خلف الضلام

بارت 38

بارت جديد
--------------
هاجر....

بقة يباوع الي بصدمة مامستوعب كمش ادية من زنودي وركز بوجهي زين واني اريد ابلع ريك بعد ماكدر من الخوف حتة الوجع بعد ماحس بي

ادم.. عيدي شنو كلتي

.. بلعت ريك اباوع الوجهة صار احمر دم وشرايين وجهة مبينة من العصبية يباوع الي بغضب منتضرني احجي
اريد احجي بعد ماعرف شلون حتة شفتي كامت ترجف

.. ووالله مادري

.. ماهيس الة ضربني راشدي شل صفحة وجهي شل
انشمريت بلكاع كامش خدة ودموعي تنزل احسو دوة نار واذاني صار بيهة صوت كعدت بسرعة كدمام وشال راسي من شعري

ادم.. منيييييين جبتي هاااااذ السم منيننننن

... اريد احجي وابري روحي وابرر الصار بعد ماكدر من كثر عصبيتة كلت باي لعضة راح يكتلني ماعندة مانع منا جسمي يوجعني وراسي يريد ينفجر ايدي كامت ترجف وشفتي هم صرت بموقف لايحسد علية شعور خيبة وحزن وخوف صار شعور مختلط اتمنيت اموت ولا ابقة بهاذ الموقف

ادم.. ماااتحجييييين

.. كمشت ايدة الي ضاغط بيهة ع شعري اباوع الة ودموعي تنزل من الخوف

.. موو اني والله

ادم.. والله شنووووو والله
منييييين الله بلاااااني بيج وللللج دمرررتي روحج يافااااهيةةةة من شووكت تاااخذين

... بلعت ريك بخوف وهزيت براسي لا

.. ممادري

.. باوع الي بحقد ودفعني وكام اسمعة ركع الباب ورا ونوب صوت قفل عرفتة قفلة لا كمت ولا دكيت الباب ادري بي معصب هسة يفرغ عصبيتة كلهة بية

بقيت افرك. براسي من الوجع
اسمع صوتة يصيح برةوية خالتي وهية تكلة مادر يبيهة والله

بقة يحاول يستفتسر منهة اي شي بس هية كلشي ماتعرف سمعت صوت شي انركع وتفلش ونوب صوت الباب مبين طلع برة

بقيت لامة رجلية وحاطة رسي عليهن
واهز بجسمي اريد اي شي يهدي جسمي ماعرف وين اروح

زاد الوجع وكمت بسرعة وكفت كامشة راسي اروح واجي مثل المخبلة شفت ماكو اي نتجية رحت للحمام فتحت الدوش وكعدت جوا الماي بارد ينزل ع جسمي احسة كزبر من البرد بس بقيت ماتحركت من مكاني دموعي تنزل وكل الي بالي ادم

هسة شنو احالة عود ثق بية وحلفتلة ماضم عليه جذبت عليه وشوف شسويت

دموعي تنزل وكمت اشهك وتضرب براسي بيدي

.. كلةةةة من ورااااي كلةةة منيييي لو كايتليةةةة جااان ماااصار هيييج كلةة مني

.. ابجي واشهك واضرب روحي من الحركة لكيتهة حجية حتة انسة وجعيي