بارت جديد
***
اشرلي تعاي هنا كعدي رحت وكعدت بطرف الجرباية وهوة كعد بصفي
ادم.. شبيج
.. مابية شي
ادم... ليش ماتعشيتي
.. ماشتهي
ادم... صجتي من حجي امي
.. سكتت ماحجيت والجرفة صارت بدية مادري ليش اريد اصيطر بعد ماكدر
ادم.. شبيييج ماتحجين
.. ماكوو شي اريد اغسل الاماعين
.. حجيت وكمت وكفت بسرعة كمش ايدي ورجعني كعدني بصفة
ادم.. معليج بامي شبيج ماتعرفيهة
انتي
.. سكتت اني ماحجيت بس هزيت براسي ي
ولتفتت الة عيوني حمر حجيت بغصة
.. بس والله مو اني دمرتة شبيك هسة اجيبلك وصلة واحط عليهة من كل مكياجيي اذا تريد واغسلهة وشوف يروح لو لا
.. حجيت وبجيت بعد ماكدرت اصيطر ع دموعي بسرعة جرني الحضنة يمسح بدموعي ويحجي
ادم.. ادري بيج مومكياج
حنة ادمر خلي يولي
اصلا ذبي بعد ماريدة
.. وخرت عنة واني امسح بدموعي
.. ليش ماتريدة
اني ارجع اغسلة بلكي يروح
ادم.. لا ذبي خلي يولي مايروح هاذ بعد واصلا لعبت روحي منة شمري بل زبالة
... هزيت براسي اي ومسحت دموعي وهوة باوعلي وبتسم
ادم.. يلة كومي غسلي الاماعين وتعاي حتة نام تعبان كلش
.. هزيت براسي اي وطلعت نضفت المطبخ وهنة واكفات يصبن بل عشة عفتهن وفتت للغرفة شفت القميص ع مز مشمور شلتة وحطيتة بل كنتور شمرتة لان بعد ميفيد للبس علاقل امسح بي يفيدني
.. عفتة بل كنتور مشمور وسديت الباب والاضوية وكل عادة بدلت ورحت يمة بدون اي زعل
.... وهيج مرت الايام عادية يصير عندي وجع وتقلصات بس ابد ماشكي الة ماريد يشل هم العلاج ونوب يكوم يضوج مني الان يصرف علية هواي واني هم من اشوفة ماعندة كلشي ماطلب منة حتة من اشتهي شي ماكلة عليه بس اذا عندة فلوس اوصي يجيبلي
.... جنت يومية انضف الغرفة كنس ومسح ونوب اطلع للبيت وعمتي تحجي علية شكو يومية منضفتهة هية شبيهة بس اني مارد عليهة وابقة انضف بيهة ماريد من يجي من الشغل تعبان يشوفهة وصغة هوة غير من يجي يلكة كلشي جاهز ومرتب
وكامت تعاند وياي تخليني انضف البيت كلة يلة انضف غرفتي وجنت قابلة ماعندي شي اهم شي انضفهة الحد ماكامت تخبث وياي تخليني من انضف البيت ونوب اريد انضف الغرفة تشيل المكناسة وتضمهة اضل ادور عليهة اني مالكاهة وكل ماسالهن يكولن مادري بيهة وين وعوفهة بس مسح امسحهة
أنت تقرأ
خلف الضلام
Misteri / Thrillerقصة جديدة بقلم (رنيم كنان) تحجي القصة عن بنت باول شبابهة تزوجت وحبت بس ياترا حبهة راح يدوم اذا الهجر زار حياتنة واحتلة والحب يكدر يتحول الكره وحقد من ورة التجاهل والاهمال والمعاملة السيئة بس هية اقوة من هيج وكدرت تتخطة كلشي من بعد ماراحت الخلف الض...
