خلف الضلام

بارت 11

بارت جديد
---------------
هاجر::

رجعنة للبيت تقريب الساعة ب 9 الصبح علما خلص للبيان يالة طلعونة

خالة امل شايلة فطوم وكايدتني بيدهة الثانية كوة امشي

تلكتنة زهراء مكيفة وتصحك تحمدتلي بلسلامة واخذت فطوم من خالتي تبوس بيهة ومكيفة

امل.. تعاي يمة خلي احضرلج الحمام

.. اي والله خالة اريد اسبح

.. كعدتني ع قنفة وخطية تىكض ركض تروح منا وتجي منا حضرتلي الحمام ع سريع وفوتتني سديت الباب وسبحت اني كوة اتحرك احس جسمي تكسر اتكسر وحتة مانمت بليل صار عندي ارهاق

.. طلعت لكيتهة محضرة ملابس الفطوم ومشتريتهن جدد يمكن عمي جابهن خطية ماقصر ابد مصاريف المستشفة كلهن دفعهن هوة وماحجة شي

طلعت كوة امشي ع سريع اجتي زهراء وسندتني كعدتني بلغرفة وخالتي اخذت فطوم تسبحهة بلحمام

... مالي خلك اي شي احجي كتفيت بلسكوت والتعب مبين ع وجهي والقهر عيوني تتلاكط وراهة شون تسبح بيهة وهية تنزنز

وزهراء واكفة فوك راسهة تباوعلهة مبتسمة

خلصت وجابتهة يمي بلغرفة تبدللهة

امل.. يمةة سبح الحلو صار يطكطك

.. ههه اي عاشت ايدج خالة تعبتج والله

امل. لا يمة شنو سالفة
ولللج زهراااء شو لسة ماسويتي ريوك

زهراء.. يووو يمة والله نسيت شفت هاي العنونة ونسيت كلشي

امل.. دمشييي صبي خطية البنية راحت روحهة

.. لا خالة اصلا موجوعانة

امل.. لا ميصير لازم تاكلين حتة ترضعين الطفلة خطية

.. هزيت براسي اي وهية راحت تصب
اباوعلهة شلون داري بفطوم جنهة بتهة تبوس بيهة ومكيف عكس عمتي حتة كلمة وحدة منهة حلوة ماسمعت منهة منهد مازوجت لليوم

احس الله دزهم الي حتة يريحني من ذولاك شوية ادري بروحي لو جايبة هناك جان نشلع كلبي ولا رتاحيت مع انو بيت رجلي بس ابد مارتاح ادري بروحي

.. شوية واجتي زهراء بيدهة صينية حطتهة وكعدت اتريكنة كلحنة وكعدت ارضع بفطوم ماعرف شون احطهة بحضني بس خالة شوية شوية علمتني

اباوعلهة وهية ترضع شكلة يخبل. احلة شعور حسيتة بحياتي احس كل قهري وتعبي راح من شفتهة كلشي نزاح من حياتي احس اريد بس هية من هل دنية كلشي ماريد

امل.. كومي يمة زهراء طفي الضوة وخلي نطلع خلي البنية ترتاح شوية

.. لا خالة عادي ابقن كاعدات

امل.. لا يمة تعبتي انتي وهاي زهراء تضل تلغي ادري بيهة دوخج ونتي مالج خلج

زهراء.. خلفلة عليج يمة