بارت جديد
***
من بعد مابقيت كاعدة. واقرة قران ودموعي تنزل وحدهن مادري ليش احس من اني اقرة كانما جاي اشكي الرب العالمين بدموعي ماعرف شون احجي
.. خلصت صلاتي ومسحت وجهي وكفت ع امراية حطيت خافي اخفي الجوة عيوني وخشمي الصار احمر
ع سريع حطيت من سمعت الباب. نفتحت وصوت سيارة عرفتة اجة حطيت شالي ع راسي وطلعت بسرعة الابتسامة العريضة ع وجهي
مابين الة ضايجة ابد
اول مفات صارت عينة علية بتسمت بسرعة واني احجي
هاجر.. هاا الله يساعدك
ادم.. هلة بيج
.. حجة وتقرب يمي واني جسمي كام يرجف مدري شبية عاكد حواجبة ويباوعلي واني ماعرف وين احط عيوني من توتر
ادم.. شبيج
.. ها ماكو شي
ادم.. هاا لعد جوعان حبيبتي ميت جوع
.. هسة اصبلك بسرعة علما تصلي
.. حجيت وبتسمت هز براسة اي وفات للغرفة ادري بي يجذب بس هيج يجاملني
عفتة وفتت للمطبخ شفتهن مطفيات الاكل وجاهز طلعت صينية وحضرت الة الغدة وفتت للغرفة
شايلتهة بيدي شفتة واكف ينشف وفاتح دكم قميصة
ادم.. ها صبيتي
.. اي
ادم.. شبسرعة بس علما غسلت
.. اي ستعجلت كلت جوعان خطية
ادم.. عفية بل نادرة يلة تعاي اكلي وياي
.. هزيت براسي اي ورديت باب الغرفة
ذبيت شعري وحطيت كصيبتي صفح داما احب هيج اسويهة وكعدت بطرف الجرابية وهوة يباوعلي وياكل
.. هاا
ادم.. هاا
.. هه شبيك تباوعلي هيج
ادم.. لا هيج كملي اكلي اكلي
.. باوعتلة مستغربة وكملت اكل وهوة يشيل بل فندوة يفلسهة ويحط كدامي وياشرلي اكلي الحد ماشبعت وكمنة ثنينة. هوة غسل واني بقيت بل مطبخ انضف بي اسمع صوت باب الغرفة اذا نفتح واني انضف سمعتة لان صوتة عالي عرف اكو احد فات يمة
بقيت الوب بل مطبخ اريد اعرف شنو تحجي ويا ع سريع غسلت ادية ومشيت اريد افوت وهية طلعت من الغرفة مبتسمة ستغربت ليش فاتت بس من طلعت صار ساعة جوة ماجتي
.. شفتة متمدد ع جرباية واديه ع راسة بس شافني اشرلي تعاي هنا كعدي بصفة ذبيت شالي وتقدمت
.. هاا
ادم.. تعاي احاجيج
.. كعدت بصفة العب بضفيرتي واباوعلة
ادم.. اكلج
.. كول
.. مد ايدة يتلمس بشعري ويحجي وهوة يباوعلي مبتسم
أنت تقرأ
خلف الضلام
Mystery / Thrillerقصة جديدة بقلم (رنيم كنان) تحجي القصة عن بنت باول شبابهة تزوجت وحبت بس ياترا حبهة راح يدوم اذا الهجر زار حياتنة واحتلة والحب يكدر يتحول الكره وحقد من ورة التجاهل والاهمال والمعاملة السيئة بس هية اقوة من هيج وكدرت تتخطة كلشي من بعد ماراحت الخلف الض...
