بارت جديد
***
.. دخت واني ادور الحد مابزعت وايست منة ماهوة عفتة بعد مادورت عليه
.. لليل سون عشة ونضفنة المطبخ جان بيهة لازم اروح للمضمد علمود الدوة يضرب الابرة بل كانونة وضرورية اليوم لازم اروح
واكفة بل غرفة امشط بشعري وهوة كاعد بل صالة يم امة وخواتة يباوع ع تلفزيون باب الغرفة مسدود واسمع حجيهم يبسبسون صار عندي فضول اعرف عليمن يحجون تقربت من الباب واصنت
ادم.. هسة شون والله مابية حيل
سحر.. شبيك ولك انتة اليادوب تبقة فاهي كلتلك انتة حطهة هية شرادلهة افتح الدوة وحطة بسرنجة ونوب حطة بل كانونة
ادم.. لا يمة مفعولعة قوي هاي ولازم شوية شوية يديروهة مو ياهو جان
سحر.. والله مايرادلهة شي مو شفتة البارحة شون حطهة هسة انتة شيوديك توك جاي وغير المصاريف الزايدة
.. زفرت بضوجة وخرت عن الباب اباوع الايدي مكان الكانونة صار احمر مثل الدم تغثر بي عفتة وىحت مشطت شعري شوية وسمعت صوتة صاحلي
ادم... ووووينج
... هاااا
ادم.. جيبي العلاكةةة مال العلاج وتعالي
... باوعت للباب وشمرت المشط بل كاع بضوجة وعصبية رحت حطيت الشال ع راسي واخذت العلاكة وطلعت وكفت باب الغرفة
.. هاي شسوي بيهة
ادم.. جيبيهة وتعاي بلة
.. باوعت الهن كلهن كاعدات يباوعلي عبالك مدري شكو تقربت حطيت العلاكة يمة وكعدت
اخذهة هوة وفتحهة طلع السرنجة و وكام يدير بيهة من العلاج الخبطة
.. شنو هاي شداي تسوي
ادم.. معليج انتي
.. حجة بدون حتة مايباوعلي دارة كلة ورفع ايدية يشوفة خابط لو لا زرك منهة شوية وكمش ايدي
بسرعة وخرتهة اني
.. شنوو هاي ادم شتريد تسوي
ادم.. جيبي جيبي لاتتعايرين مالي خلك
.. حجة وجرجهة بعصبية اول ماطخهة انجلمت بسرعة وخرت ايدي
ادم.. خرب.....ب.... لاتكفرييييني ولللج اثبتيييي
.. حجة وكام يكفر بكلمات تلعب النفس وهنة يباوعن مبتسمات بشمانة اخذ ايدي وفتح قبق الكانونة وحط السرنجة واني روحي فايرة وميتة قهر الهضمة
صارت بلعومي واني اباوعلهن عيوني غوركت بلدموع يدي توجعني واخاف اجرهة ويكوم يصيح
.. اول ماكام يزرك بل علاج حسيت ايدي نشنطت شنط وشريان كام يوجعني غمضت عيوني متوجعة
أنت تقرأ
خلف الضلام
Mystery / Thrillerقصة جديدة بقلم (رنيم كنان) تحجي القصة عن بنت باول شبابهة تزوجت وحبت بس ياترا حبهة راح يدوم اذا الهجر زار حياتنة واحتلة والحب يكدر يتحول الكره وحقد من ورة التجاهل والاهمال والمعاملة السيئة بس هية اقوة من هيج وكدرت تتخطة كلشي من بعد ماراحت الخلف الض...
