خلف الضلام

35

بارت جديد
-------------
هاجر:::::

كمت اني سبحت وهوة دخل للحمام وراي بقيت كاعدة ع افراش امشط بشعري
وصافنة افكر

شراح يصير باجر
وليش يردوني اني الي اسلم الباكة وشنو بيهة الي هلكثر مهتمين الهة

فكرة تاخذني وفكرة تجيبني حسيت راسي راح ينفجر واني ماواصلة الاي حل يقنعني

طلع هوة من الحمام يفرك براسة بل منشفة واني ع صفنتي شمر المنشفة واجة يمي

ادم..  خيرج حبيبتي

..  لتفتت الة ورجعن امشط

..  لا ماكو شي

..  عك حاجبة مامقتنع طفة الضوة واجة يمي من شافني خلصت شعري. وضفرتة
تمدد ع الفراش وحضني من خصري

ادم..  احجي ليش ضامة

..  بلعت ريك بتوتر
خرب بية ولا اعرف اضم شي مكشوفة

.. هاء
لا شكو قابل

ادم..  هليان اشوفج تصفنين ومو ع بعضج احجي شبيج

.. هيج شوية تعبانة
شوكت ننتقل منا

ادم..  انشالله جم يوم علما استلم وادور ع بيت ناجرة

..  هاا انشالله

..  جرني الحضنة واني هم جريت الحاف وتغطيت ردت الهي حتة بعد مايسالني شكو

.  اممم صددك ترة اني زعلانة يلة وخر يلة

..  جرني الحضنة اكثر وشدد علية حيل

ادم. امم زعلي طبج مرض بس زعلي بحضني

.. اادم

ادم...  رحمييييينيي هاجر اريييد اخمد باجر وراي شغل

..  خنست اني يدري بية اذا احجي اكو شغلة اريدهة
شفتة عصب وسكتت باسني براسي ونام

نمنة ثنينة بعد فراق طويل
نام هوة براحة ومكيف عكسي تماما
كل حركة اسويهة وكل كلمة احجيهة
يجي بالي كلامة ومن انطيتة وعد بس ماكدر اججي لازم اكمل حتة هوة يرتاح واني هم

..  ثاني يوم كعدت جسمي متكسر تكسر
من نومة الكاع شفتة ماهوة طالع هوة للشغل
باوعت للساعة ب 8واني لازم ب 9 هناك

كمزت بسرعة غيرت ملابسي وبدلت الفطوم وسويتلهة ريوك

شوية واجتني نيران اخذت فطوم وطلعت
طول الطريق ادية ترجف من توتر

نيران..  شبيج ولج هسة نوصل وسلمين الباكة ورنجع عليمن خايفة

..  ممادري حاسة راح يصير شي

نيران..  لا انشالله ماكو شي بس هدي روحج واصرفي طبيعي لاتفضحينة

.. وصلنى للعنوان الي طونيا جان مطعم ستغربنة احنة وكفتلي نيران ع صفحة وهية شايلة فطوم بلعت ريك بتوتر واخذت نفس وكملت طريقي