خلف الضلام

بارت 27

بارت جديد
ـــــــــــــــــ
هاجر:::

...  جسمي خدر كلة من البرد وحتة مثانيي كامن يوجعني كوة افتح عيوني اريد اجر النفس بعد ماكدر فتحت عيوني من سمعت صوت ركعة قوية

باوعت كوة وشوفة واكف يم الباب ويدفر بي بمتنة كل قوتة مبين عليه التوتر والخوف يدفر بل باب ويرجع يلتفتت الي ويحجي وهوة يلهث

ادم..  ولج بوية راح افتحةةو اصبري تحملي شوية شوية

..  حجة ورجع التفتت ع باب ودفرة بمتنة حسيت من قوة الدفرة متنة انخلع داحسة روحي بلحايط من البرد اني كمت اتنفس ثلج

.. اك يدفر بي بكل قوتة واني مانحملت بعد وغمضت عيوني مستسلمة بين الصاحية والنايمة اسمع صوتة وشي يضرب بخدودي

ادم..  هااجر هاااجر اكعدي بوية نفنح نفتح لاتغمضين

..  اخر شي سمعتة وبعد ماحسيت بشي

...  فتحت عيوني كوة راسي يريد ينفجر ومرارة بحلكي اتلفتت بل مكان عرفتة بغرفة بل مستشفة كلهة اجهزة اريد احجي شي ماكدر مدري شبية جسمي كلة نحلان ويوجعني

رجعت غمضت اريد انام بلكي يروح الوجع وصدك غفيت ماحسيت بروحي بعد

.. كعدت ع ايد تفرك بيدي ويحجي وياي

ادم..  هاجر بوية كعدي كااافي

..  فتحت عيوني وحجيت بنعاس

.. اممم

ادم.. بيج شي اكوو شي يوجعج

..  حسيت ع روحي وفتحت عيوني زين اريد اصحصح جريت ايدي منة وفركت وجهي

.. هاء لا ماكو شي

..  حجيت والتفتت الة شفتة شحالة وجهة تعبان وشعرة نازل ع وجهة

..  الساعة بيش

ادم..  بعد وكت لاتخافين
لسة ماجو

.. هاا زين لعد خلي اكووم

.  حجيت وجريت الحاف من جسمي وخرتة اريد اكوم

ادم..  وين وين خلي تجي الدكتورة تفحصج

.. مابية شي اريد ارجع للمطعم

.. اني احجي وفاتت الدكتورة ماحجيت شي بعد اجت فحصتني وكالت تكدرون تطلعون كتبتلنة ورقة وراح هوة بس واكف ويباوع علية تحرك شوية وغمض عيونة متوجع عرفتة متنة كام يوجعة من كد ما ركع بي ب باب شال ايدة وفركة شوية

..  يوجعك

ادم.. ها
لا

.. ادري بي يكابر ميريد يبين الي متوجع
هزيت براس ياي ماريد اضغط عليه

.. منو درة

ادم..  محد

.. اي احسن لاتكول الاحد