بارت جديد
________
هاجر:::
التفتت واني كل ذرة بجسمي ترجف من كام الولد وكف باوع للسيارة ورجع باوعلي كانا يكلي يلة وصلو
.. نفتح باب السيارة ونزلت منهة خالتي
بدون اي تفكير شلت فطوم ع سريع ورحت ركض الهة شبكتني واني دموعي تنزل مامصدكة شفتهة
حاضنتني قوي وتبوس بية حتة فطوم اختنكت وخرت عني وهية تمسح بدموعي
غفران.. كافي يمة هسو نوصل للبيت ورتاحي
... تعباانة خالة تعبووني
.. حجين والدموع تنزل من عيوني احسهن نار ع خدي التفتت ع ولد واشرت بعيونهة
غفران.. منو هاذ
. بلعت ريك ولتفتت اباوعلة واكف ويباوع علينة
.. هاذ موضف هنا يشتغل خطية ماقبل اطلع برة وعافني يمة علما تجين
غفران. هاا
.. حجت وخرت عني راحت يمة وكفت
غفران. الله يطيك يمة ويحضفك الاهلك ماقصرت
ـ لا خالة ماسويت شي بس شفتهى وحدهة وحايرة كلت ابقيهة هنا لبين ماتجين
غفران. الله يحفضك الشبابك انشالله ماقصرت يمة تعبناك
ـ ولو تعبج راحة اهم شي وصلت يمج البنية خطية صار ساعة كاعدة وعينهة ع باب
.. بقت تشكر منة ونوب اني رحت هم اشكرت منة وطلعنة للسيارة صعدنة بيهة
اول ماكعدت اني هية اخذت فطوم من حضني تبوس بيهة
غفران.. يروحييي تخبل
.. ي حليوة
اكلج خالة وين راح نروح
غفران.. والله يا يامة مانكدر هسة نطلع منا راح اناجر بفندق غرفة نكضي هاي اليلة والله كريم منا الباجر
.. هاا
.. حجت وسكتت غمضت عيوني وتجيت راسي ع متنهة توني يالله حسيت بل امان وفطوم بحضنهة مغمضة مرتاحة رغم الوجع العشتة كلة بس ادري راح يروح كلشي ورتاح انشالله
السيارة تمشي وهدوء الجو بارد بس سادين الجام بقيت منتجية عليه مغمضة عيوني حتة هية ماسالت هواي عافتني براحتي
مادري بروحي من غفيت فزيت ع ايدهة وهية تكعدني بهدوء
فتحت عيوني تحس راسي يريد ينفجر كوة شلت راسي واني اباوع السيارة واكفة يم فندق
غفران.. كعدي يمة وصلنة يلة نزلي جوة رتاحي
... هزيت براسي اي والتفتت الهة اريد اخذ فطوم منهة
غفران. لا عوفيهة اني انزلهة نزلي انتي شون صرتي
.. فتحت الباب ونزلت اني وهية هم نزلت دفعت الاجرة ودخلنة للفندق اجرت غرفة وصعدنة جسمي كلة مكسر تكسر ورجلية وادية يوجعني وجع مو طبيعي
أنت تقرأ
خلف الضلام
Mystery / Thrillerقصة جديدة بقلم (رنيم كنان) تحجي القصة عن بنت باول شبابهة تزوجت وحبت بس ياترا حبهة راح يدوم اذا الهجر زار حياتنة واحتلة والحب يكدر يتحول الكره وحقد من ورة التجاهل والاهمال والمعاملة السيئة بس هية اقوة من هيج وكدرت تتخطة كلشي من بعد ماراحت الخلف الض...
