خلف الضلام

بارت 22

بارت جديد
------------
هاجر::::،

.. دخلت للمطعم جانو شوية ناس بي اول مافتت اجة شادي باتاجهي صبح علية

شادي.. صدك هاجر استاذ خلدون طالبج

.. باوعت الة مستغربة

.. شنو ليش ماعدنة اليوم اجتماع ماعندي علم

شادي.. ماعرف
بس هوة كالي اذا اجت هاجر بلغهة تجي النة مجتمعين بلغرفة

.. هزيت براسي اي وعفتة ومشيت

.. خير انشالله
شيريد اذا عدهم اجتماع ليش ماعندي علم اني
لالاجوز سوو مفاجا لو مالحكو ليكلولي
بلة هسة اروح وشوف شكو

.. دخلت المكتبي وحطيت الاوراق ع ميز الف فكرة بالي علمود الاجتماع ساعة اكول خير وساعة اكول

الله يستر مع انو منهد ماجيت لسة ماصار شي موزين وياي بس مادري ليش ابقة خايفة داما ومتوترة اذا احد كالي اكلج الف فكرة تجي بالي علما يحجي

طلعت من المكتب امشي باوعت من بعيد
شفت ادم توة فات بس ماشافني جان مشغول ويا ولد يمشي ويراوي بل اوراق ابتسمت مستهزءة واني اباوعلة

سبحان مغير الاحوال وين جان وين صار بلى هاذ هسة ليشوفة يصدك نفسة الجان يفتر بلتكسي ويجي كالب وجهة ويذب حركتة بمرتة

لو هوة نفسة الي جان يفوت الاكل المشتهي من الشباج حتة امة وابو ميشوفو ويتعاركون ويا

يمشي بملابسة الانيقة ولمشيتة المرتبة وجسمة البارز مبين عليه لاعب رياضة الان جسمة كلش متغير

بقيت واكفة اراقب بي الحد مافات للغرفة يالله حسيت علة روحي بسرعة فركت عيوني

.. يوو هاجر شبيج صافنة عليه ماجنتي اذا شفتي تصعد الكأبة عندج وكارهتة خليج ع راايج لاتغيرين مشاعرج اتجاهة ابو طبع مايغير طبعة هسة شنو يعني اذا صاير حلو يعني هاذ هوة صار زين
عادية هاي المشاعر لان جان بعيد عني فترة ورجع عادي اتعود

طردت الافكار من راسي وكملت طريقي وصلت للباب دكيتة وفتت

شفتهم كلهم كاعدين وساكتين مبين عليهم منتضريني

.. سلمت ورحت كعدت بمكاني والتوتر امتلكني كل الانضار علية كانو اكو شي وضامي كلبي نغزني
حجيت بتوتر واني اباوع الهم واحد واحد

.. اة
بما انو اجتماع مفاجى اكيد اكو شي ضروي

.. حجة استاذ احمد وهوة يفتح بطل الماي ويثب بل اكلاص

احمد.. اي صح ست هاجر اكو شي يخص سلامة مطعمنة وشركتنة اخذنة قرار وحبينة نشاركج بي وتسمعي

.. بتسمت بتوتر

.. اي طبعا اسمعكم تفضلو

خلدون.. اي هاجر
احنة ندري انتي اشتغلتي هواي وتعبتي مانكدر ننكر وانتي من اهم المديرين