و رعد راح يجلس في احدى كراسي المقاهي
جلست ملاذ تنتظر بندر يطلع من الحمامات وشافت باب الحمامات انفتح و تخبت ورا الجدار و اول ماطلع الشخص صرخت بحماس وهي على بالها انه بندر : بووو وتصقع في صدره ورفعت راسها وهي تضحك لاكن اختفت ابتسامتها لما شافت انه وجال غريب و الرجال ابتسم و بعدت ملاذ : المعذره على بالي واحد من اخواني
الرجال وهو كل ماله يقرب : وليه العتذار يا حلو وقرب ومسك خصرها و ملاذ تحاول تبعده لاكن كان اقوا منها وقرب يبي يبوس ثغرها
.
.
كان رعد ينتظرها لانهم اتفقو انها تجيه مع بندر لاكن طولت وراح لها و سمع صوت احد مكتوم وراح وشاف منظر ملاذ وراح للرجال وضربه ضرب و ملاذ جلست على الارض مصدومه لاكن وقفت بعصبيه و اخذت عصا وضربتها على راسه وبدت تضربه في كل مكان وضربته بين رجوله و الرجال صرخ بالم و مسكت شعره وهي تقول : مسوي نفسك ظريف يا جزمه ورفعت ركبتها وضربته على خشمه لفت على رعد الي كان منصدم من قوتها : فيه شي
رعد : لا بس يلا مشينا
راحت ملاذ و رعد وراها ولما طلعو من السيب رفع رعد جواله وشاف ابوه يدق : لبيه يبه
براك : وينك انت وملاذ يلا الرحلة بتروح علينا
رعد : يلا جايين
ملاذ : وش
رعد : اسمعي الي صار لايعرفون عنه احد فاهمه
ملاذ : طيب
رعد : هيا مشينا رحلتنا
.
.
حاضنه نفسها وتبكي وهي مغطيه نفسها بالبطانيه
دخلت عليها ام مسفر وجلست طرف السرير : وش سوالك فهد عشان كذا يعصب
غيداء من تحت البطانيه : والله يا امي ماسويت شي فجاه عصب وقام يضرب وهاج وضربني كف
ام مسفر قربت من غيداء وحضنتها : لعد تبكين و ترا فهد وده يتعذر منتس
غيداء : انا مسامحته بس وهاج يا امي كيف يسامحه وهو ساعدني من بنات الكلب ووداني المستشفى لولا الله ثم وهاج كان مت
دخل فهد عليها : وانتي وش دخلك منه وش مزعلك عليه لذي الدرجه هاه
ام مسفر : لاتفهم غلط بعد انت
غيداء وهي تصارخ وتبكي : وش في بالك اني احبه واني قعدت معه عشان كذا هو كان اول واحد شافني ولا وش في بالك علمني
فهد : مافي بالي شي
غيداء : اجل فارق مابي اشوف احد
طلع فهد بعصبيه و لحقته ام مسفر وهي تعاتبه
.
.
منسدح وهو يفكر بالي صار و وش قاعده تسوي غيداء ذلحين هل هي بخير ولا لا دخل عليه اسر وفتح النور وعدل جلسته وهاج وهو مغمض عيونه بنزعاج
اسر : وش صار علمني
وهاج : وش صار يعني ماصار شي
اسر : وش فيك متضايق وليش حاجبك وفمك منجرحين
وهاج تنهد : اسر
اسر وهو يقرب ويجلس على كرسي : وش تكمل
وهاج : الحين ليش دايم حظي رْق و افعالي و تصرفاتي و عيشتي و كل شي رْق
اسر بحده : وش ذا الكلام الحمدلله عيشتك افضل عيشه
وهاج وهو ماسك راسها ومتربع على السرير : يا اسر انا ياخي تعبت
اسر : من وش
وهاج : ابي سياره ابي اتوظف ابي اتزوج ابي اعيش حياتي خلاص ياخي تراني معد اتحمل لا دراسه خليتوني ادرس ولا سياره شريتولي ولا زواج زوجتوني
ضحك اسر : بالله عليك زعلان عشان كذا
وهاج : ايه قرر يكذب وهاج عشان محد يدري عن الي صار وتكبر السالفه
اسر : والله وش نسوي بس معليك انت اصبر خل الامور تستقر و تبشر بسياره
وهاج : ودراستي
اسر : والله هاذا الشي مستحيل تعرف الديره مافيها جامعات و عمي مستحيل يخليك تروح لوحدك
وهاج : ليه ليه مايخليني وش تراني مو بزر ولاني رايح عشان اصوع تراني رايح عشان ادرس
اسر : والله شيل الفكره من راسك مايمديها ابد
وهاج : طيب اطلع
اسر : نعم
وهاج : وش
اسر : تطردني ياقليل الخاتمه هاذا وانا جاي عشان اواسيك انت وهمومك البيض ذي
وهاج : غرفتي
قام اسر وهو يحلف و يسب وهاج وطلع وخلا الباب مفتوح و النور عشان يقهر وهاج و وهاج تنرفز وقام وهو معصب وقفل الباب بقوه لدرجه انكسر و كسر زر النور ورجع نام
.
.
من اليوم الثاني العصر
وصلو نهاود وعيالها
كان واقفين و مستقبلينهم الرجال و عيالهم
براك : سلام
ابو بهاج بحده : وعليكم السلام
همس بهاج لاسر : الله يستر
اسر : والله بيكون اسبوع اكشنن
ابو تيّم : تفضلو تفضلو
ودخلو وراحو الحريم لقسم الحريم و الرجال للمجلس
كان براك يناظر لبيت ابوه بقهر هاذا البيت الكبير حارمهم منه
قام اسر يقهويهم و بعد ماتقهو وبدو يتكلمون و سالفه تجر سالفه قام بندر : وين دورة المياه
اسر : برا خلف الخيمه
قام بندر وراح لدورة المياه ولحقه عبدالله
بندر وهو يهمس : وش جابك
عبدالله : يا ولد واضح جدي كان مغنيهم
بندر بقهر : ايه ماتشوف وجه عمي براك واضح انه مغبون من عيشتهم
عبدالله : الا عيالهم كبار و ماشاءالله عليهم بس والله اخاف على البنات منهم
مر من عنده وهاج وسمع كلامهم وقال بحده : لا تخافون عليهم عاد منزينهم وراح
بندر مسك راسه من الحراج : الله حسبي عليك سمعنا
عبدالله انصدم من جرائته وسكت ودخل الخيمه
.
.
عند الحريم
كانت شيهانة جالسه اخر المجلس وساكته وتطالع فيهم وتبتسم وقربت منها مياسن : هيه وش تهوجسين فيه
ناظرت لها شيهانه بشمئزاز : وش رايك تسكتين
مياسن : شيهانه ماشفتي عيالهم والله انهم مزز ماشاءالله كل واحد يقول الزين عندي بذات ذاك الي شعره طويل الي اسمه تيّم
شيهانه وهي تسمعها وماهمها : اقول وش رايك تذلفين تراك اقرفتيني
مياسن قامت وهي معصبه : وع كريهه
توق بحده : وش فيه
شيهانه : تمدح عيالهم الخفيفه
توق : وانتي وش قلتي
شيهانه : وش متوقعه
توق : مدري بس قلت يمكن يمكن
شيهانه الي حست انها بتتضارب مع توق قامت وراحت لمهرة : وين دورة المياه
مهرة وصلتها لدورة المياه وقفت شيهانه و ابتسمت بمكر وطلعت للحوش تراقب هل فيه احد وماشافت احد حطت عبايتها على راسها وطلعت وهي تراقب وراحت لسياره ابوها وشافت الصقر حقها و اخذته وهي تمسح عليه و راحت و شافت مزرعه و تحمست تروح لها طلعت جوالها وبدت تصور لصديقاتها مغامراتها الين دخلت مكان غريب وظلام طفت الجوال وهي تجلس تحت نخله وكان ضوء القمر قوي وجلست تناظر السماء وتفكر في امها وتتخيل شكلها و مسكت سداح ( الصقر حقها ) وبدت تمسح عليه وتبتسم نزلت عبايتها على كتفها وفكت طرحتها وطلعت شعرها الويفي العنابي و اخذت جوالها تصور نفسها مع سداح وتتدلع وهاذا الدلع الي ماكان يطلع لاحد ابدا الا مع نفسها و سداح
.
.
في المجلس
اشر ابو تيّم لتيّم يجيه : لبيه يبه
ابو تيّم : رح جب من المطبخ البلح وخل الحريم يسون قهوه ثانيه ذي قربت تخلص
تيّم : ابشر
وهو عند باب الخيمه يلبس نعوله لمح شي اسود يركض و جاه فضول وش هو وهو على باله جني طلع يلحق الشي هاذا وشاف انه داخل المزرعه هنا انفجع تيّم ليكون صدق جني لاكن الفضول قاتله ولحقه و تعثر وطاح على الارض وقام وشاف الشي اختفى ودخل يدور وشاف بنت جالسه وجنبها صقر وشعرها احمر عنابي انصدم من المنظر وفعلا كان علا باله جنيه وتكلم بينه وبين نفسه : وش ذي الجنيه المزه وقرب يبي يتاكد منها ولمى قرب شهقت شيهانه و تيّم فز وشافها انها ادميه ونزل راسه يقفي : المعذره
شيهانه سكتت من الخوف تيّم بستغراب : انتي من بنته ومن سمحلتس تدخلين مزرعتنا
شيهانه تجمدت لانها تستحي من الجنس الاخر وماردت ونزلت راسها واخذت طرحتها و حطتها على راسها وركضت رفع تيّم راسه بصدمه منهي ذي ووش جابها هنا
.
.
دخلت من الباب الخلفي وهي تتنفس بسرعه وحاطه يدها على قلبها وتدعي انه ما شافها زين
جاتها مهرة : هلا وش فيتس طولتي و ليش لابسه عبايه
شيهانه : هاه لا بس طلعت اجيب شي من سيارته ابوي
مهرة : خلاص تفضلي حضرنا العشا
شيهانه الي انسدت نفسها : لا شكرا شبعانه
مهرة وهي تمسكها من ظهرها : مو بكيفتس انتي جايه من مكان بعيد اكيد جوعانه
مشت معها شيهانه وجلست متوسطه توق و مياسن وجلست تهوجس في شكله وكيف على طول قفى وكان شكله مره حلو مسوي عصبه و شعره طالع من تحت الغتره وحاط نظارته في جيب الثوب و ابتسمت لإرادي ودقتها توق : هيه
شيهانه فزت : خير وجع فجعتيني
توق : كلي ترا بتجوعين اخر اليل ومايمديك تطلعين
شيهانه وهي تهمس لها في اذنها : لا مابي شبعانه وقامت تروح للمغاسل وقفت قدام المرايه وتتأمل نفسها و تتأمل فستانها الطويل الماسك الاسود و الاحمر الغامق رجعت شعرها لورا وتنهدت وهي تطلع روجها من شنطتها وتحطه على شفايفها وتدخل الروج وترجع تدخل المجلس وشافت بيان جالسه على جوالها راحت لها : بيان
بيان رفعت راسها : هلا
شيهانه : هذول الي كنتي عايشه معهم صح ؟
بيان : ايه ليه
شيهانه : كيف كانت الايام
بيان : افف يا شهوني ماتتخيلين كيف صدق كانت فله ومحد يقولك ليش سويتي كذا ولا ليش فعلتي كذا كنت ما انام الا اموت من الضحك من مهرة وحركاتها ولا لما اطلبهم شي يجيني في وقته ما يناطلون نفس عيالنا
شيهانه لفت : امم الا وش قاعده تسوين
بيان الي توترت : هاه لا ولا شي بس اكلم راما
شيهانه : تمام انا بقوم اجل
قامت شيهانه وجلست اخر المجلس و فتحت جوالها تناظر صورها والي صدمها كانت احدى الصور كان تيّم وراها واقف عورها قلبها و اخفت الصوره قبل ما احد يشوفها وتوترت لما شافت توق جايه وجلست جنبها لفت توق بستغراب : وش فيك
شيهانه : وش فيني مافيني شي يوه
توق وهي تكرم يدها : طيب هدي أعصابك وش فيك عصبتي
ملاذ وهي جايه وماسك بطنها : افف يا بنات وش ذي اللذاذه فاتك يا شيهانه
ماردت شيهانه وقعدت تناظر باقي الصور وتتامل سداح و ابتسمت
لفت توق وطلعت من شنطتها شي مغطى بمنديل ومدته لشيهانه : خذي
شيهانه : وش ذا
توق : لحم لسداح اعطيه ياكل
اخذت شيهانه المنديل وطلعت للحوش الخلفي وشافت سداح على احدى البلكات جلست جنبه وفكت البرقع ( الي يحطونه على راس الصقر يسمونه برقع ) و بدت تمسح عليه وتطلع اللحمه و اعطته وكانت تناظر حولها وشافت ولد جالس لوحده و استغربت لاكن ما اهتمت بعد ما خلصت غطت عيونه و رجعته مكانه و دخلت وشافت الكل مو موجود وسالت مهرة : وين البنات
مهرة : دخلو ينامون شفيهم نامو في ذي الغرفه
شيهانه : تمام شكرا
رجعت شيهانه و اخذت سداح و اخذته معها و دخلت على البنات الي كانو منسدحين يسولفون و انصدمت انهم رامينها على البلاط و ماعندها طراحه ولفت عليهم و اشرت على مكانها : هاذا مكاني ؟
توق : ايه خلصت الطراحات و كلن اخذ له وحده
شيهانه : انا اختك طيب ليش ماحجزتي لي
حبو البنات يغيرون الموضوع و يصرفون الموضوع عشان ماتصير مشكله وحطوها في راس سداح وبدو كلهم يصارخون شيهانه : وجع قصري صوتك انتي ويها خير وشو له الصراخ
شوق : طلعيه والله ترا تندمين
شيهانه : مع نفسك بينام جنبي انتي وش عليك
ملاذ : لا اسف يا شيهانه مافيه نخاف ترا
شيهانه : يمامي ترا ماياكل
توق بحده : طلعيه خلاص بلا عناد
شيهانه : ترا مو مسوي لكم شي يوه
مناير : الله يسعدك يا شيهانه انك تطلعينه
ليان بخوف ودلع : يماما تكفين خليها تطلعه وربي اخاف
تعقد وجه شيهانه بقرف ولفت على توق تبيها تتكلم وتوق تقولها تطلعه
شيهانه بعصبيه : اذا طلع سداح انا بطلع انام برا
نهاود بعصبيه : تنامين فين هاه الرجال و العيال برا وين ياقليلة الخاتمة
بشرى : ترا غرفة نوم مو غرفة حيوانات
اخذت شيهانه شنطتها و سداح في يدها الثانيه وطلعت تمشي للباب الخلفي وجلست على درج الباب وهي معصبه وفيها البكيه ( سداح متعود ينام مع شيهانه و شيهانه متعوده تنام مع سداح وماتحبه يبعد عنها ابدا وتخاف عليه بذات انها بين ناس غريبه وتخاف يهرب لانه مو متعود )
طلعت كراستها وبدت ترسم بعشوائية لاكن وقفت رسم وقلبت الصفحه الثانيه وطلعت صورة تيّم وبدت ترسم تيّم وشكله الي كان عاجبها
.
.
عند نجلاء و نمر
ماسك نجد ويلعبها وهي جنبه وماسكه يده وتسولف
نمر : هاه من زمان عن القصايد وش رايش تعطيني وحده لنجد
ابتسمت نجلاء : من عيوني كم عندي نجد وقربت وباست جبهتها بحب وعدلت جلستها : والله إنك أحن ما أملك بالحياه وجودك حتى فكرة وجودك حنونه يا وطن قلبي يا واحُد لو العُمر يِهدى كان أهديتها عمري
ناظر نمر في نجلاء وهي تلعب في شعر نجد و فاكه شعرها ولابسه فستان حرير خفيف بلون الكحلي نزل نجد لسريرها وقرب لنجلاء ومسك يدها : نجول
نجلاء ابتسمت : لبيه عيون نجول
نمر قرب وحب ثغرها ومسك اسفل راسها و نجلاء ماسكه وجهه وتشد عليه ...🌚
.
.
