((بسم الله الرحمان الرحيم))
نبدء...
بقصة جديد بقلم (رنيم كنان)
باحداث حقيقة وقوية وانشالله تنال اعجابكم اتمنة تنطوني رايكم بل بارت
-----------------------------------------------------------
الاسم: هاجر
صارلي تقريب الشهرين متزوجة
زواج تقليدي عمري 18 سنة
زوجي
اسمة: ادم
عمرة 20 سنة
.. عايش وية اهلة امة وابو واخواتة واخو بيت كلهم واني اهلي متوفين من واني زغيرة وخالتي اخذتني وربتني بيتهة كلش حبابة وتحبني واني هم احبهة لان عوضتني عن امي وصارت مكانهة الي ام هية معلمة تشتغل ومامزوجة وشغلهة هية خارج العراق بتركيا هناك تشتغل مترجمة
وكل ماصير عطلة تجي هنا للعراق وداكن تجيبني وياهة ونبقة هنا فوك الشهر نخلص الشهر كلة طلعات ونسات
وبعطلة من العطل اجينة للعراق وجانت عدهة صديقة هنا دوم تجيهة وهية الي خطبتني الواحد من كرايبهم وخالتي سالت علة الولد وكالو خوش ولد وبعد هية تثق بصديقتهة وتدري بيهة ماراح تجيب ياهو الجان
وافقت عليه واجو خطبوني ماجذب اذا اكول ماعجبني بلعكس كلش حبيتة وشكلة حلو ومرتب وحتة امة من اجت خطبتني مبين عليهة حبابة لان ماتحجي هواي واكثر وقتهة ساكتة
وزوجنة علة سنة الله ورسولة زواج تقليدي حتة موبايل فترة خطوبة ماجابولي حتة نتعرف كالو بعدين يجيب. وماعندة هسة وحنة ماعارضنة
وشهرين عايشة احلة عيشة
يباوع الحلكي كلشي اطلبة منة يجيب بدون اي تردد ومدللني دلال بس اكيد هاذ الدلال ماراح يدوم وية العمة والعيال
... كعدت الصبح ع صوت العصافير واكفات علة شباك وصوتهه واضح
كمت منعسة وافرك بعيوني من النعاس كفيت الحاف وكمت شفتة نايم وغاط بنومتة بتسمت واني اباوعلة
رموشة كثيفة وشعرة نازل علة وجهة ولحيتة لونهة مثل الفحم وكثيفة
حسيت كلبي دك من السعادة تقربت بهدوء ع خدة وبستة بخفة
باوعت للساعة بل 7 الة ربع ختفت بتسامتي بسرعة وكمت ع سريع لفيت روحي بل روب واني اتصنت باي ثانية راح يندك الباب
لان ابو مايقبل يبقة نايم فوك ال 7 لازم قبل ال7هوة كاعد حتة يطلع للشغل
لميت شعري ومسحت المكياج ع ميز ورحت امشي سريع وكفت يم الجرباية وخرت الغطة عنة
هاجر... ادددم اددم
كوووم شوف الساعة بيش كووم لا يكوم يصيح ابوك
ادم.. امممم
.. حجة وفتح تك عين باوع للساعة ورجع راسة ع مخدة
ادم.. ترة بعد وكت نعسان عوفيني
... لاعفية كوم لا يدك الباب هسة يكعد كل النايمين كووم
.. مارد علية عفتة ورحت اريد افتح الباب لان اذا لكا مزدود يبقة يحجي
علاقل يكول كاعدين
أنت تقرأ
خلف الضلام
Mystery / Thrillerقصة جديدة بقلم (رنيم كنان) تحجي القصة عن بنت باول شبابهة تزوجت وحبت بس ياترا حبهة راح يدوم اذا الهجر زار حياتنة واحتلة والحب يكدر يتحول الكره وحقد من ورة التجاهل والاهمال والمعاملة السيئة بس هية اقوة من هيج وكدرت تتخطة كلشي من بعد ماراحت الخلف الض...
