بارت جديد
***
.. ضميت الغراض وغيرت ملابسي وطلعت
اعزل بل بيت وانضف الحد ماصارت الساعة ب ١١ هية لبست عباتهة وراحت حتة تجيب التحليل
.. بقيت بل غرفة افتر وادعي الربي مايضيع فرحتي وفرحتة
الحضة حسيت كلبي راح يطلع مادري ليش خوف وتوتر صار عندي مو طبيعي حرت وين اروح بقيت اروح واجي وعيني باب باي لحضة تجي
.. الحد ماتعبت وكعدت بطرف الجرباية وهوة ماجة تاخر شوية وسمعت الباب ندكت
بقيت اصنت سمعت صوتهة واني دكات كلبي تتسارع الحد مافتحت باب الغرفة وفاتت بيدهة الورقة بس ملامح وجهة طبيعية اشرتلهة بعيوني
.. هاا
سحر.. ايي مبروك حامل
.. بتسمت بسرعة ورحت اخذت الورقة منهة حاجتني حتة من ورة خشمهة ماهتميت الهة بكد فرحتي بل تحليل عافتني وطلعت هية
مادري ليش دموعي كامت تنزل واني اشكر الرب العالمين واخيرا راح يصير عندي ونس هنا علاقل اضيع وكت ويا واتسلة
... شلت التحليل وضميتة جوة الملابس حطيت الشال ع راسي وطلعت شفتهة بل مطبخ واكفة تسوي بل غدة تقرلت منهة وحجيت
.. اة ماما
سحر.. هاا
.. اذا اجة ادم لاتكليلة انتي اني اريد احاجي
سحر.. اي
.. تحجي بدون حتة ماتباوعلي وكفت يمهة اريد اياعدهة بل غدة بس هية ابد مادنيني وذا انطيهة شي ماتاخذة مني تفتح باب الثلاجة وتاخذ غيرة عفتهة من سمعت صوتة اجة وفات كبل للغرفة بتسمت ودخلت ورا الابتسامة ع وجهي
.. الله يساعدك
ادم.. هلة بيج ه
.. يحجي وينزع بل قميص تقربت يمة واخذتة منة ونزعتلة جورايبة تمدد هوة ع جرباية حتة ماسالني ع تحليل
جوز تعبان خلي هسة يرتاح
.. كعدت امرغ برجليه وهوة صافن ع سكف عفتة وكمت سديت الباب وطلعت الورقة حطيتهة ورة ضهري وكفت كدامة
.. احزررر شعندي
باوع الي ورجع باوع الادية
ادم.. شنوو
.. بتسمت وطلعت الورفة اطفر فرحانة اخذهة مني عاقد حاجبة باوع بيهة وحطتهة ع جرباية شي طبيبعي وابد مانطة اي رد فعل حتة اني خربت فرحتي مديت ايدي واخذتهة
.. شنوو ماقريت
ادم. حامل اي قريتهة
.. لعد شو مافرحت البارحة جنت طاير من الفرح
ادم.. هاجر مالي خلك عوفيني تعبان هسة
.. باوعتلة باسف ورجعت الورقة ضميتهة واني كلبي مكسور تقربت يمة وكمشت ايدة افرك بيهة
أنت تقرأ
خلف الضلام
Mystery / Thrillerقصة جديدة بقلم (رنيم كنان) تحجي القصة عن بنت باول شبابهة تزوجت وحبت بس ياترا حبهة راح يدوم اذا الهجر زار حياتنة واحتلة والحب يكدر يتحول الكره وحقد من ورة التجاهل والاهمال والمعاملة السيئة بس هية اقوة من هيج وكدرت تتخطة كلشي من بعد ماراحت الخلف الض...
