خلف الضلام

بارت 21

بارت جديد
-------------
هاجر:::

باوعت الهة مافاهمة حجيت هزيت براسي وحجيت

.. شلون يعني

نيران..  شوفي حبيبتي
طلاك ماراح يطلك ادري بي شفتة شلون كاتل روحة عليج ومتندم لان عافج مايدري باهلة هيج وهسة اكيد مية بلمية راح يحاول يرجعج ويعتذر منج وانتي لا جذبين بعدج تردي ومبين من عيونج بس تكابرين وماتردين طخين راسج الة هسة

... مافهمت يعني شسوي

نيران..  خلي يعتذر الج باسلوبة وشلعي كلبة سوي كلشي يضوج منة ويقهرة هسة هوة راح يلاويج بفطوم اذا طلب يشوفهة طيهيا يشوفهة ويرجعهة عادي من يشوفج باردة اتجاهة راح يحس ع روحة شكد جان ماذيج

... سكتت مارديت عليهة بقيت افكر بحجيهة واني اكل بشفتي

نيران.. فرصتج هاي مادامة يشتغل وياج استغليهة
ماخليت شي ماسويتة ردتة بس يطلك وماطلك ماضلت دعوة مارفعتهة علي ردت اخلصج منة بس عندة استعداد يدفع كل شهر مليون ولا يقبل يطلكج
والله يحبج ويموت عليج ومستعد يسوي كلشي علمودج

.. اخذت نفس

..  اي بس خاف ياثر ع شغلي محد يدري بي هناك هوة رجلي شلون

نيران.. عادي بس تلتقين بي وتحجين ويا اشرطي عليه كليلة ماريد احد يعرف لا تثعب شغلي علية اذا صدك يحبج يبقة كاتم ومايحجي

..احنة نحجي وفاتت خالتي توهة جاية من شغلهة سلمت وراحت تغسل شوية ولتفتت النة

غفران.. الله يستر شوو كاعدات

نيران..  ليش خالة شايفتني

غفران..  مادام انتي كاعدة وتسولفين باحترام يعني ابليس كاعد ويوسوس الهاجر الله يستر شكوو

نيران..  والله ياخالة اني احجي المصلحتهة غير هاي خوثة وفاهية كلشي ماتعرف

غفران..  ادري بيهة بس ماكتلي شصاير ليش هيج وجهج اصفر هاجر

نيران.. تعاي تعاي سمعي الصاعقة الصايرة اليوم

.. بقت تباوع النة منتضرتنة نحجي جرت كرسي وكعدت ويانة ونيران كتت كلشي حجيتة الهة وهية تسمع مصدومة

غفران.. عزةةة وهاذ مالكة شغل غير بمطعم هاجر

نيران..  يكول صدفة
جوز الله يريد يجمعهم من جديد

غفران..  والله مادري
زين هم فتح وياج موضوع فطوم

.. هزيت براسي لا

غفران.. هااا خوش
شراح تسوين لعد

.. اكمل شغلي ماعوفة واعتبرة حالة حال باقي الموضفين

غفران.. هم حاول يحجي وياج شي

..  اي هواي بس مانطيتة وجه

غفران...  والله بعد السمعتة من نيران اني ذاك اليوم ماخلت دعوة مارفعتهة عليه وماقبل يطلك لو صدك تهمة الفلوس جان عافج بس مبين ميريد يطلكج