بارت جديد
------------
هاجر:::
... كعدت الصبح مثل كل يوم ونفس الروتين
كمت لبست شالي وطلعت اريد اغسل فتحت الماي شفتة ماكو مكطوع
طلعت للحوش وعلكت الماطور حتة يصعد ماي للتانكي
بعدني واكفة وجاي اشغل بي واطلعت عمتي من الصالة للحوش بسرعة
سحر.. هي هي شجاي تسوين انتي
... لتفتت الهة بسرعة واني بيدي السجينة افتح بلدكمة ماتنفتح
.. سوي اريد اعلك الماطور ماكو ماي
سحر.. اييي تعلكييي مو اذا عطل رجلج يشترييي ماتقتصدين بل ماي اربعة وعشرين ساعة يدير بلمبردة ترتضريهة الحد متفيض يالة تسدي
... لعد شسوي المبردة مابيهة طوافة حتة تكطع الماي شون اعرفهة نتسرت الة تكوم تجري
سحر.. ماترااقبيهة لعد انتي شوية وسدي
... انتي تدرين بادم يردلة حجة بس حتة يصيح واني مالي خلك اذا اجة ولكاهة فارغة يكوم يصيح علية وغير الاماعين كلهن علية واغسل يومية اكيد يخلص التانكي
سحر.. وللللج لسااانج طولاااان انتي
... باوعتلهة بقلة صبر ودرت وجهي افتح بلدكمة ماهيس الة جرت السجينة مني ع سريع وركعتني بيهة بضهري ضربتني
ع سريع لتفتت الهة اباوعلهة مخنزرتهة
سحر... تباااوع صفحح بشنوووو مستقوووية انتي
.. خنزرتهة ورفعت اصبعي بوجهة احجي ودمي محترك
... شوفييي اني مو بتج حتة تمدين ايدج علية ترة تجاوزتي حدودج ذنيييج بناتج روحي حاسبيهن وضربيهن وربيهن ماسمحلج تمدين ايدج عليةةة
سحر.. وسم ومرض بهل راااس فوكااهة تهددد بت....
... اشششش لاتسبين اسكتي اسكتيييي احسلللج
... حجيت وعفتهة وفتتت ع سريع جان ادم كاعد بلغرفة وكامش مبايلة طبيتلة بسرعة واني افور فور
... ترةةةة مو عيشششة هاي ادمممم ترضةةة امك تمد ايدهة عليةةةة وين احنةةةة فالتووو هية
.. حجة وهوة يباوع بل مبايل ولاباوع بوجهي
ادم.. عادي مثل امج هية وذا يعني
.. هاااا وذااا يعني
انتة تمد ايدك تحملت وكلت رجلي بس مال امك تمد ايدهة علية هاي ماصيرر عندييي
.. هد المبايل بسرعة وكام وكف يباوعلي بخنزرة
ادم.. اشوو طولان لسانج
.. اي والله طولان خليييي اذا سكتت اكلتوني وذا حجيت اكلتوووني بعد ماتحملللكم اني لا انتةةة ولا امككك
أنت تقرأ
خلف الضلام
Mystery / Thrillerقصة جديدة بقلم (رنيم كنان) تحجي القصة عن بنت باول شبابهة تزوجت وحبت بس ياترا حبهة راح يدوم اذا الهجر زار حياتنة واحتلة والحب يكدر يتحول الكره وحقد من ورة التجاهل والاهمال والمعاملة السيئة بس هية اقوة من هيج وكدرت تتخطة كلشي من بعد ماراحت الخلف الض...
