بارت جديد
------------
هاجر::::
حرفيا اول مرة يصير بية هيج
توتر وخوف وارتباك كلة بوقت واحد صار عندي حتة النفس كتمتة واني واكفة بكل ثقة ومنتضرة الرد بقة يباوع الي شوية وهز براسة مبتسم
خلدون.. حلوو
ملاحضاتج كلش حلوة ست هاجر تكدرين تستريحن
.. بتسمت الة بتوتر وهزيت براسي اي وكعدت
خلدون.. ركزوو وياي
الملاحضات القدمتهن ست هاجر راح ناخذهن منهة ونضيفهن ع مطعمة وكوة هم كم ملاحضة عجبتني هسة من كم موضف هم راح ناخذهن ونفذهن واشكركم ع تعبكم وجهدكم وانشالله ماراح ننسة تعبكم ونوفي بوعدنة
.. حجة ولتفتت ع مشتركين الي ويا
خلدون.. اي استاذ احمد و محمد شنو رايكم انتو
احمد.. هاذهو نفس ماكلت اني اتفق وياك اذا الشي يفيد المطعم ليش لا
محمد.. واني وياكم اوافقكم الراي بس ماشفنة كل الافكار بعدهن
خلدون.. اني واثق بكل افكار هاجر اكيد
راح ناخذ الملف مالتهة ونطلع علي ع كيفنة مادام المقدمة هيج اكيد الباقي احلة
احمد... صح كلامك استاذ خلدون
محمد.. نشكركم ع تعبكم
.. كلهة ردت بصوت واحد
. العفو
.. قدمنة الفايلات الهم واستئذنة وطلعنة
واني طايرة من الفرح امشي واشكر برب العالمين ماخيب ضني
اول ماطلعت اجاني شادي يمشي سريع
شادي. بشرييي
بتسمت بوجهة وهزيت براسي اي
.. كلة تمام انشالله يصير نفس ماردت
شادي.. عبجهممم
.. اي وحتة ماخلوني اكمل اخذو الفايل همة يقروو
شادي.. واوووو عندج واووو اول مرة هيج يصير عدنة كل مرة فكرة وحدة ماتعجبهم يرفضوهة
كم فكرة قدمتي الهم
.. ثلاثة
شادي.. هااا مبروووك مبروووك
.. عليمن مبروك
شادي... راااح يعلوون مرتبتج اني اكلج مادام خلوج تقدمين ثلاث افكار بدون رفض هاذ يعني عجبتيهم
... صددك
شادي. وداعتج هسة تكدرين ترحين تكملين شغلج وانتضري علما يدزون عليج
.. ليش يدزون
شادي.. حتة يثبتوج ع شغلج نشوف شون تبقين هيج تشتغلين لو يغيرو الج
.. ها تمام
لعد اروح اني اترخص
شادي... روحي
.. عفتة ورحت اني
نوب صار كل تفكيري بلشغل زاد توتري اكثر عبالي بس تعجبهم الفكرة راح يوافقون معبالي يبقون يشاورون يالله يقبلون
أنت تقرأ
خلف الضلام
Mystery / Thrillerقصة جديدة بقلم (رنيم كنان) تحجي القصة عن بنت باول شبابهة تزوجت وحبت بس ياترا حبهة راح يدوم اذا الهجر زار حياتنة واحتلة والحب يكدر يتحول الكره وحقد من ورة التجاهل والاهمال والمعاملة السيئة بس هية اقوة من هيج وكدرت تتخطة كلشي من بعد ماراحت الخلف الض...
