خلف الضلام

بارت 34

بارت جديد
------------
هاجر:::::::

الحد ماتاخر الوقت يالله رجعنة  للبيت
فطوم ذبت روحهة ونامت بلسيارة قبل لانوصل
خطية هواي تعبت من العب داخت ونامت

..  طول الطريق اني افكر شلون اطلع عذر حتة اكول الادم واطلع هاي العشر ايام

كلساع يلتفتت الي بلسيارة ويشوفني صافنة
انتبه علية مو تمام

حسيت ايدة ع ايدي حطهة بسرعة لتفتت الة

ادم..  شبيج بوية

..  ها
لا ماكو شي

ادم.. ليش صافنة لعد

..  بس شوية دخت ماكو شي

.. ماقتنع بكلامي بس هز براسة اي واني توتر كمشني خفت لايكشفني

حاولت ابين طبيعية الحد ماوصلنة للبيت شلت فطوم اني ونزلت هوة دفع الكروة واجة فتح الباب لان حسن منطي نسخة من المفتاح

..  فتنى جوة شفت الاضوية مطفية بس ضوة نور مفتوح مبين من جوة الباب مانطيتهة اهمية فتت كبل للغرفة حطيت فطوم ع جرباية وغطيتهة

دخل ادم وراي وكفت اني انزع بل حجاب وهوة ينزع بقميصة

نزعة وشمرة ع ميز بقة بطرك البنطرون والفالينة اتعلاكة فتح الباب وطلع هوة
شمرت شالي وتقربت من الباب شفتة دخل للمطبخ رتاح كلبي عبالي راح شوو وين
طلع يشرب ماي

..  هسة اني عليمن هل خوف هاذ وين رايح هوة
مادري ليش لازمة كلبي وخايفة وادري بي هوة يحبني ومايباوع الغيري
بس هل وسواس عندي مادري شون اخلص منة
مو بيدي

..  دخلت للغرفة عزلتهة وفرشت الة فراشة
ورحت فرشت سنوني وغيرت ملابسي لبست تراك الان ماكدر انام بذني ثخان

..  طلعت من الحمام باوعت المكانة ماهوة يعني لسة ماجاي
توني رحت اريد افتح الباب ورجعن بطلت

..  هسة يجي اي اي هسة يجي وين راح قابل

..  بقيت افتر بلغرفة مثل التطلك رايحة جاية واكل باضافري دمي محترك ليش طول هلكد
اريد افتح الباب بس مترددة

ماعندي اي شي اسوي غير ابقة منتضرتة ماكدر انام اذا ماشوفة هنا يمي

بقيت اكل باضافري ماحسيت ع روحي حتة بعد ماتحمل ركضت للباب وفتحتة وطلعت حسن نايم ومتلفلف بل لحاف شفت الضوة مال المطبخ مفتوح توني اريد اروح للمطبخ وجان تطلع نور منة

اني شفتهة وعيوني صارت بكصتي حالة شعرهة ولابسة تراس حصر اطك بعلجهة بس باوعتلي بتسمت ورفعت حاجبهة وبسرعة فاتت الغرفتهة وسدتت الباب

روحي شاطت واني اباوعلهة اريد احرك رجلية بعد ماصيطر حسيت الدم وكف بجسمي

طلع ادم من المطبخ بيدة بطل ماي بس شافني فتح عيونة ع وسعهن واجة بسرعة باتجاهي