خلف الضلام

بارت 13

بارت جديد
------------
هاجر::

ماصار الفجر لن روحي طالعة
المطر انكطع بس الهوة صار ثلج لان جانت تمطر ثار بارد الهوة

ماهتميت للبرد بكد ماكيفت خلص اليل
ضهري احسة انكطم بلنص من الوجع

حركت روحي كوة وكمت فطوم كاعدة بس ساكتة تباوع

عفتهة وتقربت من الشباك اباوع ماكو احد بس صايرة طينة برة كلش

سحلت الرحلة وخرتهة وفتحت الباب طبلي ضوة عفتة مفتوح وعدلت شالي شفت الجوزدان بيدي لابستة حتة نسيتة توني الة لاحضتة

جريتة بسرعة وفتحتة طلعت الفلوس الطتنياهن زهراء

حسبتهن ٩٠ الف خطية طتنياهن بدون مايدرون اهلهة شكد حبابة هل بنية والله لو مفتنة علية جان هسة فطوم يمهم مانساهة الهة هل وكفة هاي

..  رجعتهن للجوزدان ولبستة بيدي
اباوع الفطوم شون تباوع وتحرك بعيونهة منا ومنا بتسمت وعدلت شالي ورحت شلتهة ابوس بيهة

... ياخذوج مني يحبيبتي والله ماخليهم لو يموتون

..  لفيتهة عدل وشلتهة حاضنتهة وكفت بل باب اباوع شلون انزل وكلهة طين بطين رحية الرطوبة تارسة المكان بس كلش حلوة احب ريحة الرطوبة خصة اذا جان تراب مبلل ريحتة تفتح النفس

غمضت عيوني استنشق هوة رجعت فتحت ونزلت كوة من الكرفان ع كيفي بي بايتني هوة بس خفت لا انعثر واوكع

اول مانزلت رجلي غطت بل طين
كلمت مشيي بس كوة اجر الخطوة الحد ماطلعت من المدرسة محد بل شارع يصفر لسة العالم نايمين

حكيت رجلية بلكاع وخرت الطين منهن
وكفت اباوع للشارع مادري وين اروح ونوب المكان ماندلة ولا اندل وين اني هسة

..  وين اروح هسة
عندي فلوس بس شسوي بيهن اريد اسوي شي يخليني اوصل يم خالتي شون اتواصل وياهة

.. اي اي خلي اشتري مبايل حتة اكللهة هسة هية تساعدني وتكلي شنو اسوي

..  مشيت بل شارع واني اريد محل مبايلات اشتري منة

نوب اريد اسال احد ماكو الشارع يصفر
بقيت امشي واتلفت اقرة بل لافتات اريد محل حتلو معزل ابقة منتضرتة علما يفتح بس ماكو

همزين شفت ولد شاب طالع مبين للعمالة لان ملابسة كلهن جص تقربت يمة واني شايلة فطوم

.. خوية بلا زحمة ممكن سوال

.. وكف بسرعة وهوة يباوعلي ويباوع الفطوم

ـ تفضلي خوية محتاجة شي

...  اي والله بس اريد محل مال مبايلات اكو هنا

ـ اي خيتي اكو بهذاك الفرع بس مايفتح هسة

حجة واشر ع الفرع الكدامي

..  ها شكرا

ـ محتاجة شي خيتي اطيج مبايلي